Limle 25:1 - Fulfulde Bible

¹ Isra'iila'en caŋngini haa Sittim. Nden worɓe maɓɓe puɗɗi waɗugo daakaareeku bee rewɓe Mo'abi'en.

Fulfulde DC Bible

¹ Isra'iila'en caŋngini haa Sittim. Nden worɓe maɓɓe puɗɗi waɗugo daakaareeku bee rewɓe Mo'abi'en.

Limle 25:1 Iomraidhean Croise

2 Laamiiɓe 23:7

O yibbini cuuɗi nder haykaliiru, haa ɓe mbaɗata daakaareeku ngam rewugo labbi e haa rewɓe cannyata limce ngam dewal Asera.

Jabuura 106:28

Nden yimɓe maako ɗakkotiri bee Ba'al-Pe'or, ɓe nyaami kirsanaaɗum maayɓe.

Gurtaaki 22:19

Koo moy lii'ani labbi kirsaaɗi, naa haa Jawmiraawo o lii'ani, o mbareteeɗo.

Gurtaaki 34:15

Ndeente, taa kaɓɓe alkawal bee jooɗiiɓe haa lesdi ndi'i. Ngam to ɓe ɗon ɗakkotira bee labbi maɓɓe, ɓe ɗon lii'ano ɗi kirseteeɗi, ɓe ewnan on on nyaaman kirsaaɗum maɓɓe.

Gaazoowo 7:26

Mi tawi ko ɓuri maayde haaɗugo: Ɗum debbo laatiiɗo bana ngamngam, ɓernde maako ɗum tuuforgol, juuɗe maako boo callallu. Mo Allah yerdi daɗan mo, ammaa hakkeejo daɗataa mo.

Yeremiya 40:11

Yahuudu'en wonɓe haa Mo'ab e Ammoon e Edoom e lesɗe goɗɗe, kamɓe boo ɓe nani laamiiɗo Baabila acci yimɓe luttuɓe haa Yahuuda. Ɓe nani boo o darni Gedaliya ɓii Ahikam ɓii Safan ngomnaajo dow maɓɓe.

Ezekiyel 20:21

“Ammaa ɓikkoy boo tuurtani yam. Ɓe ɗowtanaaki farillaaji am, ɓe luuti kiitaaji am geeɗinanɗi tokkiiɗo ɗi fuu. Kamɓe boo ɓe coɓni nyalɗe ciwtorɗe ɗe ndarnumi. Mi taaskino rufugo tikkere am fuu dow maɓɓe, haa mi feewtina ɓernde am dow maɓɓe nder ladde.

Hose'a 9:10

Jawmiraawo wi'i: “Mi tawi Isra'iila bana inabooje nder ladde hamaadaare. Mi yi'i kaakiraaɓe mooɗon bana ɓiɓɓe ibbi aartuɗe ɓenndugo. Ammaa nde ɓe njotti haa Ba'al-Pe'or, ɓe lii'i ko'e maɓɓe haa lawru semtiniindu. Bana non ɓe laatori nyidduɓe bana giɗaaɗo maɓɓe man.

Mika 6:5

Ummaatoore am, siftor ko Balak, laamiiɗo Mo'ab nufani ma e ko Balaama ɓii Be'or jaabi mo. Siftor boo ko saali diga Sittim haa yotti Gilgal, haa annda kuuɗe Jawmiraawo adiliije.”

Limle 25:17

“Ukkane Mediyan'en, piye ɓe!

Limle 31:2

“Waata Mediyan'en ngam halleende nde ɓe mbaɗi Isra'iila'en. Ɓaawo man a hawtoyan bee yimɓe ummaatoore ma.”

Limle 33:49

Ɓe caŋngini kommbi Yeriko diga Bayti-Yesimot haa yotti Abel-Sittim nder laɗɗe Mo'ab.

1 Korintu'en 10:8

Taa mbaɗen daakaareeku bana woɗɓe maɓɓe mbaɗno, nden ujine noogas e tato (23.000) maayi nder nyalaade woore.

Tooktaaki Tawreeta 3:29

Ngam man en paɓɓi nder waadiwol haa nokkuure tiitotirnde bee Bayti-Pe'or.”

Tooktaaki Tawreeta 32:38

On nyaamni ɓe ɓellere kirsaaɗi mon, on njarni ɓe inaboojam mon. Sey ɓe ngara, ɓe mballa on jonta, sey ɓe ngara ɓe kisna on, ɓe paddo on!

Tooktaaki Tawreeta 4:3

On ngi'i bee gite mon ko Jawmiraawo waɗi Ba'al-Pe'or. Jawmiraawo, Allah mooɗon halki koo moy tokkiiɗo Ba'al-Pe'or caka mooɗon.

Yosuwa 2:1

Diga Sittim Yosuwa ɓii Nuuna neli horooɓe ɗiɗo bee sirri, wi'i ɓe: “Njehe, ndaare lesdi e berniwol Yeriko.” Ɓe ndilli, ɓe nasti saare debbo daakaareejo, innde muuɗum Rahab. Ɓe mbaali ton.

Yosuwa 22:17

Ciftore hakke meeɗen haa Pe'or. Ngam hakke man Jawmiraawo hiiti en, ukkani en masiibo. Haa wargo hannde ngeenaari maajum timmaay tawon. Bone maajum he'aay na?

Yosuwa 3:1

Jaŋngo man Yosuwa dawi cub. Ɓe ummi Sittim, kaŋko bee Isra'iila'en fuu, ɓe ngari haa maayo Urdun. Ɓe mbaali ton hiddeko ɓe eero.

Wahayu Yuhanna 2:14

Ammaa woodi ko mi felirte seɗɗa: Woodi tokkiiɓe ekkitinol Balaama caka mooɗon. Kaŋko o ekkitini Balak no o nastinirta Isra'iila'en nder tuuforgol haa ɓe nyaama kusel kirsaaŋgel ngam labbi, ɓe mbaɗa daakaareeku boo.