Kolossi'en 3:20 - Fulfulde Bible

²⁰ Onon ɓikkoy, ɗowtane saaro'en mon nder koo ɗume fuu, ngam ɗum pottuɗum yeeso Jawmiraawo.

Fulfulde DC Bible

²⁰ Onon ɓikkoy, ɗowtane saaro'en mon nder koo ɗume fuu, ngam ɗum pottuɗum yeeso Jawmiraawo.

Kolossi'en 3:20 Iomraidhean Croise

Laataanooji 28:7

Yaakubu ɗowtani saaro'en muuɗum. Saa'i man o dilluɗo Paddan-Aram.

Gurtaaki 20:12

Teddin baaba ma e daada ma, ngam haa balɗe ma njuuta nder lesdi ndi Jawmiraawo Allah maaɗa hokki ma.

Balndi 20:20

Kuɗɗo baaba mum malla daada mum, ngeendam mum nyifan bana pittirla nder nyiɓre ɓaleere.

Balndi 30:11

“Woodi yimɓe naalanɓe baabiraaɓe muuɗum'en, ɓe mbarkiɗintaa daadiraaɓe maɓɓe.

Balndi 30:17

Jancanɗo baaba mum e caliiɗo ɗowtanaago daada mum, leekuuje cumpitan gite maako haa maayo, ɓikkoy dutal moɗan ɗe.

Balndi 6:20

Ɓiŋngel am, ɗowtana umroore baaba ma, taa yejjitit anndinol daada ma.

Yeremiya 35:8

Min ɗowtani umrooje Yonadabu ɓii Rekab, kaaka amin. Min njarataa nguykinoojam sam, koo minin, koo rewɓe amin, koo ɓiɓɓe amin worɓe e rewɓe.

Ezekiyel 22:7

Yimɓe nder maaɗa ɗon njawo saaro'en muuɗum'en. Ɓe ɗon toonyo hoɗɓe, ɓe ɗon ɓilla atiime'en e rewɓe yurumɓe.

Farillaaji Lewi'en 19:3

Koo moy mooɗon teddina daada mum e baaba mum. Kakkilane nyalɗe ciwtorɗe am. Min woni Jawmiraawo Allah mon.

Malakiya 1:6

Jawmiraawo honooɓe asama wi'i liman'en: “Ɓiɗɗo teddinan baaba mum, maccuɗo boo teddinan jawmum. Nde nii mi Baabiraawo, toy tedduŋgal ngal haandani yam? Nde nii mi Jawmiraawo, toy teddinoore nde haandani yam? Onon liman'en, on ɗon njawo innde am. Ammaa on ɗon mbi'a: Bee ɗume min njawri nde?

Matta 19:19

Teddin baaba ma e daada ma, yiɗ keeddiɗɗiraawo maaɗa bana no a yiɗiri hoore ma.”

Efesu'en 5:24

Bana jama'aare nuɗɗinɓe ɗon leestana Almasiihu, non rewɓe boo sey leestana worɓe muuɗum'en nder koo ɗume fuu.

Tooktaaki Tawreeta 27:16

Naaloore dow koo moy meeriɗinanɗo baaba mum malla daada mum! Ummaatoore fuu jaabo: Aamiina!

Tooktaaki Tawreeta 5:16

Teddin baaba ma e daada ma, bana min Jawmiraawo, Allah maaɗa mi umri ma. Nden kam a heɓan hayru, balɗe ma njuutan nder lesdi ndi min Jawmiraawo, Allah maaɗa ndokkanmaami.

Filippi'en 4:18

Mi heɓi dokkal ngal nelduɗon bee juŋngo Epafrodit. Mi heɓi ko mi mari haaje fuu, haa ɗum ɓuri haaje am, mi ɗon nder jeynitaare. Ɗum laati bana dokkal uurdi mbelndi, kirsaaɗum ko Allah seyorto, yerdoto.

Kolossi'en 1:10

Nden kam on mbaawan yeeɗugo ngeendam pottananɗam Jawmiraawo tum, kuuɗe mon booɗɗe fuu mbaŋginan nafuuda, on ɓesdoto anndugo Allah boo,

Kolossi'en 3:22

Onon jeyaaɓe, ɗowtane jaagorɓe mon haa duniyaaru nder koo ɗume fuu. Taa kuuwane ɓe dow gite maɓɓe tan, ngam yerdingo ɓe, ammaa ɗowtane ɓe bee ɓernde laaɓnde ngam on hulɓe Jawmiraawo.

Titus 2:9

Maccuɓe boo, sey ɓe leestana jawmiraaɓe maɓɓe nder koo ɗume fuu, ɓe ngerdina ɓe. Taa ɓe ngaabo ɓe,

Ibraniŋke'en 13:21

Allah waawna on waɗugo ko wooɗi fuu ngam haa on mbaɗa muuyo maako. O waɗa nder meeɗen ko fottanta mo, o waɗa ɗum bee Yeesu Almasiihu. Tedduŋgal laatano Almasiihu haa abada abadin. Aamiina!

Ruut 3:5

Ruut jaabi: “Iyyo! Mi waɗan ko mbi'ɗa fuu.”