Limle 11:20 - Fulfulde Bible

²⁰ ammaa on nyaaman ngel deydey lewru fuu, haa on cafta, haa on tuuta ngel. Ngam on ngudini Jawmiraawo gonɗo caka mooɗon, on mboyi yeeso maako, on mbi'i: Koni en ngurti lesdi Misra?”

Fulfulde DC Bible

²⁰ ammaa on nyaaman ngel deydey lewru fuu, haa on cafta, haa on tuuta ngel. Ngam on ngudini Jawmiraawo gonɗo caka mooɗon, on mboyi yeeso maako, on mbi'i: Koni en ngurti lesdi Misra?”

Limle 11:20 Iomraidhean Croise

2 Samuyila 12:10

Ngam a waɗi ɗum, a meerɗini yam, fakat kaafahi seedataa bee saare maaɗa haa foroy.

Jabuura 106:15

O hokki ɓe ko ɓe ƴami nden o ukkani ɓe nyawu kalluŋgu.

Gurtaaki 16:13

Nde hiiri, gerle ngari, cuddi saŋngeere. Fajiri boo saawawre suddi lesdi taariindi saŋngeere.

Gurtaaki 16:3

Ɓe mbi'i ɓe: “Ndikka to Jawmiraawo mbari min nder lesdi Misra! Ton min ɗonno njooɗi kommbi payanɗe keewɗe kusel, min nyaami haa min cafti! Ammaa on ngurtini min, on ngaddi min nder ladde nde'e ngam haa jama'aare nde'e fuu maayra weelo!”

Gurtaaki 16:8

Muusa wi'i: “Ndaa nii anndirton ɗum: Kiikiiɗe Jawmiraawo nyaamnan on kusel, fajiri boo irin tamseeje, haa on kaara. Ngam Jawmiraawo nani no on ngurŋgurtiri dow maako. Ngam minin, min ɓeye? Ngurŋgurtol mon laataaki dow amin, ammaa dow Jawmiraawo.”

Balndi 27:7

Kaarɗo yaaɓan njumri bee kosɗe, ammaa haa beelaaɗo koo kaaɗɗum welan.

Malakiya 1:6

Jawmiraawo honooɓe asama wi'i liman'en: “Ɓiɗɗo teddinan baaba mum, maccuɗo boo teddinan jawmum. Nde nii mi Baabiraawo, toy tedduŋgal ngal haandani yam? Nde nii mi Jawmiraawo, toy teddinoore nde haandani yam? Onon liman'en, on ɗon njawo innde am. Ammaa on ɗon mbi'a: Bee ɗume min njawri nde?

Limle 11:13

Toy keɓanmi kusel haa mi nyaamna yimɓe ummaatoore nde'e fuu? Ngam ɓe accaay siŋkugo, ɓe ɗon tokki ƴamugo yam kusel!

Limle 11:19

On nyaamataa ngel nyalaade woore malla nyalɗe ɗiɗi malla jowi malla sappo malla noogas tan,

Limle 11:21

Muusa wi'i Jawmiraawo: “Asee! Worɓe yahooɓe bee kosɗe ujine teemeɗɗe njoweego (600.000) ɗon ngondi bee am. An boo a wi'i a hokkan ɓe kusel, ɓe nyaama ngel deydey lewru fuu!

Limle 14:3

Koni Jawmiraawo yahrata min haa lesdi ndi'i to nii min maayra bee kaafahi, rewɓe amin e ɓikkoy amin boo laato keɓal konu? Naa ndikka min loro haa Misra?”

Limle 14:4

Nden ɓe mbi'mbi'tiri: “En cuɓa ardiiɗo, en lorto haa Misra!”

Limle 16:13

A wurtini min diga lesdi keewndi kosam e njumri, ngam mbarugo min nder ladde nde'e. Ɗum he'aay na? A yiɗi boo laamanaago min na?

Limle 20:4

Koni ngadduɗon mooɓtorde Jawmiraawo nder ladde nde'e? Haa min maaya e dabbaaji amin boo mbaata!

Limle 21:5

Ɓe ciŋki Allah e Muusa. Ɓe mbi'i: “Koni on ngurtini min lesdi Misra haa min maaya nder ladde nde'e? Walaa nyaamdu e ndiyam haa ɗo! Min cafti boo nyaamdu meereeru ndu'u!”

Kuuɗe Nelaaɓe 13:41

Ndaare, onon mawnitiiɓe! Kayɗine, kalke! Ngam kuugal ngal mbaɗanmi nder balɗe mooɗon, ɗum kuugal ngal on njaɓataa nuɗɗingo, koo to goɗɗo yecci on habaru maajum!”

1 Tessaloniiki'en 4:8

Ngam man, to goɗɗo salake umrooje ɗe'e, naa neɗɗo o sali, ammaa Allah, dokkuɗo on Ruuhu mum Ceniiɗo.

Yosuwa 24:27

O wi'i ummaatoore fuu: “Hayre nde'e seedoto dow meeɗen, ngam nde nani bolle fuu ɗe Jawmiraawo wolwani en. Nde seedoto dow mooɗon ngam taa on pewana Allah mooɗon.”

1 Samuyila 10:19

Min woni Allah mon kisnuɗo on sarruuji e ɓillaaje fuu. Ammaa onon on ngudini yam hannde, on ɗaɓɓi mi hokka on laamiiɗo. Yoo booɗɗum! Ndare jonta yeeso Jawmiraawo fodde le'i mon e ci'e mon.”

1 Samuyila 2:30

Gooŋga, ɓooyma mi wi'no asŋgol mon huuwantam kuugal limanku haa foroy. Ammaa jonta ɗum haaɗi ngam mi teddinan teddinooɓe yam, ammaa mi wudinan yawotooɓe yam, min Allah Jawmiraawo Isra'iila wi'i ɗum!