Luka 12:5 - Fulfulde Bible

⁵ Mi hollan on mo kuloton: Kule mo waawi mbarugo, mo woodi baawɗe sakkingo nder yiite jahannamaaye boo. Nonnon, mi ɗon wi'a on, kaŋko haani huleego.

Fulfulde DC Bible

⁵ Mi hollan on mo kuloton: Kule mo waawi mbarugo, mo woodi baawɗe sakkingo nder yiite jahannamaaye boo. Nonnon, mi ɗon wi'a on, kaŋko haani huleego.

Luka 12:5 Iomraidhean Croise

Jabuura 9:17

Jawmiraawo waŋgini hoore mum, waɗi kiita, halluɓe naŋngaama nder dabareeji muuɗum'en kalluɗi.

Balndi 14:26

Kulɗo Jawmiraawo woodi hoolaare semmbiɗnde, ɓikkoy maako boo keɓan hisrude.

Yeremiya 10:7

Moy hulataa ma, yaa laamiiɗo ummaatooje? An a he'i huleego. Walaa nannduɗo bee maaɗa caka marɓe hikma nder ummaatooje e nder laamuuji maɓɓe fuu.

Yeremiya 41:18

ngam daaytaago bee Kaldiya'en. Ɓe kuli Kaldiya'en, ngam Isma'iilu mbari Gedaliya mo laamiiɗo Baabila waɗino ngomna lesdi.

Yeremiya 5:22

Jawmiraawo ɗon ƴama: “On kulataa yam na? On ndiwnataa yeeso am na? Min mi heerɗini mbeela bee njaareendi, ɗum keerol duumiiŋgol ngol saalataake. Ƴuuge mbeela ɗon ndimmbo, ammaa ɗe ngalaa baawɗe. Ɗe ɗon iida, ammaa ɗe caalataako keerol man.

Matta 10:28

Taa kule yimɓe ngam koo ɓe mbaawan mbarugo ɓalli mooɗon, ɓe mbaawataa mbarugo yoŋki. Ammaa kule Allah baawɗo halkugo ɓanndu e yoŋki fuu nder yiite jahannama.

Matta 25:41

Nden laamiiɗo wi'an wonɓe haa nano muuɗum: Ndaayeeɗam, onon naalaaɓe! Ndille nder yiite duumiiŋge, taaskitinaaŋge ngam Iblisa e malaa'ika'en muuɗum.

Matta 25:46

Kamɓe ɓe nastan haa yaŋgada nduumiika, ammaa adili'en go keɓan ngeendam nduumiiɗam.”

Matta 5:22

Ammaa min mi ɗon wi'a on: Koo moy tikkani deerɗum, he'i yahreego yeeso alkaali. Koo moy wi'i deerɗum: A meereejo, he'i yahreego yeeso hiitooɓe nder dawriinde. Koo moy wi'i deerɗum: A ginnaaɗo, ɗum he'i nastingo mo nder yiite jahannama.

Markus 13:23

Onon, kakkile! Mi yecci on ɗum fuu diga aran.”

1 Tessaloniiki'en 4:6

Taa koo moy waɗana deerɗum aybe dow haala ka'a, taa o toskina mo. Min mbi'i on ɗum diga ɓooyma, min ndeentini on boo: Jawmiraawo hiitoto ɗum fuu.

Ibraniŋke'en 10:31

Yanugo diga juŋngo Allah geeto ɗum kulniiɗum masin!

2 Piyer 2:4

Koo malaa'ika'en waɗɓe hakke maa ndaɗaay, Allah sakkini ɓe haa yiite jahannama, ɓe maɓɓaama nder nyiɓre bee callalluuji, ɓe ɗon ndeena nyannde kiita.

Wahayu Yuhanna 14:7

O wolwi bee sawtu, o wi'i: “Kule Allah, teddine mo! Ngam wakkati kiita maako yottake. Ngam maajum, cujidane Allah tagɗo asama e lesdi e mbeela e ceeɓooje ndiyam!”

Wahayu Yuhanna 15:4

Moy hulataa ma, yaa Jawmiraawo? Moy teddintaa innde maaɗa? Ngam an feere ma woni ceniiɗo. Ummaatooje fuu ngaran sujididgo yeeso ma, ngam kuuɗe ma adiliije mbaŋgi.”

Wahayu Yuhanna 20:14

Nden maayde e joonde maayɓe cakkinaama nder weendu yiite. Weendu yiite ndu'u woni maayde ɗiɗawre.