Luka 16:15 - Fulfulde Bible

¹⁵ Yeesu wi'i ɓe: “Onon ngoni waɗanɓe bana adili'en yeeso yimɓe, ammaa Allah anndi ɓerɗe mooɗon, ngam ko yimɓe ndaarata bana mawɗum, ɗum nyidduɗum yeeso Allah.

Fulfulde DC Bible

¹⁵ Yeesu wi'i ɓe: “Onon ngoni waɗanɓe bana adili'en yeeso yimɓe, ammaa Allah anndi ɓerɗe mooɗon, ngam ko yimɓe ndaarata bana mawɗum, ɗum nyidduɗum yeeso Allah.

Luka 16:15 Iomraidhean Croise

1 Habaruuji Nyalaaɗe 29:17

Yaa Allah am, mi anndi a linyoowo ɓernde, a ɗon seyoro gooŋgaaku. Ndaa mi hokki caahuuji ɗi fuu bee gooŋgaaku ɓernde am. Jonta ngi'mi bee seyo no yimɓe am tawaaɓe ɗo ngerdi, ndokki ma dokke muuɗum'en.

2 Habaruuji Nyalaaɗe 6:30

an, yaa Jawmiraawo, jooɗiiɗo haa asama, nanan mo, yaafa mo, waɗan koo moy fodde kuuɗe mum, nde a anndi ɓernde maako. Ngam an feere ma anndi ɓerɗe ɓiɓɓe Aadama.

Jabuura 10:3

Kalluɗo ɗon mantoro suunooji mum. Cuunaaɗo riba ɗon hallina Jawmiraawo, ɗon yawo mo.

Jabuura 49:13

Ammaa neɗɗo bee maŋngu muuɗum fuu, duurataa, o halkan bana dabbaaji kalkirta.

Jabuura 49:18

ngam to o maayi, o hoocataa koo ɗume bee maako, tedduŋgal maako tokkataako mo nder yenaande.

Jabuura 7:9

Yaa Jawmiraawo, hiitu ummaatooje ɗe'e. Gooŋɗinam, yaa Jawmiraawo, ngam mi adiliijo, mi walaa aybe!

Balndi 16:5

Jawmiraawo ɗon wanya koo moy mawnitiiɗo, fakat, o hisataa kiita.

Balndi 20:6

Yimɓe ɗuuɗɓe ɗon ngeyna mbooɗeeŋga muuɗum'en. Ammaa moy tawata neɗɗo koolaaɗo?

Balndi 21:2

Koo moy ɗon laara kuuɗe mum ɗe pottuɗe, ammaa Jawmiraawo ɗon linya ɓerɗe.

Yeremiya 17:10

Min Jawmiraawo mi linyan ɓernde, mi wiɗititto numooji. Mi warjoto koo moy fodde yahdu mum e fodde nafuuda kuuɗe mum.

Malakiya 3:15

Jonta min ɗon ndaara yedduɓe bana kamɓe ngoni barkiɗinaaɓe. Waɗanɓe halleende keɓi hayru. Naa kanjum tan, ammaa koo to ɓe njarribake Allah, ɓe ndaɗan.”

Matta 23:5

Ɓe ɗon kuuwa kuuɗe maɓɓe fuu ngam haa yimɓe ndaara ɓe. Ɓe ɗon kaɓɓa filakterji mawɗi haa tiiɗe maɓɓe e juuɗe maɓɓe, ɓe ɗon mbaɗa tuutuuji mawɗi haa limce maɓɓe boo.

Matta 6:16

“Nde on ɗon cuumo fuu, taa mbaɗe bana naafiki'en: Ɓe ɗon nyiɓɓina geese maɓɓe, ɓe ɗon nyobba ɗe ngam haa yimɓe ngi'a ɓe ɗon cuumi. Gooŋga mbi'anmi on: Ɓe keɓi mbarjaari maɓɓe, jinni.

Matta 6:2

To a ɗon hokka talakaajo huunde, taa wooynu ɗum, bana naafiki'en mbaɗata nder cuuɗi dewal e dow laabi. Ɓe ɗon mbaɗa non ngam yimɓe teddina ɓe. Gooŋga mbi'anmi on: Ɓe keɓi mbarjaari maɓɓe, jinni.

Matta 6:5

“Nde on ɗon mbaɗa do'a fuu, taa laate bana naafiki'en. Kamɓe ɓe ngiɗi daraago nder cuuɗi dewal e haa kawtirɗe laabi, ɓe mbaɗa do'a ngam yimɓe ngi'a ɓe. Gooŋga mbi'anmi on: Ɓe keɓi mbarjaari maɓɓe, jinni.

Luka 10:29

Ammaa o yiɗi gooŋɗingo hoore maako, o wi'i Yeesu: “E moy woni keeddiɗɗiraawo am?”

Luka 11:39

Jawmiraawo wi'i mo: “Onon Farisa'en, on ɗon laɓɓina yaasi jardugel e nyaamrugel, ammaa nder mooɗon ɗon heewi bee suunooji e halleende.

