Limle 23:1 - Fulfulde Bible

¹ O wi'i Balak: “Mahanam kirsirɗe joweeɗiɗi haa ɗo. Nden waddanam ga'i kalhali joweeɗiɗi e jawɗi baali joweeɗiɗi.”

Fulfulde DC Bible

¹ O wi'i Balak: “Mahanam kirsirɗe joweeɗiɗi haa ɗo. Nden waddanam ga'i kalhali joweeɗiɗi e jawɗi baali joweeɗiɗi.”

Limle 23:1 Iomraidhean Croise

2 Laamiiɓe 18:22

Ammaa to a wi'i yam: Min ɗon kooli Allah Jawmiraawo amin, naa ɗum kaŋko Hezekiya itti nokkuuje muuɗum towɗe e kirsirɗe muuɗum na? Nden o wi'i yimɓe Yahuuda e Urusaliima: Yeeso hirsirde wonnde haa Urusaliima tan cujiditton!

1 Habaruuji Nyalaaɗe 15:26

Bee ballal Allah, Lewi'en roondooɓe sundukru alkawal Jawmiraawo kirsani Allah ga'i kalhali joweeɗiɗi e jawɗi be'i joweeɗiɗi.

2 Habaruuji Nyalaaɗe 29:21

Ɓe ngaddi ga'i kalhali joweeɗiɗi e jawɗi baali joweeɗiɗi e njawkoy njoweeɗiɗoy e jawɗi be'i joweeɗiɗi kirseteeɗi ngam ittuki hakkeeji nder laamu e suudu seniindu e Yahuuda fuu. Hezekiya umri liman'en danygol Haruna lii'ano ɗi Jawmiraawo dow hirsirde.

Ayuba 42:8

Jonta kam, koo'e ga'i kalhali joweeɗiɗi e jawɗi baali joweeɗiɗi. Njehe haa jaggiiɗo am Ayuba, lii'e ɗi guleteeɗi ngam ko'e mooɗon. Ayuba boo do'ano on. Mi jaɓan do'a maako, ngam taa mi waɗa on fodde faataare mon. Ngam on ceedanaaki yam bana no haani, bana kaŋko o seedori.”

Gurtaaki 20:24

Mahaneeɗam hirsirde nde lesdi. Lii'e dow maare kirseteeɗi baali e be'i e na'i mooɗon ngam guleteeɗi malla kawtal mon bee am. Haa nokkuure koo ndeye nde anndinanmi on ngam ewnaago innde am, mi waran haa mooɗon, mi barkiɗinan on.

Balndi 15:8

Kirseteeɗi halluɓe laati nyidduɗi haa Jawmiraawo, ammaa tornde gooŋga'en fottani mo.

Ezekiyel 33:31

Nden yimɓe am ngaran, ɓe mooɓo haa maaɗa, ɓe njooɗo yeeso ma ngam nanugo ko mbi'ata. Ammaa ɓe mbaɗataa ko a wi'ata ɓe. Ɓe ɗon mbaɗa ko fottanta ɓe tan, ɓerɗe maɓɓe ɗon ɗaɓɓa ko nafata ɓe tan.

Ezekiyel 45:23

Nder nyalɗe juulde joweeɗiɗi ɗe'e, nde weeti fuu, o lii'ano yam ga'i kalhali ɗi ngalaa aybe joweeɗiɗi e jawɗi baali ɗi ngalaa aybe joweeɗiɗi, ɗi guleteeɗi fuu. Non boo njawdiri mbeewa, ndi kirseteendi ngam ittuki hakke. O waɗa ɗum nyalɗe joweeɗiɗi.

Limle 22:41

Jaŋngo fajiri man Balak wa'odi bee Balaama haa Bamot-Ba'al. Ton Balaama eewi yeɓre Isra'iila'en.

Limle 23:2

Balak waɗi ko Balaama wi'i mo. Nden ɓe ɗiɗo fuu ɓe lii'i ngaari e njawdiri mbaalu dow hirsirde fuu.

Limle 23:29

Balaama wi'i mo: “Mahanam kirsirɗe joweeɗiɗi haa ɗo. Nden waddanam ngaari kalhaldi e njawdiri mbaalu haa hirsirde fuu.”

Limle 23:30

Balak waɗi ko Balaama wi'i ɗum. Nden o lii'i ngaari e kalhaldi e njawdiri mbaalu dow hirsirde fuu.

Limle 29:32

Nyannde joweeɗiɗaɓre, lii'e ga'i kalhali joweeɗiɗi, jawɗi baali ɗiɗi e njawkoy sappo e nayoy koy nduuɓu, ɗum fuu ɗum walaa aybe.

Matta 23:13

“Bone laatanto on, onon moodiɓɓe tawreeta e Farisa'en, naafiki'en! On maɓɓani yimɓe feere dammugal laamu asamanji. Onon bee ko'e mooɗon boo on nastataa, on accataa yiɗɓe nastugo boo nasta ton. [

Yahuuda 1:11

Kayto! Bone laatanto ɓe ngam ɓe tokkake laawol Kayinu. Kadiboo ɓe njoofi ko'e maɓɓe nder majjere ngam heɓugo ceede bana ko Balaama waɗno. Ɓe tuurti bana Koora tuurtirno, ɓe kalki.

1 Samuyila 15:22

Ammaa Samuyila wi'i: “Ɗume ɓuri fottango Jawmiraawo, guleteeɗi e kirseteeɗi na malla to goɗɗo ɗowtanake umroore maako? Fakat, ɗowtaare ma ɓuran seynugo mo dow kirseteeɗi jawɗi payɗi fuu.