Luka 10:21 - Fulfulde Bible

²¹ Wakkati man Ruuhu hebbini Yeesu seyo, o wi'i: “Yaa Baabiraawo, Jawmu asama e lesdi, mi yetti ma ngam a waŋginani ɓikkoy pamaroy ko a suuɗi marɓe anndal e faamu. Ooho, yaa Baabiraawo, bana nii ɗum fottani ma.

Fulfulde DC Bible

²¹ Wakkati man Ruuhu hebbini Yeesu seyo, o wi'i: “Yaa Baabiraawo, Jawmu asama e lesdi, mi yetti ma ngam a waŋginani ɓikkoy pamaroy ko a suuɗi marɓe anndal e faamu. Ooho, yaa Baabiraawo, bana nii ɗum fottani ma.

Luka 10:21 Iomraidhean Croise

Jabuura 24:1

Yimre Daawuda. Jawmiraawo mari lesdi e ko hebbini ndi fuu, non boo duniyaaru e jooɗiiɓe nder maaru fuu.

Jabuura 25:14

Jawmiraawo ɗon anndina hulɓe ɗum sirriiji muuɗum, o faamtinan ɓe alkawal ngal o haɓɓi bee maɓɓe.

Jabuura 8:2

Yaa Allah Jawmiraawo amin, innde ma nde mawnde masin dow lesdi fuu! Maŋngu ma ɓuri asamanji.

Esaaya 29:14

Ngam man mi tokkoto hayɗingo yimɓe ummaatoore nde'e bee waɗango ɓe kuuje kayɗiniiɗe ɗuuɗɗe. Nden kam hikma hikma'en maɓɓe halkan, faamu marɓe faamu maɓɓe boo majjan.”

Esaaya 35:8

Buuwol bi'eteeŋgol Laawol-Ceniiŋgol wonan ton. Coɓɗo yahataa dow maagol, sey tokkotooɓe laawol man tan. Koo faataaɓe boo majjataa ton.

Esaaya 53:11

Daliila torraaji ɗi o yari, o heɓan seyo fahin, o anndan o torraaki meere. Kaŋko woni suka am adiliijo. O roondi aybeeji ɗuuɗɓe, bana nii o adilinan ɓe.

Esaaya 62:5

Bana suka te'irta paanyo debbo, non nyiɓtoowo ma haɓɓan teegal bee maaɗa. Bana ɓaŋɗo seyorto ɓaŋgeteeɗo, non Allah maaɗa seyorto ma.

Esaaya 66:1

Ndaa nii Jawmiraawo wi'i: “Asama woni leeso laamu am, lesdi woni jaaɓruɗum kosɗe am. Kadi suudu nduye on nyiɓantammi? Nokkuure ndeye laatoto siwtorde am?

Sefaniya 3:17

Jawmiraawo Allah maaɗa ɗon wondi bee maaɗa, o cemmbiɗɗo, kisnoowo. O seyorto ma bee welwelo, o hesɗitinte bee yiide, o welweltan ngam maaɗa bee gookaali seyo bana nder nyannde juulde.”

Matta 16:17

Yeesu wi'i mo: “A barkiɗinaaɗo, Simon ɓii Yonas, naa neɗɗo waŋginani ma gooŋga ka, ammaa ɗum Baabiraawo am mo asama.

Matta 21:16

Ɓe mbi'i Yeesu: “A ɗon nana ko koy mbi'ata na?” Yeesu jaabi: “Ooho, mi ɗon nana. On meeɗaay jaŋngugo ko winnda na: Bee kunnduɗe ɓikkoy e musinankoy a taaskitinani hoore ma maŋgtoore.”

Matta 3:7

Nde Yuhanna yi'i Farisa'en e Saduki'en ɗuuɗɓe ɗon ngara haa maako ngam o waɗana ɓe baptisma, o wi'i ɓe: “Ɓiɓɓe poosokje, moy wi'i on on kisan tikkere Allah warannde?

Markus 10:15

Mi ɗon wi'a on, mo jaɓaay laamu Allah bana ɓiŋngel pamarel, fakat o nastataa ngu sam.”

Luka 15:5

To o heɓti, o roondoto ngu dow balbe maako bee seyo,

Luka 15:9

To o heɓti nde, o ewnoto soobiraaɓe maako e heeddiɗɗiraaɓe maako, o wi'a ɓe: Ceyode bee am, ngam mi heɓti suleyre am majjunoonde go.

Yuhanna 11:41

Ɓe cottini hayre go. Yeesu tijji asama, wi'i: “Yaa Baabiraawo, mi yetti ma ngam a nanani yam.

2 Korintu'en 4:3

To Linjiila ka min ngaazinta laati cuuɗiika, ka suuɗaama haa majjanɓe.

Efesu'en 1:11

Barka Almasiihu enen boo en keɓi geɗal kisndam meeɗen. Allah, baɗanɗo koo ɗume fuu fodde nufaye muuyo mum, suɓi en diga ɓooyma.

Efesu'en 1:5

Diga ɓooyma o aarti o suɓi en haa en laato ɓiɓɓe maako daliila Almasiihu. O muuyi ɗum ngam ɗum fottani mo.