Luka 11:41 - Fulfulde Bible

⁴¹ Caahe talaka'en ko woni nder jardugel mooɗon e nyaamrugel mooɗon, nden kuuje fuu laatoto laaɓɗe ngam mooɗon.

Fulfulde DC Bible

⁴¹ Caahe talaka'en ko woni nder jardugel mooɗon e nyaamrugel mooɗon, nden kuuje fuu laatoto laaɓɗe ngam mooɗon.

Luka 11:41 Iomraidhean Croise

Jabuura 112:9

O ɗon wallita laafuɓe bee caahaaki, adilaaku maako ɗon tabiti haa foroy, o heɓan baawɗe e tedduŋgal.

Jabuura 41:1

Ngam kaliifaajo gime. Yimre Daawuda.

Balndi 14:31

Ɓillanɗo laafuɗo ɗon huɗa tagɗo mo, enɗanɗo talakaajo ɗon teddina mo.

Balndi 16:6

Mbooɗeeŋga e gooŋgaaku cuddan aybe goɗɗo, bee kulol Jawmiraawo goɗɗo daayoto halleende.

Balndi 19:17

Enɗanɗo laafuɗo hokki Jawmiraawo nyamaande, kaŋko o warjoto mo mbooɗeeŋga nga'a.

Daniyel 4:27

o wi'i: “Ndaare no Baabila mawniri! Min wartiri berniwol ngo'ol jooɗorde laamiiɗo. Mi nyiɓi ngol bee baawɗe am mawɗe, ngam tedduŋgal e daraja am!”

Matta 26:11

Ngam talaka'en ngondan bee mooɗon foroy, ammaa min, mi wondataa bee mooɗon foroy.

Matta 5:42

To goɗɗo ƴami ma huunde, hokku mo nde. To goɗɗo ƴami ma nyamaande, taa salana mo.”

Markus 7:19

ngam ɗum nastataa ɓernde maako, ammaa nder reedu, ɓaawoɗon ɗum wurto haa ɓaawo suudu.” Yeesu wi'i bana nii ngam o sena nyaamdu fuu.

Luka 12:33

Coorre ko marɗon, caahe ɗum talaka'en, mbaɗane ko'e mooɗon boorooji sigaago ceede ɗi mbonnataako e jawdi ndi re'ataa haa asama: Haa ton gujjo ɓadataako, gilɗi boo mbonnataa ɗum.

Luka 16:9

Yeesu ɓesdi wi'ugo: “Min mi ɗon wi'a on: Keɓane ko'e mooɗon soobiraaɓe bee jawdi duniyaaru ndu'u. To ndi timmiri on, ɓe njaɓa on haa joole duumiiɗe.

Luka 18:22

Nde Yeesu nani ɗum, o wi'i mo: “Luttani ma huunde woore: Soorru ko marɗa fuu, hokku ɗum talaka'en, nden kam a heɓoyan ndesaari haa asamanji. Nden war, tokkam.”

Luka 19:8

Ammaa Jakayus dari yeeso Jawmiraawo, wi'i: “Jawmiraawo, mi hokkan reeta jawdi am haa talaka'en. To woodi mo mi hoosino ɗum huunde bee faasikaare, mi lornanan mo ɗum cowi nayi.”

Kuuɗe Nelaaɓe 10:15

O nani sawtu go fahin, wi'i mo: “Ko Allah laɓɓini, taa harmin ɗum.”

Kuuɗe Nelaaɓe 11:29

Pukara'en mbaɗi anniya, koo moy maɓɓe nelda ko o waawi ngam wallugo nuɗɗinɓe wonɓe lesdi Yahudiya.

Kuuɗe Nelaaɓe 24:17

Ɓaawo yiilaago yaasi Urusaliima duuɓi seɗɗa, mi lori ton ngam mi yahrana ummaatoore am sadaka e mi waɗana Allah dokke.

2 Korintu'en 8:12

To on mari anniya mbooɗka ngam hokkugo, Allah jaɓan dokkal mooɗon. O ƴamataa ko on ngalaa, sey ko marɗon.

Efesu'en 4:28

Laatinooɗo gujjo, taa meeta wujjugo. Sey o huuwa kuugal laaɓŋgal bee juuɗe maako, haa o wuura, o walla laafuɓe boo.

Titus 1:15

Haa laaɓa-ɓerɗe'en, koo ɗume fuu laaɓi. Ammaa haa soɓɓe e sooyɓe nuɗɗinki, walaa ko laaɓi, ngam hakkiilooji maɓɓe e numo ɓerɗe maɓɓe coɓi.

Ibraniŋke'en 13:16

Taa ngejjite waɗugo mbooɗeeŋga. Mballindire ngam kanjum woni kirseteeɗum ɗum Allah yerdoto.

Ibraniŋke'en 6:10

Ngam Allah o adiliijo, o yejjitittaa kuuɗe mooɗon malla yiide nde on kolli mo bee wallugo nuɗɗinɓe, senaaɓe, jonta boo on ɗon mballa ɓe.

Yaakuba 1:27

Ndaa ko hollata diina gooŋgaaha e ceniika yeeso Allah Baabiraawo: Hakkilango atiime'en e rewɓe yurumɓe nder ɓillaare maɓɓe e aynugo hoore muuɗum ngam taa duniyaaru soɓna ɗum.