Kolossi'en 3:25 - Fulfulde Bible

²⁵ Baɗɗo halleende heɓan ngeenaari halleende muuɗum boo, ngam Allah kam senndindirtaa yimɓe.

Fulfulde DC Bible

²⁵ Baɗɗo halleende heɓan ngeenaari halleende muuɗum boo, ngam Allah kam senndindirtaa yimɓe.

Kolossi'en 3:25 Iomraidhean Croise

2 Samuyila 14:14

Enen fuu en maayan fakat. En ɗon nanndi bee ndiyam ndufaaɗam haa lesdi, goɗɗo waawataa mooɓtugo ɗam fahin. Ammaa Allah yiɗaa halkugo yoŋki. Ngam maajum o waɗi anniya ngam taa ɓiya daayo e maako haa foroy.

2 Habaruuji Nyalaaɗe 19:7

Kadi kule Jawmiraawo! Kakkilane ko mbaɗoton ngam Jawmiraawo Allah men jaɓataa to on kiitake bilaa adilaaku malla to on cenndindiri yimɓe bee yimɓe malla to on mbaɗi rusiya.”

Ayuba 34:19

O ɓurnataa koo gooto nder tedduɓe, o ɓurnataa diskuɗo dow laafuɗo. Ngam kaŋko tagi ɓe fuu.

Ayuba 37:24

Ngam daliila man sey yimɓe fuu kula mo. O laarataa yikkanɓe ɓe hikma'en.

Farillaaji Lewi'en 19:15

Laate on adili'en nder kiitaaji. Taa koynane talaka'en, taa teddine mawɓe boo, ammaa on kiitano heeddiɗɗiraaɓe mooɗon bee adilaaku.

Matta 16:27

Ngam Ɓii-neɗɗo waran nder tedduŋgal Baabiraawo mum bee malaa'ika'en mum, saa'i man o warjoto koo moy deydey kuuɗe muuɗum.

Luka 20:21

Ɓe ƴami mo: “Moodibbo, min anndi ko mbolwata e ko a ekkitinta ɗum gooŋga. A senndindirtaa yimɓe, a ɗon ekkitina laawol Allah bee gooŋga.

Kuuɗe Nelaaɓe 10:34

Piyer fuɗɗi wolwugo, wi'i: “Jonta mi faami fakat, Allah senndindirtaa yimɓe.

Roma'en 2:11

Ngam Allah senndindirtaa yimɓe.

2 Korintu'en 5:10

Ngam fakat en fuu en ndaroyan yeeso leeso kiita Almasiihu. Nden koo moy meeɗen heɓan mbarjaari deydey kuuɗe mum: Koo booɗɗe koo kalluɗe ɗe o huuwi wakkati o ɗon nder ɓanndu ndu'u.

Efesu'en 6:8

On anndi, kuuɗe booɗɗe ɗe goɗɗo huuwata fuu, koo o maccuɗo koo o dimo, Jawmiraawo warjoto mo.

Efesu'en 6:9

Onon jawmiraaɓe, njogore jeyaaɓe mon bana non. Acce furkitaago ɓe. On anndi onon bee maɓɓe fuu, on ngoodi Jawmiraawo mo ɗon haa asama. Kaŋko o senndindirtaa yimɓe.

Tooktaaki Tawreeta 1:17

Taa cenndindire yimɓe yeeso kiita, nane haala pamaro e mawɗo fuu. Taa kule goɗɗo, ngam kiita ka mbaɗoton, ɗum kiita Allah. To woodi ko salori on, ngadde ɗum yeeso am mi nana.

Tooktaaki Tawreeta 10:17

Ngam Jawmiraawo, Allah mooɗon o Allah ɓurduɗo ɗowanteeɓe fuu, o Jawmiraawo jawmiraaɓe. O Allah mawɗo, baawɗo, kuleteeɗo. O senndindirtaa yimɓe, o jaɓataa ngeenaari zammba.

Kolossi'en 4:1

Onon jaagorɓe, njogore maccuɓe mon bee adilaaku e gooŋgaaku ngam on anndi onon boo on ngoodi Jawmiraawo haa asama.

1 Tessaloniiki'en 4:6

Taa koo moy waɗana deerɗum aybe dow haala ka'a, taa o toskina mo. Min mbi'i on ɗum diga ɓooyma, min ndeentini on boo: Jawmiraawo hiitoto ɗum fuu.

2 Tessaloniiki'en 1:6

Allah o adiliijo: O torran torranɓe on.

Filemon 1:18

To o waɗino ma kalluɗum, to woodi ko tokkiiɗa mo, min a ƴamata.

Ibraniŋke'en 2:2

Ngam to wolde nde malaa'ika'en anndini ɓooyma, gooŋɗi, mo salake, ɗowtanaaki nde, heɓan kiita deydey aybe muuɗum.

1 Piyer 1:17

To on ɗon mbaɗa do'a, on ɗon ewno Allah, “Baabiraawo”. Allah ɗon hiito yimɓe, o senndindirtaa ɓe, ammaa o ɗon hiito ɓe deydey kuuɗe maɓɓe. Nde nii on laatake hoɗɓe nder duniyaaru, timmine balɗe mooɗon luttuɗe nder kulol Allah.

Yahuuda 1:16

Yimɓe ɓe'e ɗon ngurŋgurto, ɓe ɗon ciŋka, ɓe ɗon tokko suunooji maɓɓe, kunnduɗe maɓɓe ɗon keewi bolle mawnitiiɗe, ɓe ɗon njobbito yimɓe ngam ɓe keɓa ko ɓe ngiɗi.