Luka 12:32 - Fulfulde Bible

³² “Taa kultore, onon tokkere famarde, ngam Baabiraawo yiɗi hokkugo on laamu muuɗum.

Fulfulde DC Bible

³² “Taa kultore, onon tokkere famarde, ngam Baabiraawo yiɗi hokkugo on laamu muuɗum.

Luka 12:32 Iomraidhean Croise

Esaaya 40:11

O duran tokkere maako bana gaynaako. O mooɓtan e o hoo'an mbaaloy dow juuɗe maako, o roondoto koy haa wiɓɓere maako. O ɗowan baali musinanɗi bee hakkiilo.

Esaaya 41:14

Jawmiraawo wi'i: “Taa hul, an ngilŋgel Yaakubu! An peetum Isra'iila, mi yiidete! Min Ceniiɗo Isra'iila, mi coottoowo ma.

Esaaya 53:6

Enen fuu en majjino bana baali, koo moy tokkuno laawol muuɗum. Ammaa Jawmiraawo yowi aybe meeɗen fuu dow maako.

Yeremiya 3:19

Mi wi'no: Fakat mi liman on caka ɓiɓɓe, mi hokkan on lesdi mboondi, maral ɓurŋgal wooɗugo caka ummaatooje. Mi wi'no: On ewnoto yam Baabiraawo, on accataa tokkaago yam sam.

Matta 14:27

Law Yeesu wolwani ɓe, wi'i: “Tiɗɗine ɓerɗe mooɗon, taa kultore, ɗum min.”

Matta 20:16

Bana non boo, sakkitiiɓe laatoto aartuɓe, aartuɓe boo laatoto sakkitiiɓe.”

Matta 25:34

Nden laamiiɗo wi'an wonɓe haa nyaamo muuɗum: Ngare, onon barkiɗinaaɓe Baabiraawo am, ndone laamu taaskitinaaŋgu ngam mooɗon diga tageeki duniyaaru.

Matta 7:15

“Ndeente e fewooɓe wi'anɓe ɓe annabi'en, waranɓe haa mooɗon nder laral baali, ammaa nder maɓɓe ɓe caafaali kaaŋaaɗi.

Luka 10:21

Wakkati man Ruuhu hebbini Yeesu seyo, o wi'i: “Yaa Baabiraawo, Jawmu asama e lesdi, mi yetti ma ngam a waŋginani ɓikkoy pamaroy ko a suuɗi marɓe anndal e faamu. Ooho, yaa Baabiraawo, bana nii ɗum fottani ma.

Yuhanna 18:36

Yeesu jaabi: “Laamu am laataaki laamu duniyaaru ndu. To laamu am laatino ngu duniyaaru ndu, jaggiiɓe am ngaranno haɓugo ngam am, ngam taa mi nasta juuɗe Yahuudu'en. Ammaa gooŋga laamu am laataaki laamu duniyaaru ndu.”

Kuuɗe Nelaaɓe 20:28

Ayne ko'e mooɗon! Ayne tokkere nde Ruuhu Ceniiɗo halfini on! Bana waynaaɓe, ayne jama'aare nuɗɗinɓe Allah, nde o heɓri bee ƴiiƴam Ɓiɗɗo maako ndufaaɗam.

Kuuɗe Nelaaɓe 20:29

Ngam mi anndi to mi dilli, caafaali kaaŋaaɗi nastan caka mooɗon, ɗi accataa tokkere.

Roma'en 6:23

Ngam ngeenaari hakke, ɗum maayde. Ammaa dokkal Allah kam, ɗum ngeendam nduumiiɗam nder kawtal bee Yeesu Almasiihu, Jawmiraawo meeɗen.

1 Korintu'en 1:21

Ngam nde nii duniyaaru bee hikma mum anndaa Allah ngam ndu annditaay hikma maako, Allah ɗon seyori hisnugo nuɗɗinɓe bee waazingo ko hikma'en duniyaaru mbi'ata faataare.

Filippi'en 2:13

ngam Allah bee hoore mum ɗon huuwa nder muuyo mon e nder kuuɗe mon fodde anniya mum mbooɗka.

2 Tessaloniiki'en 1:11

Ngam man min ɗon torano on foroy, ngam haa Allah meeɗen tawa on heƴiiɓe ngam ewnaandu ndu o ewnori on. Bee baawɗe maako, o walla on hebbitingo anniyaaji mooɗon booɗɗi fuu, o timmitina kuugal nuɗɗinki mooɗon fuu boo.

2 Tessaloniiki'en 1:5

Boneeji ɗi'i ngoni alaama kiita Allah ngooŋɗuka. Kanji laatinta on heƴiiɓe nastugo laamu Allah, ngu njaroton bone daliila mum.

Ibraniŋke'en 12:28

Ngam maajum, nde en keɓan laamu ngu dimmbataako, en ngetta Allah, en njaggano mo bana ɗum fottanta mo, bee leestinaare e kulol boo,

Yaakuba 2:5

Deerɗiraaɓe am yiɗaaɓe, keɗite booɗɗum! Naa Allah suɓi laafuɓe duniyaaru ngam haa ɓe laato riskuɓe nder nuɗɗinki e ɓe ndona laamu ngu o iinani yiɗɓe mo na?

2 Piyer 1:11

Bana non on keɓan nastugo laamu nduumiiŋgu ngu Jawmiraawo e Kisnoowo meeɗen Yeesu Almasiihu bee feecaare.

Wahayu Yuhanna 1:6

o laatini en ummaatoore laamu maako e liman'en Allah, Baabiraawo maako. Tedduŋgal e baawɗe laatano mo haa abada abadin. Aamiina!

Wahayu Yuhanna 22:5

Jemma waɗataa haa ton fahin, walaa mo marata haaje pittirla malla jayŋgol naaŋge, ngam Jawmiraawo Allah yaynanan ɓe bee annoora mum. Ɓe laamoto haa abada abadin.