Limle 23:21 - Fulfulde Bible

²¹ Jawmiraawo tawaay halleende haa danygol Yaakubu, o laaraay aybe Isra'iila, o Allah maɓɓe, o ɗon wondi bee maɓɓe, o laamiiɗo maɓɓe, ɓe ɗon maŋgta mo.

Fulfulde DC Bible

²¹ Jawmiraawo tawaay halleende haa danygol Yaakubu, o laaraay aybe Isra'iila, o Allah maɓɓe, o ɗon wondi bee maɓɓe, o laamiiɗo maɓɓe, ɓe ɗon maŋgta mo.

Limle 23:21 Iomraidhean Croise

2 Habaruuji Nyalaaɗe 13:12

Allah ɗon wondi bee amin, ɗon ardo min, non boo liman'en bee luwe ngam fuufugo fuufre konu dow mooɗon. Onon yimɓe Isra'iila, taa kaɓe bee Jawmiraawo Allah kaakiraaɓe mon, ngam on njaalataako mo!”

Jabuura 103:12

Bana fuunaaŋge daayori hiirnaaŋge, bana non o daaynirta hakkeeji men e tuurtolji men.

Jabuura 118:15

Gookaali seyo e jaalorgal ɗon nder laymaaji adili'en: “Nyaamo Jawmiraawo huuwani en kuuɗe mawɗe.

Jabuura 135:21

Yettoore laatano Jawmiraawo jooɗiiɗo haa Urusaliima diga Siyona! Halleluya!

Jabuura 23:4

Koo to mi nasti waadiwol nyiɓre nyiɓɓunde, mi hulataa sarru sam, ngam an, yaa Jawmiraawo, a ɗon wondi bee am, sawru ma ɗon de'itinammi.

Jabuura 32:2

Seyo laatani goɗɗo mo Jawmiraawo limanaay ɗum aybeeji mo naafikaare walaa haa ɓernde muuɗum.

Jabuura 32:5

Nden mi waŋginani ma hakke am, mi suuɗaay aybe am. Mi wi'i: “Sey mi waŋginana Jawmiraawo kuuɗe sooynde ɗowtaare am.” An boo a yaafani yam aybeeji am fuu.

Jabuura 46:11

O ɗon wi'a: “Nde'ite, annde min woni Allah. Min woni Ɓaŋiiɗo dow ummaatooje duniyaaru fuu.”

Jabuura 46:7

Ummaatooje mbaɗi tuurtol, laamuuji ndimmbi. To Allah telɓi, duniyaaru ɓolwan.

Jabuura 97:1

Jawmiraawo woni laamiiɗo. Sey lesdi welwelta, duuɗe mbeela fuu ceyo.

Jabuura 99:2

Jawmiraawo woni mawɗo nder Siyona, o Ɓaŋiiɗo dow ummaatooje fuu.

Gurtaaki 13:21

Jawmiraawo ardi ɓe, nyalawma nder ruulde nanndunde bee daŋraŋgal ngam ɗowugo ɓe dow laawol, jemma boo nder yiite nannduŋge bee daŋraŋgal ngam yaynango ɓe, haa ɓe tokko laawol nyalawma e jemma.

Gurtaaki 3:12

Allah wi'i mo: “Mi wondan bee ma. Ndaa nii ngooŋɗinirta min neli ma: To a wurtini ummaatoore nde'e diga Misra, on njaggano yam dow hooseere nde'e.”

Gurtaaki 34:9

O wi'i: “Yaa Jawmiraawo, to a yerdake yam, yah caka amin, koo nde yimɓe ummaatoore nde'e ɓe saata-ko'e'en. Yaafa aybeeji amin e hakkeeji amin. Jaɓ min, min laato maral ma!”

Esaaya 1:18

“Kadi, ngare haa kujjotiren” – non Jawmiraawo wi'i. “Koo to hakkeeji mooɗon mbooji coy, ɗi ndanwan bana mallimallooje. To ɗi mbooji bana ƴiiƴam, ɗi ndanwan bana hottollo.

Esaaya 12:6

Ceye! Mbaɗe gookaali seyo, onon jooɗiiɓe haa Siyona! Ngam Ceniiɗo Isra'iila o mawɗo caka mooɗon.”

Esaaya 33:21

Jawmiraawo mawɗo wondan bee meeɗen ton! Ngol laatoto nokkuure ɓulannde ilaali jaasɗi e maaje. Koommbooje marɗe laanyirɗe tokkataako ton, koommbowal maŋngal saalataako.

Esaaya 33:22

Ɓoggi maagal tirti, ɗi njogataako daŋraŋgal haa caka koommbowal, ɗi mbe'itittaa leppi mawɗi cemmbiɗɗi ɗi ngerɓata koommbowal bee henndu. Jawdi konne'en fuu laatoto keɓal konu, koo woosɓe boo keɓan geɗe muuɗum'en. Ngam Jawmiraawo woni kiitoowo en, Jawmiraawo woni umroowo en, Jawmiraawo woni laamiiɗo men. Kaŋko o hisnan en.

Esaaya 38:17

Ndaa, mettamɓeram sannji warti salaaman. A yiɗi yam, a hisni yam diga ngaska halkere, a sakkini hakkeeji am fuu ɓaawo ma.

Esaaya 41:10

Taa hul, ngam mi ɗon wondi bee ma! Taa laar koo toy bee kulol, ngam min woni Allah maaɗa. Mi semmbiɗinte, mi yiidete, mi jogoto ma bee nyaamo am jaalotooŋgo.