Luka 18:11

Farisaajo dari, waɗi do'a nder ɓernde mum bana ni'i: Yaa Allah, mi yetti ma ngam mi laataaki bana yimɓe feere, laatiiɓe wuyɓe, sooyɓe-adilaaku, jeenooɓe malla bana jomnoowo oo.

Luka 18:14

Mi ɗon wi'a on, kaŋko o heɓi yerduye Allah nde o hooti saare maako, ammaa Farisaajo heɓaay. Ngam koo moy mawnini hoore mum, o leestinteeɗo e mo leestini hoore mum boo, o ɓaŋgteteeɗo.”

Luka 18:21

Gorko go wi'i: “Mi ɗowtani umrooje ɗe'e fuu diga mi derkeejo tawon.”

Luka 18:9

Yeesu wolwi balndol feere fahin ngam laaranɓe ko'e muuɗum'en ɓe adili'en, ɓe ɗon njawo woɗɓe:

Luka 20:20

Ɓe puɗɗi aynugo Yeesu, ɓe neli horooɓe. Yimɓe man mbaɗi ko'e maɓɓe bana ɓe yimɓe adili'en, ngam ɓe naŋngira Yeesu nder bolle maako ngam ɓe keɓa hokkugo mo haa hiitooɓe e yimɓe marɓe baawɗe ngomnati.

Luka 20:47

Ɓe ɗon njaɓta marle rewɓe yurumɓe, ɓe ɗon njuutina do'aare ngam yimɓe ngi'a ɓe. Ɓe keɓan kiita naawka masin.”

Yuhanna 2:25

O walaa haaje goɗɗo anndina mo haala yimɓe, ngam o anndi ko woni nder ɓerɗe maɓɓe.

Yuhanna 21:17

O wolwani mo tataɓre: “Simon ɓii Yuhanna, a yiɗi yam na?” Piyer suni nde Yeesu ƴami mo ƴamol tataɓol: “A yiɗi yam na?” O jaabi mo: “Jawmiraawo, an a anndi koo ɗume fuu, a anndi mi yiɗi ma.” Yeesu wi'i mo: “Duru baali am.

Kuuɗe Nelaaɓe 1:18

Yahuuda soodi ngesa bee ngeenaari ndi o heɓri bee kuugal maako kalluŋgal. Ton o do'ori hoore hoore, reedu maako seeki, teteki maako fuu ndufi yaasi.

Kuuɗe Nelaaɓe 1:24

Nden ɓe tori Allah, ɓe mbi'i: “Yaa Jawmiraawo, a anndi ɓerɗe yimɓe fuu. Ngam maajum hollu min hakkunde yimɓe ɗiɗo ɓe'e, moy cuɓɗa

Kuuɗe Nelaaɓe 15:8

Allah, annduɗo ɓerɗe yimɓe fuu, seedanake ɓe nde o hokki ɓe Ruuhu Ceniiɗo bana no o hokkiri en ɗum.

Roma'en 3:20

Walaa mo laatoto adiliijo yeeso Allah bee ɗowtanaago tawreeta. Neɗɗo woodi hakke, kanjum tan tawreeta anndinta en.

Roma'en 8:27

Allah linyoowo ɓerɗe ɗon faama ko Ruuhu ɗaɓɓata. Ngam Ruuhu ɗon torano yimɓe Allah senaaɓe fodde ko Allah yiɗi.

1 Korintu'en 4:5

Ngam maajum taa kiite koo ɗume diga saa'i man siwaa. Munye haa Jawmiraawo wara, mo waŋginta nder laaɓɗum ko suuɗi nder nyiɓre. O waŋginan boo nufayeeje nyukkiiɗe nder ɓerɗe yimɓe. Nden kadi koo moy heɓan manoore mum bana no fottanta Allah.

1 Piyer 3:4

Ndikka ŋarol mooɗon iwa diga nder ɓerɗe mooɗon, waato gikku ɗelemŋgu, de'iiŋgu. Kanjum woni pawne ɗe njinnataa, ɗum mari saman masin haa yeeso Allah.

1 Piyer 5:5

Onon derke'en boo, leestane mawɓe bana non. Koo moy fuu laatano deerɗum jaŋkiniiɗo ngam Deftere wi'i: “Allah ɗon dartano mantotooɓe, ammaa o ɗon mo'ana yaŋkiniiɓe.”

Wahayu Yuhanna 2:23

Ɓikkoy maako boo, mi mbaran koy. Jama'aaje nuɗɗinɓe fuu anndan min woni linyoowo numooji e ɓerɗe yimɓe. Mi warjoto koo moy mooɗon deydey kuuɗe muuɗum.

1 Samuyila 16:7

Ammaa Jawmiraawo wi'i mo: “Taa hakkilan darnde maako juutnde, mi suɓaay mo. Min kam mi laarataa bana yimɓe ndaardata. Neɗɗo laaran ko gite mum ngi'ata, ammaa min mi laaran ko woni nder ɓernde goɗɗo.”