Kolossi'en 3:12 - Fulfulde Bible

¹² Onon laatiiɓe suɓaaɓe Allah, senaaɓe e yiɗaaɓe, mare enɗam, mbaɗe mbooɗeeŋga, laate yaŋkiniiɓe, ɗelma-gikku'en e munyɓe.

Fulfulde DC Bible

¹² Onon laatiiɓe suɓaaɓe Allah, senaaɓe e yiɗaaɓe, mare enɗam, mbaɗe mbooɗeeŋga, laate yaŋkiniiɓe, ɗelma-gikku'en e munyɓe.

Kolossi'en 3:12 Iomraidhean Croise

Esaaya 42:1

Jawmiraawo wi'i: “Ndaa suka am, mi jogoto mo, o cuɓaaɗo am mo yoŋki am seyorto ɗum. Mi waɗi Ruuhu am dow maako. O waŋginanan ummaatooje kiita ndarnuka.

Esaaya 45:4

Mi ewni ma bee innde ma daliila Yaakubu suka am e daliila ummaatoore Isra'iila nde cuɓmi ɗum. Mi hokki ma soomoore teddunde, asee boo a anndaa yam.

Esaaya 63:15

Yaa Jawmiraawo, gonɗo haa asama, laar jooɗorde ma woonde seniinde! Toy yiide ma haajunde e cuusal ma? A salani min hinnuye ma e enɗam ma!

Esaaya 65:9

Mi hokkan yimɓe Yaakubu e Yahuuda danygol. Ɓe maran kooseeje am. Suɓaaɓe am maran lesdi ndi'i, suka'en am njooɗoto ton.

Yeremiya 31:20

An Efrayim, a ɓiɗɗo am giɗaaɗo, a ɓiŋngel am ngel ɓurmi yiɗgo. Nde ngiɗmi felugo ma fuu, mi siftoran no mi yiɗiri ma. Ngam maajum ɓernde am ɗon waylo nder am, mi hinnoto ma fakat.” Non Jawmiraawo wi'i.

Yeremiya 31:3

Jawmiraawo waŋgani ɓe diga daayiiɗum, wi'i: Onon yimɓe am, diga ɓooyma mi yiɗi on, ngam man mi ɗon tokko mo'ango on.

Ezekiyel 16:8

Kadiboo mi saali, mi laari ma. Mi yi'i a heewti, a he'i te'eego. Mi we'iti alkibbaare am dow maaɗa ngam wiirnugo temmbuki ma. Nden mi hunani ma, mi haɓɓi alkawal bee ma, a laati te'aaɗo am.” Non Allah Jawmiraawo wi'i.

Matta 24:22

To Allah ustaayno limgal nyalɗe man, walaa koo gooto hisanno. Ammaa o usti ɗe ngam daliila suɓaaɓe maako.

Matta 24:24

Ngam fewooɓe wi'anɓe ɓe almasiihu'en malla ɓe annabi'en mbaŋgan, ɓe mbaɗan alaamaaji e kaayeefiiji mawɗi ngam majjingo koo suɓaaɓe Allah, to ɗum heɓoto.

Matta 24:31

O nelan malaa'ika'en maako, ɓe puufan luwal maŋngal, ɓe mooɓtan suɓaaɓe maako wonɓe haa alkibilaaji duniyaaru nayi fuu diga keerol asama ngo'ol haa ngola.”

Markus 13:20

To Allah ustaayno limgal nyalɗe man, walaa koo gooto hisanno. Ammaa o usti ɗe ngam daliila yimɓe maako ɓe o suɓi.

Markus 13:22

Ngam fewooɓe wi'anɓe ɓe almasiihu'en malla ɓe annabi'en mbaŋgan, ɓe mbaɗan alaamaaji e kaayeefiiji ngam ɓe majjina koo suɓaaɓe boo, to ɗum heɓoto.

Markus 13:27

O nelan malaa'ika'en haa alkibilaaji nayi ngam mooɓtugo suɓaaɓe maako diga keerol duniyaaru ngo'ol haa ngola.

Luka 1:78

Allah meeɗen o keewɗo enɗam, daliila enɗam ɗa'am, o yaynan dow meeɗen bana naaŋge puɗanŋge,

Luka 18:7

Kadi, Allah waɗanta suɓaaɓe muuɗum wookananɓe mo jemma e naaŋge kiita gooŋgɗuka bee law na?

Roma'en 1:7

Mi ɗon hoofna yiɗaaɓe Allah wonɓe haa Roma fuu, ewnaaɓe ngam laataago senaaɓe. Allah, Baabiraawo men e Yeesu Almasiihu, Jawmiraawo men ndokka on mo'ere e jam.

