Limle 15:3 - Fulfulde Bible

³ Lii'ane Jawmiraawo ngaari kalhaldi malla ndammoowa guleteeɗum malla kirseteeɗum ngam hebbingo togayeere malla caahuuji malla daliila juulɗe mon haa uureeŋgol belŋgol man fottana mo.

Fulfulde DC Bible

³ Lii'ane Jawmiraawo ngaari kalhaldi malla ndammoowa guleteeɗum malla kirseteeɗum ngam hebbingo togayeere malla caahuuji malla daliila juulɗe mon haa uureeŋgol belŋgol man fottana mo.

Limle 15:3 Iomraidhean Croise

Laataanooji 8:21

Nde Jawmiraawo maati uureeŋgol belŋgol, o wi'i nder ɓernde maako: “Mi meetataa naalugo lesdi fahin ngam daliila neɗɗo. Ngam anniyaaji ɓernde neɗɗo halli diga nderkaaku maako. Mi meetataa mbarugo marɗum yoŋki fuu bana mbaɗmi.

Esira 7:17

A huuwtinira ceede ɗe'e bee hakkiilo ngam soodugo ga'i kalhali e jawɗi baali e njawkoy, non boo ngam dokke nyaamdu e dokke dufeteeɗe hawtaade bee kirseteeɗi, a lii'o ɗum fuu dow hirsirde haa haykaliiru Allah mooɗon haa Urusaliima.

Jabuura 54:6

Ammaa ndaa Allah woni balloowo yam. Jawmiraawo ɗon wondi bee wallooɓe yam.

Gurtaaki 29:18

A wula njawdiri fuu dow hirsirde. Kanjum woni nguleteeŋga nga yiite nyaamata ɗum ngam Jawmiraawo, uureeŋgol belŋgol maaga fottanan Jawmiraawo.

Gurtaaki 29:25

Nden hoo'u ɗum fahin haa juuɗe maɓɓe, a wula ɗum dow hirsirde, haa dow nguleteeŋga. Kanjum woni nguleteeŋga nga yiite nyaamata ɗum ngam Jawmiraawo, uureeŋgol belŋgol maaga fottanan Jawmiraawo.

Gurtaaki 29:41

Lii'anam jawgel ɗiɗaɓel maŋngariba. Ɓesdu dow maagel dokkal nyaamdu e dokkal dufeteeŋgal bana fajiri. Kanjum woni kirseteeŋga nga yiite nyaamata ɗum ngam Jawmiraawo, uureeŋgol belŋgol maaga fottanan Jawmiraawo.

Farillaaji Lewi'en 10:13

Nyaame ɗum haa nokkuure seniinde. Kanjum woni geɗal ma e geɗal ɓiɓɓe ma haa dokke guleteeɗe ngam Jawmiraawo. Bana non Jawmiraawo umri yam.

Farillaaji Lewi'en 27:2

o wi'a Isra'iila'en ni'i: “To goɗɗo toganake Jawmiraawo hokkugo mo neɗɗo, o waawan soottugo neɗɗo man bee coottaari deydey saman ka a ta'ata,

Farillaaji Lewi'en 7:16

To goɗɗo waddi kirseteeŋga nga'a ngam o hebbina togayeere malla to ɗum dokkal caahiiŋgal, nden kam ɓe nyaama nga nyalaade ɓe kirsata nga, jaŋngo man boo ɓe nyaama ko lutti.

Limle 28:27

Lii'ane Jawmiraawo guleteeɗi, haa uureeŋgol maaji belŋgol fottana mo. Ndaa ko lii'otooɗon: Ga'i kalhali ɗiɗi e njawdiri mbaalu e njawkoy njoweeɗiɗoy koy nduuɓu,

Limle 29:8

Lii'ane Jawmiraawo guleteeɗi, haa uureeŋgol maaji belŋgol fottana mo. Ndaa ko lii'otooɗon: Ngaari kalhaldi e njawdiri mbaalu e njawkoy njoweeɗiɗoy koy nduuɓu, ɗum fuu ɗum walaa aybe.

Limle 6:15

O wadda boo silaawo tamseeje ɗe kuroori njiiɓaandi bee nebbam e tamseeje bette tamsaaɗe bee nebbam, ɗe fuu ɗe ufnaaka. Non boo dokke nyaamdu e dokke dufeteeɗe bana ko haani.

Matta 3:17

Sawtu boo iwi haa asama, wi'i: “Oo woni Ɓiɗɗo am giɗaaɗo, mi ɗon seyoro ɗum masin.”

2 Korintu'en 2:15

Min laatake bana uurdi marndi uureeŋgol belŋgol, ndi Almasiihu lii'ani Allah. Uureeŋgol man ɗon yotto hisanɓe e majjanɓe fuu.

2 Korintu'en 2:16

Haa majjanɓe, ɗum uureeŋgol maayde haa ɓe maaya. Haa hisanɓe, ɗum uureeŋgol ngeendam haa ɓe ngeeɗa. Moy he'i huuwgo kuugal nga'al?

Efesu'en 5:2

Ngeeɗe nder yiide bana no Almasiihu yiɗiri en, o hokki yoŋki maako ngam meeɗen. O lii'ani ki Allah bana kirsaaɗum, bana dokkal marŋgal uureeŋgol belŋgol.

Tooktaaki Tawreeta 12:11

Jawmiraawo, Allah mooɗon suɓan nokkuure joonde ngam innde mum wona ton. Haa ton on lii'anto mo ko umrumi on fuu: Guleteeɗi mon e kirseteeɗi mon e zakkaaji mooɗon e dokke mon ittaaɗe e dokke cuɓaaɗe ɗe on togani Jawmiraawo fuu.

Tooktaaki Tawreeta 12:17

Haa nokkuuje joole nder berniiji mooɗon, taa on nyaama zakka alkamaari mon e inaboojam mon e nebbam mon e afi dabbaaji mon mawɗi e dammooji mon e dokke mon ɗe on togani Jawmiraawo e dokke caahiiɗe ngam seyo mooɗon e dokke ittaaɗe.

Tooktaaki Tawreeta 12:6

Haa ton on lii'anto mo guleteeɗi mon e kirseteeɗi mon e zakkaaji mon e dokke mon ittaaɗe e dokke ɗe on togani Jawmiraawo e dokke mon caahiiɗe e afi dabbaaji mon mawɗi e afi dammooji mooɗon.

Filippi'en 4:18

Mi heɓi dokkal ngal nelduɗon bee juŋngo Epafrodit. Mi heɓi ko mi mari haaje fuu, haa ɗum ɓuri haaje am, mi ɗon nder jeynitaare. Ɗum laati bana dokkal uurdi mbelndi, kirsaaɗum ko Allah seyorto, yerdoto.