Limle 24:9 - Fulfulde Bible

⁹ Ummaatoore nde'e ɗon roŋgino, ɗon waalo bana mbarooga. Moy yiɗi haftingo nga? Barka laatanto koo moy barkiɗinanɗo Isra'iila, ammaa naaloore ukkanto koo moy naalanɗo Isra'iila!”

Fulfulde DC Bible

⁹ Ummaatoore nde'e ɗon roŋgino, ɗon waalo bana mbarooga. Moy yiɗi haftingo nga? Barka laatanto koo moy barkiɗinanɗo Isra'iila, ammaa naaloore ukkanto koo moy naalanɗo Isra'iila!”

Limle 24:9 Iomraidhean Croise

Laataanooji 12:3

Mi barkiɗinan barkiɗinanɓe ma, mi naalan naalanɓe ma. Ngam daliila maaɗa asli duniyaaru fuu keɓan barka.”

Laataanooji 27:29

Ummaatooje kuuwane, jama'aaje boo cujida yeeso ma. Laata jaagorɗo deerɗiraaɓe ma, ɓiɓɓe daada ma cujida yeeso ma. Naaloore laatano naalanɗo ma, barka boo laatano barkiɗinanɗo ma.”

Laataanooji 49:9

Yahuuda, ɓiɗɗo am. A nanndi bana ɓii mbarooga, paɗɗuŋga kusel, ɗappini. A roŋgini bana mbarooga, bana mbarooga ndewa, moy waawata haftingo mo?

1 Laamiiɓe 10:20

dow jaaɓruɗe boo, suuraaji barooɗe sappo e ɗiɗi, haa bakeeje ɗiɗi fuu. Irin maajum meeɗaay waɗeego nder laamu koo nguye.

2 Habaruuji Nyalaaɗe 9:18

Leeso laamu ngo'o woodi jaaɓruɗe joweego e jaaɓruɗum kosɗe ɗum kaŋŋeeri. Ciwtinorɗe juuɗe ɗon haa bakeeje joonde ɗiɗi fuu. Suuraaji barooɗe ɗiɗi ndari baŋnge ciwtinorɗe juuɗe,

Asta 6:13

O yecci debbo maako Zeres e soobiraaɓe maako ko heɓi mo. Dawrooɓe maako e debbo maako Zeres mbi'i mo: “A fuɗɗi leestugo yeeso Mardokay. To o Yahuuduujo fakat, nden kam a waawataa jaalaago mo, ammaa a do'oto yeeso maako.”

Ayuba 41:10

To nga isli, annoora ɗon waŋga, gite maaga ɗon njayna bana naaŋge.

Jabuura 122:6

Torane Urusaliima salaaman! Mbi'e: “Yiɗɓe ma njooɗo jam.

Jabuura 2:12

Kebbe Ɓiɗɗo oo, ngam taa o ɓerna, nden on kalka haa laawol mon. Ngam nii seɗɗa o ɓernan. Seyo laatani nyukkotooɓe haa maako.

Gurtaaki 23:22

To on ɗowtanake mo booɗɗum, to on mbaɗi ko mi wi'i on fuu, mi honan konne'en mon, mi dartanto dartantooɓe on.

Esaaya 31:4

Ndaa nii Jawmiraawo wi'i yam: “Bana mbarooga cemmbiɗŋga ubbirto dow keɓal muuɗum, koo to ɓe mooɓti waynaaɓe ɗuuɗɓe dow maaga, nga hultortaa gookaali maɓɓe, nga saklataako ngam hoolo maɓɓe, bana non min Jawmiraawo honooɓe asama mi jippoto ngam haɓugo dow hooseere Siyona.

Mika 5:8

Isra'iila'en, ɓaŋgte juuɗe mon dow konne'en mon, haa ɓe fuu ɓe kalka!

Limle 22:12

Allah wi'i Balaama: “Taa yahdu bee maɓɓe! Taa naalu ummaatoore nde'e, ngam min mi barkiɗini nde!”

Limle 22:6

Ngam maajum war, useni, naalanam nde ngam nde ɓuratam semmbe. Teema mi waawma jaalaago yimɓe maare, mi riiwa ɓe diga lesdi am. Mi anndi, to a barkiɗini goɗɗo, nden kam o heɓan barka. To a naali goɗɗo boo, naaloore man do'oto dow maako.”

Limle 23:24

Ummaatoore Isra'iila nanndi bee mbarooga nga ummoto, nga waalataako sonaa to nga faɗɗi, nga nyaami, nga yari ƴiiƴam faɗɗaaɓe!”

Limle 24:10

Balak ɓerni, fiyi wiɓɓere mum, wi'i mo: “Mi ewni ma ngam a naala konne'en am. Ammaa an, a barkiɗini ɓe nde tati jonta!

Matta 25:40

Laamiiɗo jaaboto ɓe: Gooŋga mbi'anmi on: Ko on mbaɗani gooto nder deerɗiraaɓe am ɓurɓe leesugo ɓe'e, min on mbaɗani.

Matta 25:45

Laamiiɗo jaaboto ɓe: Gooŋga mbi'anmi on: Ko on mbaɗanaay gooto nder yimɓe am ɓurɓe leesugo ɓe'e, min on cali waɗango ɗum.

Kuuɗe Nelaaɓe 9:5

O ƴami: “An a moy, Jawmiraawo?” Sawtu go jaabi: “Min woni Yeesu mo toonyotoɗa.

Tooktaaki Tawreeta 30:7

Jawmiraawo, Allah mooɗon ukkan naalooje go dow konne'en mon, wanyɓe on, toonyiiɓe on.