Limle 15:25 - Fulfulde Bible

²⁵ Limanjo heɓnana yimɓe ummaatoore Isra'iila fuu yaafuye. Ɓe keɓan yaafuye ngam ɓe mbaɗaay hakke man bee anniya, ɓe lii'ani Jawmiraawo nguleteeŋga maɓɓe e kirseteeŋga ngam ittuki hakkeeji maɓɓe boo.

Fulfulde DC Bible

²⁵ Limanjo heɓnana yimɓe ummaatoore Isra'iila fuu yaafuye. Ɓe keɓan yaafuye ngam ɓe mbaɗaay hakke man bee anniya, ɓe lii'ani Jawmiraawo nguleteeŋga maɓɓe e kirseteeŋga ngam ittuki hakkeeji maɓɓe boo.

Limle 15:25 Iomraidhean Croise

Gaazoowo 5:6

Ngam to koyɗi ɗuuɗi, ɗum meere, non boo to bolle ɗuuɗi boo, nden kam hul Allah!

Farillaaji Lewi'en 15:15

Limanjo lii'o gootel kirseteeŋgel ngam ittuki hakke, gootel boo guleteeŋgel. Bana nii o heɓnirta mo yaafuye haa Jawmiraawo, o laɓɓinirta mo e ilol maako.

Farillaaji Lewi'en 4:20

Sey o waɗa ngaari ndi'i bana o waarata ngaari kirseteendi ngam ittuki hakkeeji go. Bana nii limanjo waarata ngam ittuki hakkeeji yimɓe, ɓe keɓan yaafuye boo.

Farillaaji Lewi'en 4:26

O wula ɓellere njawdiri fuu dow hirsirde, bana no o waarata bee ɓellere kirseteeɗi ngam kawtal yimɓe bee Allah. Bana nii limanjo lii'orto kirsaaŋga ngam ittuki hakkeeji ardiiɗo, kaŋko boo o heɓan yaafuye.

Farillaaji Lewi'en 4:31

O hoo'a ɓellere mbeewa fuu, bana no o waarata ɓellere kirseteeɗi ngam kawtal yimɓe bee Allah, o wula nde dow hirsirde. Uureeŋgol man belŋgol fottanan Jawmiraawo. Bana nii limanjo lii'orto kirsaaŋga ngam ittuki hakkeeji goɗɗo go, kaŋko boo o heɓan yaafuye.

Farillaaji Lewi'en 4:35

O hoo'a ɓellere mbaalu fuu, bana no o waarata ɓellere baali kirseteeɗi ngam kawtal yimɓe bee Allah, o wula nde dow hirsirde hawtaade bee guleteeɗi ngam Jawmiraawo. Bana nii limanjo lii'orto kirsaaŋga ngam ittuki hakkeeji goɗɗo go, kaŋko boo o heɓan yaafuye.”

Luka 23:34

Yeesu wi'i: “Baabiraawo, yaafa ɓe, ngam ɓe anndaa ko ɓe mbaɗata.” Ɓe cenndi limce maako hakkunde maɓɓe bee fiyugo caaca.

Kuuɗe Nelaaɓe 13:39

kaŋko o adilinan koo moy nuɗɗini mo.

Roma'en 3:25

Allah darni Yeesu Almasiihu haa nuɗɗinɓe mo fuu keɓa yaafuye bee ƴiiƴam maako. O hiitaaki hakkeeji maɓɓe ɓooymaaji, o munyani ɓe, o yaafi ɓe. Bana nii o waŋginiri adilaaku maako jonta waato o adiliijo e o adilinanɗo nuɗɗinanɓe Yeesu fuu.

Tooktaaki Tawreeta 21:21

Nden yimɓe berniwol maako fuu piɗa mo bee kaa'e haa o maaya. Bana non ittirton halleende caka mooɗon. Isra'iila'en fuu nana habaru maajum, ɓe kula.”

Ibraniŋke'en 2:17

Ngam maajum doole o nannda kal-kal bee deerɗiraaɓe maako nder kuuje fuu, ngam haa o laato hooreejo liman'en marɗo enɗam, koolaaɗo nder njaggu Allah, haa yimɓe ummaatoore keɓa yaafuye hakkeeji muuɗum'en.

Ibraniŋke'en 9:7

Ammaa suudu ɗiɗawru nder laymaaru, sey hooreejo liman'en tan nastata ton, kaŋko boo hitaande fuu nde woore. O ɗon nasta bee ƴiiƴam ɗam o lii'anto Allah ngam hoore maako e ngam hakkeeji ɗi ummaatoore waɗi bilaa anniya.

1 Yuhanna 2:2

Ngam Almasiihu bee hoore mum hokki yoŋki muuɗum ngam yaafuye hakkeeji meeɗen, naa ɗi meeɗen tan, ammaa ɗi duniyaaru fuu boo.