Limle 7:1 - Fulfulde Bible

¹ Nyannde nde Muusa timmini darnugo laymaaru fottirde, o wuji ndu nebbam, o seni ndu, kayru e kuuwruɗe maaru fuu, non boo hirsirde e kuuwruɗe maare fuu. O wuji e o seni ɗum fuu.

Fulfulde DC Bible

¹ Nyannde nde Muusa timmini darnugo laymaaru fottirde, o wuji ndu nebbam, o seni ndu, kayru e kuuwruɗe maaru fuu, non boo hirsirde e kuuwruɗe maare fuu. O wuji e o seni ɗum fuu.

Limle 7:1 Iomraidhean Croise

Laataanooji 2:3

O barkiɗini nde, o seni nde. Ngam nder maare o siwti e tagugo kuuje fuu.

1 Laamiiɓe 8:64

Nyalaade maajum laamiiɗo seni nokkuure caka babal yeeso haykaliiru Jawmiraawo, ngam ton o lii'i guleteeɗi e dokke nyaamdu e ɓellere kirsaaɗi ngam kawtal yimɓe bee Allah, ammaa hirsirde njamndi mboɗeeri famɗi, waawaay jogaago guleteeɗi e dokke nyaamdu e ɓellere kirsaaɗi ngam kawtal yimɓe.

Gurtaaki 13:2

“Senanam afɓe e afi dabbaaji fuu nder Isra'iila fuu, ngam mo aarti danyeego fuu e ko aarti rimeego fuu nder Isra'iila, min jeyi.”

Gurtaaki 29:36

Nyalaade fuu lii'anam ngaari kalhaldi kirseteendi ngam ittugo hakke. Laɓɓin hirsirde bee lii'aago kirseteeŋga man ngam maare. Wuju nde bee nebbam ngam a sena nde.

Gurtaaki 40:11

Wuju daaro e jo'inirɗum maago bee nebbam, sen ngo.

Limle 17:2

“Umru Eli'azaaru ɓii Haruna limanjo, o saŋkita yiite haa daayiiɗum, o wurtina pehe go diga ndoondi, ngam ɗe cenaaɗe.

Limle 7:10

Ardiiɓe ngaddi dokke muuɗum'en ngam waɗugo juulde cenki hirsirde, nyannde Muusa wuji nde nebbam. Ɓe ngaddi ɗe yeeso hirsirde.

Limle 7:84

Kanje ngoni dokke ɗe ardiiɓe Isra'iila lii'i ngam juulde cenki hirsirde fuu: Taasaaje cardi sappo e ɗiɗi, taasahoy cardi sappo e ɗiɗoy, cardi man fuu, baakin kilo noogas e nayi, taasahoy kaŋŋeeri sappo e ɗiɗoy keewkoy uureteeɗum, kaŋŋeeri maakoy fuu, baakin kilo bee reetita fodde etirgal suudu seniindu, ga'i kalhali sappo e ɗiɗi, jawɗi baali sappo e ɗiɗi, njawkoy sappo e ɗiɗoy koy nduuɓu, koy fuu koy guleteekoy, non boo dokke nyaamdu kawtanɗe bee maaji, jawɗi be'i sappo e ɗiɗi, kirseteeɗi ngam ittuki hakkeeji, ga'i kalhali noogas e nayi, jawɗi baali cappanɗe joweego, jawɗi be'i cappanɗe joweego, njawkoy cappanɗe joweego koy nduuɓu, koy fuu koy kirseteekoy ngam kawtal yimɓe bee Allah.

Matta 23:19

Onon wumɓe, ɗume ɓuri saman? Dokkal naa malla hirsirde nde senata dokkal man?