Esaaya 8:10

Nufe nufo ammaa ngo laatoto meere! Mbolwe ko ngiɗɗon, ɗum laatataako! Ngam Allah ɗon wondi bee meeɗen.

Yeremiya 50:20

Min Jawmiraawo mi wi'i: Wakkati man, to goɗɗo ɗaɓɓiti zunuubaaji Isra'iila e hakkeeji Yahuuda, o tawataa ɗi, ngam mi yaafanto koo moy luttuɗo mo accumi bee yoŋki.”

Ezekiyel 48:35

Njuutirka mahol taarotooŋgol berniwol fuu, waɗan kilomeetir joweenayi. Yeeso ɗo, innde berniwol laatoto “Jawmiraawo-ɗon-ton”.

Yo'el 2:27

Nden kam on anndan min mi ɗon caka Isra'iila, min mi Jawmiraawo, Allah mooɗon, walaa goɗɗo feere. Ummaatoore am meetataa semtineego!”

Farillaaji Lewi'en 9:24

Jawmiraawo jippini yiite, nge nyaami nguleteekoy e ɓellere dow hirsirde. Yimɓe ummaatoore fuu ngi'i ɗum, ɓe kooli bee seyo. Nden ɓe cujidi.

Limle 14:18

Min Jawmiraawo, mi tikkataa law, mbooɗeeŋga am ɗuuɗi, mi munyanan tuurtol, mi yaafoto tuurtol e hakke. Ammaa mi laarataa aybuɗo bana laaɓɗo sam. Mi hiitoto aybe baabiraaɓe haa ɓiɓɓe e taaniraaɓe haa yidere tataɓre e nayaɓre.

Limle 14:19

Mi ɗon toro ma, yaafa aybe ummaatoore nde'e fodde mbooɗeeŋga ma ɗuuɗŋga, bana no a yaafori nde diga nde ɗonno haa Misra haa wargo hannde.”

Limle 16:3

Ɓe kawti dow Muusa e Haruna, ɓe mbi'i: “On ƴaɓɓi keerol baawɗe mon. Yimɓe ummaatoore fuu ɓe senaaɓe, Jawmiraawo boo ɗon caka maɓɓe. Koni ɓurnoton ko'e mon dow mooɓtorde Jawmiraawo?”

Limle 9:22

To nde faɓɓi nyalɗe ɗiɗi malla lewru malla hitaande woore dow jooɗorde man, Isra'iila'en ɗon caŋngini, ɓe ummataako. Ammaa to nde ummake, kamɓe boo ɓe ummo.

Matta 1:23

“Paanyo debbo mo annda gorko reedan, danyan ɓiɗɗo gorko, ɓe inndan mo Immanuyila, bana wi'go: Allah ɗon wondi bee meeɗen.”

Roma'en 6:14

Hakke laamataa dow mooɗon, ngam jonta les mo'ere ngonɗon, naa les tawreeta.

Roma'en 8:1

Ngam maajum walaa kiita dow nuɗɗinɓe Yeesu Almasiihu jonta.

2 Korintu'en 2:14

Yettoore laatano Allah, ngam barka Almasiihu o ɗon yahra min foroy nder jahaaŋgal jaaliiɗo. O ɗon huuwtinira min ngam anndingo kubar maako koo toy, bana uurdi ndi uureeŋgol mum ɗon saŋkito koo toy.

2 Korintu'en 5:19

Ɗum Allah bee hoore muuɗum sulhindiri yimɓe nder duniyaaru bee maako daliila Almasiihu bilaa limango ɓe aybeeji maɓɓe. O halfinani min yeeynugo kubar sulhu man!

2 Korintu'en 6:16

Ɗume hawtata haykaliiru Allah bee labbi? Ngam enen en haykaliiru Allah geeto, bana o wi'i: “Mi jooɗoto caka maɓɓe, mi wondan bee maɓɓe. Mi laatoto Allah maɓɓe, kamɓe boo ɓe laatoto ummaatoore am.”

Tooktaaki Tawreeta 31:23

Nden Jawmiraawo umri Yosuwa ɓii Nuuna, o wi'i: “Semmbiɗa, suusɗin ɓernde ma! Ngam an yahrata Isra'iila'en nder lesdi ndi kuniimi hokkugo ɓe. Min boo mi wondan bee maaɗa.”

Tooktaaki Tawreeta 32:5

Ammaa onon on ummaatoore faasikiire e hallunde, on mbonnake! On cemtini ko'e mon, on laataaki ɓikkoy maako fahin!

Tooktaaki Tawreeta 33:5

Jawmiraawo laamake dow Isra'iila, saa'i ardiiɓe ummaatoore e yimɓe le'i Isra'iila ɗon mooɓi.”

Tooktaaki Tawreeta 9:24

Diga Jawmiraawo anndi on, on ɗon tuurtana mo.

Alkaali'en 6:13

Gedeyon jaabi: “Barkaama, yaafam! To Jawmiraawo ɗon wondi bee amin, ngam ɗume boneeji ɗi fuu ukkani min? Toy kaayeefiiji ɗi baabiraaɓe amin anndini min nde ɓe ɗonno mbi'a min: Naa diga lesdi Misra on Jawmiraawo wurtini en? Hannde kam, Jawmiraawo wudini min, o hokki min haa juuɗe Madiyan'en.”

1 Samuyila 25:28

Yaafanam, aybewol am, barkaama. Mi anndi Jawmiraawo waɗete laamiiɗo fakat, o tabitinan laamu ma haa saare ma boo. Ngam a ɗon haɓana Jawmiraawo nder konuuji mum, balɗe ma fuu walaa mo heɓata aybingo ma dow koo ɗume.