Luka 14:13 - Fulfulde Bible

¹³ Ammaa to a waɗi nyaamdu juulde, ewna talaka'en e jiijiiɓe e woosɓe e wumɓe.

Fulfulde DC Bible

¹³ Ammaa to a waɗi nyaamdu juulde, ewna talaka'en e jiijiiɓe e woosɓe e wumɓe.

Luka 14:13 Iomraidhean Croise

2 Samuyila 6:19

Isra'iila'en worɓe e rewɓe wonɓe ton fuu, Daawuda yeɗi koo moy maɓɓe tamseere e tamre dibinooje e tamre inabooje joorɗe. Nden ɓe kooti, koo moy haa saare muuɗum.

2 Habaruuji Nyalaaɗe 30:24

ngam Hezekiya, laamiiɗo Yahuuda hokki ɓe ga'i kalhali ujineere (1.000) e dammooji ujine sappo (10.000). Mawɓe boo ndokki yimɓe ga'i kalhali ujineere (1.000) e dammooji ujine sappo (10.000). Liman'en ɗuuɗɓe ceni ko'e muuɗum'en boo.

Nehemiya 8:10

Esira wi'i ɓe: “Njehe jonta, nyaame payɗum, njare mbelɗam, nelde boo geɗe nyaamdu haa mo taaskitinaay nyaamdu. Ngam hannde woni nyalaade senaande ngam Jawmiraawo men. Taa cune, ngam seyo iwŋgo diga Jawmiraawo woni semmbe mon.”

Nehemiya 8:12

Nden yimɓe fuu ndilli nyaamoygo e yaroygo, ɓe neldi geɗe nyaamdu boo. Ɓe ceyi bee seyo maŋngo ngam ɓe paami bolle ɗe ɓe anndini ɓe.

Ayuba 29:13

Mi heɓino barka haa yimɓe torriiɓe fuu, mi seynino rewɓe yurumɓe boo.

Balndi 14:31

Ɓillanɗo laafuɗo ɗon huɗa tagɗo mo, enɗanɗo talakaajo ɗon teddina mo.

Balndi 22:9

Barka laatanto koo moy enɗi talakaajo, nyaamni mo.

Esaaya 58:10

to on ndokki dolɓe ko nyaamoton, on kaarni laafuɓe, nden kam annoora mon yaynan nder nyiɓre, nyiɓre mon laatoto bana caka nyalawma.

Esaaya 58:7

Cennde nyaamdu mon bee dolɓe, nastine laafuɓe yiilotooɓe nder cuuɗi mon. To on ngi'i goɗɗo temmbo, ɓorne mo. Taa ngaylitane banndiraaɓe mon ɓaawo.

Matta 15:30

Mooɓe ɗuuɗɗe ngari haa maako, ɓe ngaddi woosɓe e wumɓe e waata-terɗe'en e muuka'en e nyawɓe woɗɓe ɗuuɗɓe. Ɓe mballini ɓe kommbi Yeesu, o yamɗitini ɓe.

Matta 22:10

Sukaaɓe go njehi haa laabi, ɓe tawi halluɓe e wooɗɓe fuu, ɓe mooɓti ɓe. Suudu ɓaŋgal heewi ewnaaɓe.

Luka 11:41

Caahe talaka'en ko woni nder jardugel mooɗon e nyaamrugel mooɗon, nden kuuje fuu laatoto laaɓɗe ngam mooɗon.

Luka 14:12

Nden o wolwani boo ewniiɗo mo go: “To a waɗani yimɓe nyaamduuji koo ndey, taa ewna soobiraaɓe ma malla deerɗiraaɓe ma malla banndiraaɓe ma, koo heeddiɗɗiraaɓe ma riskuɓe, ngam taa ɓe ewne kamɓe boo, ɓe mbarjo ma.

Luka 14:14

A heɓan barka ngam ɓe mbaawataa warjaago ma. Allah warjoto ma ɗum nyannde ummitineeki adili'en.”

Luka 14:21

Suka lorti haa jaagorɗo muuɗum, yecci mo ɗum fuu. Nden jawmu saare ɓerni, wi'i suka muuɗum: Yah law haa dalde wuro e haa laabi, ewna talaka'en e jiijiiɓe e wumɓe e woosɓe.

Kuuɗe Nelaaɓe 9:39

Piyer dillidi bee maɓɓe. Nde o yotti, ɓe njahri mo haa suudu dowru go. Rewɓe yurumɓe taari mo, ɓe ɗon mboya, ɓe ɗon kolla mo toggooje e limce ɗe Tabita nyooti saa'i o geeto.

Tooktaaki Tawreeta 14:29

Lewi'en ngaran kooca geɗal muuɗum'en, ngam ɓe marataa gese caka mooɗon. Luttuɗum boo ɗum laatano hoɗɓe e atiime'en e rewɓe yurumɓe wonɓe nder berniiji mon. Ɓe fuu ɓe keɓa, ɓe nyaama, ɓe kaara, ngam haa Jawmiraawo, Allah mooɗon barkiɗina kuugal juuɗe mooɗon fuu.

Tooktaaki Tawreeta 16:11

Ceye yeeso maako, onon bee ɓikkoy mooɗon worɓe e rewɓe e jeyaaɓe mon e Lewi'en wonɓe nder berniiji mon e hoɗɓe e atiime'en e rewɓe yurumɓe caka mooɗon. Mbaɗe ɗum haa nokkuure nde Jawmiraawo, Allah mooɗon suɓata ngam innde muuɗum wona ton.

Tooktaaki Tawreeta 16:14

Ceye wakkati juulde nde'e, onon bee ɓikkoy mooɗon e jeyaaɓe mon e Lewi'en e hoɗɓe e atiime'en e rewɓe yurumɓe wonɓe nder berniiji mon.

1 Timote 3:2

Ngam maajum, sey ardiiɗo wona goɗɗo mo walaa feloore, marɗo debbo gooto, naŋgtiiɗo, kakkilɗo, ne'iiɗo, beernoowo hoɗɓe, baawɗo ekkitingo.

1 Timote 5:10

to o anndaaɗo ngam kuuɗe maako booɗɗe, waato o mawnini ɓiyiiko'en booɗɗum, o weerni hoɗɓe, o looti kosɗe senaaɓe, o walli ɓilliiɓe, o tiini huuwugo kuuɗe booɗɗe koo ɗeye.

Titus 1:8

ammaa o laato beernoowo hoɗɓe, giɗɗo mbooɗeeŋga, kakkilɗo, adiliijo, cenaaɗo, naŋgtiiɗo.

Filemon 1:7

Yiide ma seyni yam e suusɗini yam masin, a de'itini boo ɓerɗe yimɓe Allah fuu.

Ibraniŋke'en 13:2

Taa ngejjite weernugo hoɗɓe. Woɗɓe mbaɗi ɗum, njaɓɓi malaa'ika'en bilaa anndugo ɓe malaa'ika'en.