Limle 12:8 - Fulfulde Bible

⁸ Mi ɗon yeewtida bee maako hunnduko bee hunnduko, nder baŋguɗum naa nder cuuɗiiɗum. O yi'i koo jaati am boo. Koni on kulaay wolwugo dow jaggiiɗo am Muusa?”

Fulfulde DC Bible

⁸ Mi ɗon yeewtida bee maako hunnduko bee hunnduko, nder baŋguɗum naa nder cuuɗiiɗum. O yi'i koo jaati am boo. Koni on kulaay wolwugo dow jaggiiɗo am Muusa?”

Limle 12:8 Iomraidhean Croise

Laataanooji 32:30

Yaakubu ƴami mo: “Anndinam innde ma.” O jaabi: “Ngam ɗume ƴamata yam innde?” Nden o barkiɗini Yaakubu.

Jabuura 17:15

Ammaa min mi adiliijo, mi yi'ete. To mi fini, mi seyoto ngam a waŋgantam.

Jabuura 49:4

Hunnduko am wolwan bolle hikma. Ɓernde am numan numooji kakkilɗi.

Gurtaaki 19:19

Hoolo luwal ɗon ɓesda saatugo. To Muusa wolwi, Jawmiraawo ɗon jaabo mo nder felmaaŋgo.

Gurtaaki 20:4

Taa waɗan hoore ma lawru koo nduye, koo suura tagdi koo ndiye haa asama malla dow lesdi malla nder ndiyam les lesdi.

Gurtaaki 33:11

Jawmiraawo wolidi bee Muusa hunnduko bee hunnduko, bana goɗɗo wolwirta bee soobaajo muuɗum. Nden Muusa lorti haa saŋngeere. Ammaa derkeejo, jaggiiɗo maako Yosuwa ɓii Nuuna jooɗi tum nder laymaaru fottirde.

Gurtaaki 33:19

Nden Jawmiraawo wi'i: “Mi saaloto yeeso ma, mi hollete mbooɗeeŋga am fuu, mi wooynan innde am: Jawmiraawo yeeso ma. Mi enɗan mo enɗanmi, mi hinnoto mo kinnotoomi.”

Gurtaaki 33:23

Nden mi ittan newre am, a yi'an ɓaawo am, ammaa yeeso am yi'ataake!”

Gurtaaki 34:30

Haruna e Isra'iila'en fuu ndaari Muusa. Ndaa, laral yeeso maako ɗon yayna. Ɓe kuli ɓadaago mo.

Balndi 1:6

ngam haa o faama balndi e haala lugguka, bolle hikma'en e annditanamji maɓɓe.

Esaaya 40:18

Bee moy nanndinton Allah? Bee suura kaye nanndinton mo?

Esaaya 46:5

Bee ɗume nanndinton yam haa on potna yam bee maako? Bee moy nanndinton yam haa min nanndida?

Ezekiyel 17:2

“Ɓii-Aadama, waɗan yimɓe Isra'iila annditanamwol, yeccu ɓe balndol.

Hose'a 12:13

Hose'a wi'i: “Yaakubu doggi haa lesdi Siriya, Isra'iila huuwi ngam daliila debbo, o duri tokkere ngam haa o heɓa debbo.

Limle 14:14

ɓe ngecci ɗum jooɗiiɓe lesdi ndi'i. Ɓe nani, an, yaa Jawmiraawo, a ɗon caka ummaatoore nde'e, a waŋgani nde bee baŋguɗum, ruuldere maaɗa ɗon dow maare ngam faddugo nde, bee naaŋge a ardi nde bee ruuldere nanndunde bee daŋraŋgal e bee jemma boo bee yiite nannduŋge daŋraŋgal.

Limle 7:89

Nde Muusa nasti laymaaru fottirde ngam wolididgo bee Jawmiraawo fuu, o nani sawtu Jawmiraawo haa dow jooɗorde ngam kefergal wonnde dow seedamku alkawal. Jooɗorde ngam kefergal nga'al ɗon hakkunde keruba'en ɗiɗo, ton Jawmiraawo woliditta bee maako.

Matta 13:35

ngam hiɓɓingo annabaaku Esaaya. Kaŋko o wi'i: “Mi wolwan bee balndi, mi anndinan ɓe kuuje cuuɗiiɗe diga tageeki duniyaaru.”

Luka 10:16

Yeesu wi'i pukara'en muuɗum: “Nananɗo on, nanani yam, caliiɗo on, salake yam, caliiɗo yam boo, salake nelɗo yam.”

