Limle 6:24 - Fulfulde Bible

²⁴ Jawmiraawo barkiɗina on, ayna on!

Fulfulde DC Bible

²⁴ Jawmiraawo barkiɗina on, ayna on!

Limle 6:24 Iomraidhean Croise

1 Tessaloniiki'en 5:23

Allah, dokkoowo en salaaman, timmitina senugo on bee hoore mum. O ayna on on laaɓɓe bee ruuhu e yoŋki e ɓanndu fuu, ngam laatooɗon ɓe ngalaa feloore nyalaade loraaki Jawmiraawo meeɗen Yeesu Almasiihu.

Filippi'en 4:7

Nden kam salaaman Allah ɓurka faamu neɗɗo fuu, aynan ɓerɗe mon e numooji mon nder kawtal bee Yeesu Almasiihu.

Yahuuda 1:24

Tedduŋgal e maŋngu e laamu e baawɗe laatano Allah gooto, kisnoowo en bee Yeesu Almasiihu Jawmiraawo meeɗen, baawɗo aynugo on ngam taa on ndo'o, haa on mbaŋga on seyiiɓe, laaɓɓe yeeso tedduŋgal maako, diga zamanuuji ciwaa, non boo jonta e haa foroy. Aamiina!

Esaaya 42:6

“Min Jawmiraawo mi ewnori ma ngam adilaaku. Mi naŋngan juŋngo ma, mi aynete, bee maaɗa kaɓɓiranmi alkawal bee yimɓe, bee maaɗa ndokkiranmi ummaatooje annoora,

Yuhanna 17:11

Mi jooɗataako nder duniyaaru fahin, ammaa kamɓe ɓe ɗon njooɗi nder maaru. Jonta mi ɗon yaha haa maaɗa. Yaa Baabiraawo Ceniiɗo, a waŋginani yam baawɗe innde maaɗa, aynu ɓe bee baawɗe man, ngam haa ɓe laato gootum, bana min bee ma en gootum.

Jabuura 91:11

Ngam Allah umran malaa'ika'en muuɗum ngam maaɗa, ɓe ayne dow laabi ma fuu.

Jabuura 134:3

Jawmiraawo tagɗo asama e lesdi barkiɗine diga Siyona.

Ruut 2:4

Nden Bo'es wurti Baytilaama, wari haa ngesa ka'a, hoofni wa'ooɓe mum, wi'i: “Jawmiraawo wonda bee mooɗon.” Ɓe njaabi: “Jawmiraawo barkiɗine.”

Jabuura 17:8

Aynam bana aynirta ɓiŋngel yiitere ma! Suuɗam les bileeji ma!

1 Samuyila 2:9

Jawmiraawo ɗon ayna kosɗe hoolaaɓe mum, ammaa halluɓe majjan nder nyiɓre. ngam neɗɗo waawataa heɓugo jaalorgal bee semmbe muuɗum.

1 Piyer 1:5

On ɗon nuɗɗini mo. Ngam maajum o ɗon ayna on bee baawɗe maako. Nder balɗe ragareeje, o waŋginanan on kisndam ɗam o taaskani on.

Filippi'en 4:23

Mo'ere Jawmiraawo men Yeesu Almasiihu wondu bee mooɗon fuu!

Efesu'en 6:24

Mo'ere Allah wonda bee yiɗɓe Jawmiraawo men Yeesu Almasiihu bee yiide nde wonnataako!

Jabuura 28:9

Hisnu ummaatoore ma, barkiɗin yimɓe ɓe marɗa! Laata gaynaako maɓɓe e balloowo maɓɓe haa foroy!

Esaaya 27:3

“Min Jawmiraawo mi ɗon ayna ka, mi ɗon yarna ka wakkati fuu. Mi ɗon ayna ka jemma e naaŋge, ngam taa goɗɗo wonna ka.

1 Korintu'en 14:16

To a ɗon yetta Allah bee ruuhu ma tan, noy goɗɗo nder mooɓtorde mo faamaay haala man wi'rata “Aamiina” haa do'a maaɗa? Ngam o faamataa ko mbi'ata.

Laataanooji 28:15

Anndu, mi ɗon wondi bee ma. Mi aynete haa njahata fuu. Mi lornete nder lesdi ndi'i, ngam mi wudintaa ma, sey to mi hiɓɓini ko mbi'maami.”

2 Samuyila 7:29

Nden, useni barkiɗin danygol maccuɗo ma yeeso maaɗa haa foroy. An Jawmiraawo wi'i ɗum, ngam maajum fakat danygol am heɓan barka ma.”

Daniyel 9:17

Jonta yaa Allah amin, heɗita do'a e tornde maccuɗo ma. Daliila innde ma, laar nokkuure ma seniinde yibbinaande bee yerduye.