Luka 14:23 - Fulfulde Bible

²³ Jaagorɗo wi'i suka go: Yah haa buuwi e laabi kommbi gese, doolu yimɓe ɓe a fottata bee muuɗum'en fuu ɓe nasta, ngam haa saare am heewa.

Fulfulde DC Bible

²³ Jaagorɗo wi'i suka go: Yah haa buuwi e laabi kommbi gese, doolu yimɓe ɓe a fottata bee muuɗum'en fuu ɓe nasta, ngam haa saare am heewa.

Luka 14:23 Iomraidhean Croise

Jabuura 110:3

Saa'i a ɗon dilla haɓre, yimɓe ma ɗon tokko ma bee ngiɗam muuɗum'en. Bana saawawre subaha, non suka'en ma ngardata haa maaɗa dow kooseeje ceniiɗe.

Jabuura 98:3

O yejjitaay mbooɗeeŋga maako e hoolaare maako heedi yimɓe Isra'iila. Haa keerol duniyaaru fuu, yimɓe ngi'i kisndam Allah meeɗen.

Esaaya 11:10

Nyalaade man laamiiɗo keso mo asŋgol Yessa go daroto bana tuutawal ngam jama'aaje. Ummaatooje ɗaɓɓitan mo, nokkuure siwtaago maako laatoto teddunde.

Esaaya 27:13

Nyalaade man goɗɗo fuufan luwal maŋngal. Majjuɓe haa lesdi Assuura e riiwaaɓe haa lesdi Misra, ɓe fuu ɓe ngaran sujidango Jawmiraawo dow hooseere seniinde haa Urusaliima.

Malakiya 1:11

Ngam diga fuɗirde naaŋge haa mutirde maage, ummaatooje ɗon teddina innde am mawnde. Koo toy fuu yimɓe ɗon ngula uurle ngam innde am, ɓe ɗon lii'ano yam dokke laaɓɗe ngam innde am mawnde caka ummaatooje. Non Jawmiraawo honooɓe asama wi'i.

Matta 21:43

Ngam maajum mi ɗon wi'a on: “Allah hoositan laamu muuɗum, hokkan ngu ummaatoore woɗnde tammiinde rimugo ɓenndalooje. [

Matta 5:41

To goɗɗo dooli ma yahugo kilomeetir gootel, yah kilomeetir ɗiɗi.

Luka 14:22

Suka yehi, warti, wi'i: Jaagorɗo, ko a umri waɗaama, ammaa babal ɗon lutti fahin.

Luka 14:24

Mi ɗon wi'a on: Koo gooto haa aartuɓe ewneego mettataa nyaamdu am!”

Luka 24:29

Ammaa ɓe ɓilli mo bee wi'go: “Jooɗoda bee amin, ngam hiiri, jemma ɓadake.” O nasti ngam weerdugo bee maɓɓe.

Kuuɗe Nelaaɓe 16:15

Kaŋko e yimɓe saare maako fuu, ɓe njaɓi baptisma. Nden o wi'i: “To on ndaari yam mi nuɗɗinɗo Jawmiraawo, ngare, mbeere haa saare am.” O dooli min weergo ton.

Kuuɗe Nelaaɓe 18:6

Ammaa ɓe ndartani mo, ɓe kuɗi mo. Pol fiɗɗi collaaje limce maako yeeso maɓɓe, wi'i: “To on kalki, annde ƴiiƴam mon ɗon dow ko'e mon, min kam mi laaɓɗo. Diga jonta mi yahan haa ummaatooje goɗɗe.”

Kuuɗe Nelaaɓe 28:28

Pol wi'i fahin: “Kadi sey anndon, Allah neli habaru kisndam muuɗum haa yimɓe ummaatooje goɗɗe. Kamɓe ɓe nanan!” [

Kuuɗe Nelaaɓe 9:15

Jawmiraawo wi'i mo: “Yah, ngam mi suɓi mo, mi laatini mo kuuwanoowo yam haa o waŋgina innde am haa ummaatooje e laamiiɓe e haa Isra'iila'en.

Roma'en 10:18

Sey mi ƴama: Isra'iila'en nanaay wolde na? Fakat ɓe nani nde! Deftere ɗon wi'a dow nelaaɓe: “Sawtu maɓɓe yotti lesɗe fuu. Bolle maɓɓe njotti keeri duniyaaru.”

2 Korintu'en 5:11

Min anndi ɗume woni kulol Allah. Ngam maajum min ɗon ngaso yimɓe. Allah anndi min laaɓɗum tal. Mi ɗon tammo boo on anndi min nder numooji ɓerɗe mooɗon.

2 Korintu'en 5:20

Ngam maajum min wakiili'en Almasiihu. Allah bee hoore mum ɗon wolwana on bee kunnduɗe amin. Ngam daliila Almasiihu min ɗon toro on: Culhotire bee Allah.

2 Korintu'en 6:1

Nde nii min huuwdooɓe bee Allah, min ɗon toro on: Taa lasbine mo'ere Allah nde keɓɗon.

Kolossi'en 1:23

Ammaa sey on tabita e on cemmbiɗa nder nuɗɗinki. Taa on acca koo ɗume sottina on dow tammunde nde keɓɗon haa Linjiila ka on nani. Linjiila ka'a waazinaama tagefooji fuu nder duniyaaru. Min Pol, mi gaazoowo ka.

Kolossi'en 1:28

Kaŋko min ngaazata haa yimɓe fuu. Min ɗon ndeentina ɓe, min ɗon ngaazina ɓe bee hikma fuu, ngam haa min ndarna koo moy yeeso Allah o timmuɗo nder kawtal bee Almasiihu.

2 Timote 4:2

Waazin yimɓe wolde Allah bee dartaare koo ndey fuu, koo ɗum fottanan ɓe, koo ɗum fottantaa ɓe. Waŋgin aybeeji maɓɓe, fel ɓe, wasa ɓe, ekkitin ɓe bee munyal timmuŋgal.