Limle 20:21 - Fulfulde Bible

²¹ Bana non Edoomi'en kaɗiri ɓe saalaago maral muuɗum'en. Isra'iila'en celi, tokki laawol goɗŋgol.

Fulfulde DC Bible

²¹ Bana non Edoomi'en kaɗiri ɓe saalaago maral muuɗum'en. Isra'iila'en celi, tokki laawol goɗŋgol.

Limle 20:21 Iomraidhean Croise

2 Habaruuji Nyalaaɗe 20:10

Nde yimɓe Isra'iila ngari diga Misra, a haɗi ɓe nastugo lesdi Mo'abi'en e Ammooni'en e jooɗiiɓe dow hooseere Se'ir. Ngam maajum ɓe taari lesdi maɓɓe, ɓe nattinaay ɓe.

Limle 21:23

Ammaa Sihon duŋanaaki ɓe saalaago lesdi mum. O mooɓti jama'aare konu maako fuu, ɓe njehi, ɓe potti bee Isra'iila'en baŋnge Yahas nder ladde, ɓe kaɓi bee maɓɓe.

Limle 21:4

Isra'iila'en ummi hooseere Hor, tokki laawol maayo Maaliya haa taaro lesdi Edoom. Ammaa dow laawol, ɓe mbaɗi sooynde munyal.

Tooktaaki Tawreeta 2:27

Mi saalorto laawol lesdi ma, mi tokkoto laawol maŋngol, mi selataa haa nyaamo koo haa nano.

Tooktaaki Tawreeta 2:29

haa min eero maayo Urdun, min nasta nder lesdi ndi Jawmiraawo, Allah amin hokkata min. Yimɓe danygol Isuwa, jooɗiiɓe haa lesdi kooseeje Se'ir e Mo'abi'en, jooɗiiɓe haa Ar, kamɓe boo ɓe nduŋani min saalaago lesdi maɓɓe bana non.

Tooktaaki Tawreeta 23:7

Saa'i ummaatoore mon ɗon, taa on ɗaɓɓita hayru e salaaman maɓɓe sam.

Alkaali'en 11:17

Diga ton, ɓe neli nelaaɓe haa laamiiɗo Edoom ngam ƴamugo mo duŋayeere saalaago nder lesdi maako. Ammaa laamiiɗo man yerdanaaki ɓe. Isra'iila'en ƴami boo laamiiɗo Mo'ab, kaŋko boo o sali. Nden ɓe njooɗi haa Kaades.

Alkaali'en 11:18

Ɓaawo man ɓe tokkitini jahaaŋgal maɓɓe gal ladde hamaadaare, ɓe mbiddi lesdi Edoom e lesdi Mo'ab, ɓe ngari diga fuunaaŋge gal lesdi Mo'ab. Ɓe caŋngini gaɗa maayo Arnon, ɓe nastaay lesdi Mo'abi'en, Arnon woni keerol lesdi man.

Alkaali'en 11:24

Naa an mari lesdi koo ndiye ndi Kemos ɗowanteeɗo ma marni ma na? Bana non, minin boo min maran lesdi koo ndiye ndi Jawmiraawo Allah amin riiwi yimɓe maari yeeso amin, min nyaami ndi.