Yuhanna 1:18

Walaa mo meeɗi yi'ugo Allah. Ammaa Ɓiɗɗo bajjo, ɗakkotirɗo bee Baabiraawo, kaŋko anndini en mo.

Yuhanna 15:15

Mi ewnataa on huuwooɓe fahin, ngam kuuwoowo anndaa ko jaagorɗo muuɗum waɗata. Mi ewni on soobiraaɓe am, ngam ko mi nani haa Baabiraawo am fuu, mi anndini on ɗum.

Yuhanna 15:24

Ɓe ngalaano aybe to mi huuwaayno kuuɗe caka maɓɓe ɗe goɗɗo meeɗaay huuwugo. Ammaa jonta ɓe ngi'i kuuɗe am, bee non fuu ɓe nganyi yam, min e Baabiraawo am.

1 Korintu'en 13:12

Haa ngonɗen jonta ɗo, en ngi'ataa kuuje laaɓɗum, en ɗon ngi'a ɗe bana nder daarorgal. Ammaa saa'i waran haa en ngi'a Jawmiraawo gite bee gite. Jonta mi anndi mo dow dow, ammaa saa'i man mi anndan mo laaɓɗum tal bana no kaŋko boo o anndiri yam.

2 Korintu'en 3:18

Enen fuu en ɗon ndaara tedduŋgal bee geese cudditaaɗe, en ɗon mbaŋgina ngal bana daarorgal. Bana nii en ngaylorto haa en nannda bee Jawmiraawo, haa tedduŋgal maako ɓesdo waŋgugo nder meeɗen tum. Kanjum woni kuugal Ruuhu Jawmiraawo nder meeɗen.

Tooktaaki Tawreeta 18:15

Jawmiraawo umminanan on annabiijo nder mon bana am, goɗɗo caka deerɗiraaɓe mooɗon, kaŋko nananton.

Tooktaaki Tawreeta 34:10

Ɓaawoɗon walaa annabiijo bana Muusa meeti laataago nder Isra'iila. Kaŋko, Jawmiraawo wolidi bee maako gite bee gite.

Tooktaaki Tawreeta 4:15

“Kakkilane ko'e mooɗon booɗɗum ngam on ngi'aay koo ɗume nyalaade nde Jawmiraawo wolwani on haa hooseere Horeb nder yiite,

Tooktaaki Tawreeta 5:8

Taa waɗan hoore ma lawru koo nduye, koo suura tagdi koo ndiye haa asama malla dow lesdi malla nder ndiyam les lesdi.

Kolossi'en 1:15

Kaŋko woni jaati Allah mo yi'ataake, o ɓurduɗo tagle fuu.

1 Tessaloniiki'en 4:8

Ngam man, to goɗɗo salake umrooje ɗe'e, naa neɗɗo o sali, ammaa Allah, dokkuɗo on Ruuhu mum Ceniiɗo.

1 Timote 6:16

Kaŋko feere maako mari duumaare, o ɗon jooɗi nder annoora ka ɓadataake, walaa neɗɗo meeɗi yi'ugo mo, waawataa yi'ugo mo boo. Tedduŋgal e baawɗe duumiiɗe laatano mo. Aamiina!

Ibraniŋke'en 1:1

Ɓooyma, bee kunnduɗe annabi'en, Allah wolwani kaakiraaɓe meeɗen nde ɗuuɗɗum bee laabi feere feere.

Ibraniŋke'en 1:3

Ɓiɗɗo oo o annoora tedduŋgal Allah, o waŋgini no Allah wa'i fuu, o ɗon jogi kuuje fuu bee wolde maako marnde baawɗe. Ɓaawo nde o laɓɓini yimɓe diga hakkeeji muuɗum'en, o jooɗi haa asama haa nyaamo Allah, marɗo maŋngu fuu.

2 Piyer 2:10

sakkonta yiɗɓe coɓki, tokkiiɓe suunooji ɓanndu, yawiiɓe baawɗe Allah. Fewooɓe ɓe'e, ɓe kulataa, ɓe elewɓe, ɓe ɗon njawo tedduɓe asama, ɓe ɗon kuɗa ɓe.

Yahuuda 1:8

Bana nii boo, yimɓe sorkuɓe caka mooɗon go, nder raayu maɓɓe, ɓe ɗon coɓna ɓalli maɓɓe. Ɓe ɗon njawo baawɗe Allah, ɓe ɗon mbolwa kalluka dow tedduɓe asama.