Roma'en 13:14

Acce Jawmiraawo Yeesu Almasiihu laamano ngeendam mon fuu. Taa cuklane suunooji mon, ngam taa ɗi njaalo on.

Roma'en 9:11

Cuɓol Allah ɗon dari dow anniya muuɗum tan. Ngam maajum o wi'i Rebekka: “Mawniraawo huuwanan minyiraawo.” Allah wi'i ɗum diga ɓe ciwaa danyeego, hiddeko ɓe mbaɗa booɗɗum malla kalluɗum. Cuɓol Allah daraaki dow kuuɗe maɓɓe, sey dow ewnaandu maako tan.

1 Korintu'en 13:4

Marɗo yiide munyanan woɗɓe, o woonanan ɓe. O haajataa, o jurataako, o mawnitittaako.

2 Korintu'en 6:6

Min ɗon mbaŋgina min huuwanooɓe Allah bee laaɓeeŋga amin e anndal amin, bee munyal e mbooɗeeŋga, bee Ruuhu Ceniiɗo, bee yiide amin laaɓnde,

Galaatiya'en 5:6

Ngam to goɗɗo ɗon nder kawtal bee Almasiihu, juulnol malla saadoniiku walaa saman. Nuɗɗinki baŋginanki yiide tan mari saman.

Efesu'en 1:4

Diga o tagaayno duniyaaru tawon, o suɓi en nder Almasiihu haa en laato senaaɓe, ɓe ngalaa aybe yeeso maako nder yiide maako.

Efesu'en 4:2

Laate tum yaŋkiniiɓe e ɗelma-gikku'en e munyɓe, munyindire bee yiide.

Efesu'en 4:24

on ɓorno neɗɗo keso mo Allah tagi nder adilaaku e senaare gooŋga muuɗum.

Efesu'en 4:32

Mboonindire, enɗootire, njaafotire bana Allah yaaforani on nder Almasiihu.

Filippi'en 1:8

Allah woni ceedoowo yam, o anndi no mi yiɗiri on fuu bee yiide mawnde, iwnde haa Yeesu Almasiihu.

Kolossi'en 3:10

on ɓorni neɗɗo keso mo ɗon hesɗito fodde jaati tagoowo mo, haa o yotto anndal timmuŋgal.

1 Tessaloniiki'en 5:15

Kakkile ngam taa goɗɗo lornana keeddiɗɗum halleende dow halleende. Ammaa tiine waɗugo mbooɗeeŋga foroy hakkunde mooɗon, non boo haa yimɓe fuu.

2 Timote 1:9

Kaŋko hisni en, ewni en haa en laato yimɓe maako senaaɓe, naa ngam daliila kuuɗe men booɗɗe, ammaa ngam daliila muuyo maako e mo'ere maako nde o mo'ani en nder Yeesu Almasiihu diga zamanuuji ciwaano sam.

2 Timote 2:10

Ngam man mi ɗon munyana koo ɗume fuu daliila suɓaaɓe Allah, ngam haa kamɓe boo ɓe keɓa kisndam ngonɗam nder Yeesu Almasiihu e tedduŋgal duumiiŋgal.

Titus 1:1

Min Pol, maccuɗo Allah, nelaaɗo Yeesu Almasiihu, ngam waddugo suɓaaɓe Allah haa ɓe annda gooŋga, ɓe ngeeɗa nder kulol Allah,

1 Piyer 1:2

On laati suɓaaɓe ngam Allah Baabiraawo muuyi ɗum diga ɓooyma. Ruuhu maako seni on, haa on ɗowtano Yeesu Almasiihu, haa ƴiiƴam maako laɓɓina on. Mo'ere e salaaman ɗuuɗana on!

2 Piyer 1:10

Ngam maajum deerɗam'en, tiine tabitingo ewnaandu e cuɓki mooɗon. To on mbaɗi non, on pergataako sam.

1 Yuhanna 4:19

Enen en ɗon ngiɗindira, ngam Allah aarti yiɗugo en.

2 Yuhanna 1:13

Ɓikkoy deerɗiraawo ma cuɓaaɗo koofni ma.

Wahayu Yuhanna 17:14

Ɓe kaɓan bee jawgel. Ammaa jawgel jaaloto ɓe, ngam kaŋgel woni Jawmiraawo jawmiraaɓe e Laamiiɗo laamiiɓe. Wonduɓe bee maako, ɓe ewnaaɓe e suɓaaɓe e hoolaaɓe, kamɓe boo ɓe njaaloto bee maako.”