Kolossi'en 3:11 - Fulfulde Bible

¹¹ Ngam man, walaa Yahuudu'en malla yimɓe ummaatooje goɗɗe, juulniiɓe malla ɓe njuulnaaki, bilki'en e tullidiɗɓe e maccuɓe e rimɓe, sey Almasiihu feere muuɗum, o ɗon nder maɓɓe fuu.

Fulfulde DC Bible

¹¹ Ngam man, walaa Yahuudu'en malla yimɓe ummaatooje goɗɗe, juulniiɓe malla ɓe njuulnaaki, bilki'en e tullidiɗɓe e maccuɓe e rimɓe, sey Almasiihu feere muuɗum, o ɗon nder maɓɓe fuu.

Kolossi'en 3:11 Iomraidhean Croise

Jabuura 117:2

Ngam mbooɗeeŋga Jawmiraawo ɗuuɗani en, gooŋgaaku maako duumoto haa foroy. Halleluya!

Esaaya 49:6

O wi'i: “Laataago suka am ummitinanɗo le'i Yaakubu, lortinanɗo luttuɓe Isra'iila, he'aay. Mi waɗete a annoora ummaatooje, haa kisndam am yotto keeri duniyaaru.”

Esaaya 52:10

Jawmiraawo waŋgini juŋngo mum seniiŋgo yeeso ummaatooje fuu. Keeri duniyaaru fuu ngi'an kisndam Allah men.

Yeremiya 16:19

Yeremiya wi'i: “Yaa Jawmiraawo, an woni semmbe am e aynol am e hisrude am nder nyalaade ɓillaare! Ummaatooje ngaran haa maaɗa diga keeri duniyaaru, mbi'an: Kaakiraaɓe amin ngoodino ɗowanteeɓe fewooɓe e labbi meereeji ɗi nafataa sam.

Ezekiyel 47:22

On cennda ndi hakkunde mooɗon bee waɗugo kur'u e hakkunde hoɗɓe jooɗiiɓe caka mooɗon, danyɓe ɓikkoy caka mooɗon. Kamɓe boo ɓe keɓa geɗal maɓɓe haa lesdi. On ndaara ɓe bana Isra'iila'en, ɓe keɓa geɗal maɓɓe haa lesdi hawtaade bee le'i Isra'iila.

Hose'a 2:23

Jawmiraawo wi'i: “Nyalaade maajum njaabantoomi asamanji. Kanji boo ɗi njaabanto lesdi.

Amos 9:12

Nden ɓe maran luttuɓe Edoom e ummaatooje ɗe innde am ewna dow muuɗum'en fuu.” Min Jawmiraawo mi wi'i ɗum, mi waɗan ɗum boo.

Mika 4:2

Jama'aaje ɗuuɗɗe njahan ton, mbi'an: “Ngare, mba'ooɗen dow hooseere Jawmiraawo, haa haykaliiru Allah Yaakubu, ngam haa o ekkitina en laabi maako, enen boo en tokko ɗi.” Ngam haa Siyona tawreeta iwi, wolde Jawmiraawo boo haa Urusaliima.

Zekariya 2:11

Onon yimɓe Urusaliima, dahaaɓe haa Baabila, njaawɗe wurtaago law haa ndaɗon.”

Malakiya 1:11

Ngam diga fuɗirde naaŋge haa mutirde maage, ummaatooje ɗon teddina innde am mawnde. Koo toy fuu yimɓe ɗon ngula uurle ngam innde am, ɓe ɗon lii'ano yam dokke laaɓɗe ngam innde am mawnde caka ummaatooje. Non Jawmiraawo honooɓe asama wi'i.

Yuhanna 14:23

Yeesu jaabi mo: “To goɗɗo yiɗi yam, o ɗowtanto bolle am, Baabiraawo am boo yiɗan mo. Min bee Baabiraawo am, min ngaran, min njooɗodotto bee maako.

Yuhanna 15:5

Min woni inabohi, onon on lice. Mo tabiti nder kawtal bee am, min boo mi tabiti nder kawtal bee muuɗum, kaŋko o waɗan nafuuda. Ammaa to on ngondaay bee am, on mbaawataa waɗugo koo ɗume.

Yuhanna 17:23

Min mi ɗon nder kawtal bee maɓɓe, an boo a ɗon nder kawtal bee am, ngam haa ɓe laato gootum fakat, ngam haa duniyaaru annda an neli yam, a yiɗi ɓe bana a yiɗiri yam.

Kuuɗe Nelaaɓe 15:17

ngam haa luttuɓe fuu ngaylito haa Jawmiraawo, non boo yimɓe ummaatooje goɗɗe ɗe innde am ewna dow muuɗum'en, non Jawmiraawo wi'i, kaŋko o waŋgini kuuje ɗe'e diga ɓooyma.”

Kuuɗe Nelaaɓe 28:2

Wonɓe haa ton kolli min mbooɗeeŋga pantuŋga. Ɓe njaɓɓi min, ɓe kuɓɓi yiite ngam iyeende fuɗɗi toɓugo e peewol boo waɗi.

Kuuɗe Nelaaɓe 28:4

Nde yimɓe duunde man ngi'i mboodi ɗon ɓili haa juŋngo maako, ɓe mbi'mbi'tiri: “Walaa seko, gorko oo o mbaroowo yimɓe. Koo nde o hisi mbeela, ɗowanteeɗo meeɗen hiitoto mo, accataa mo o yeeɗa.”

Roma'en 1:14

Doole mi suklano yimɓe koo ɓeye: Ferɓe e ɓen peraay, jaŋnguɓe e ɓe njaŋngaay.

Roma'en 10:12

Jonta kam, walaa feerotiral hakkunde Yahuudu'en bee ummaatooje goɗɗe. Ngam Allah woni Jawmiraawo maɓɓe ɓe fuu, o ɗon mo'ana ewnotooɓe mo fuu.

Roma'en 3:22

Allah adilinan koo moy nuɗɗini Yeesu Almasiihu. O ɗon adilina nuɗɗinɓe fuu ngam haa maako yimɓe fuu potan kal:

Roma'en 3:29

Kadi Allah o Allah Yahuudu'en tan na? Naa o Allah ummaatooje goɗɗe boo na? Nonnon, o Allah ummaatooje fuu.

1 Korintu'en 12:13

Ngam enen fuu, koo Yahuudu'en, koo iwɓe haa ummaatooje goɗɗe, koo maccuɓe, koo rimɓe, en keɓi baptisma nder Ruuhu gooto ngam hawtango ɓanndu wooru. En fuu en laati yarnaaɓe Ruuhu gooto oo.

1 Korintu'en 14:11

To mi anndaa ɗemŋgal ngal goɗɗo ɗon wolwanammi, goɗɗo oo laatanto yam jananno, min boo mi jananno haa maako.

1 Korintu'en 7:19

Ngam juulnol e sooynde juulnol fuu nafataa koo ɗume, sey ɗowtanaago umrooje Allah tan mari saman.

Galaatiya'en 2:20

Naa min yeeɗata jonta, ammaa Almasiihu ɗon yeeɗa nder am. Yaake mi ɗon yeeɗa nder ɓanndu am jonta, mi ɗon yeeɗa bee nuɗɗingo Ɓiɗɗo Allah mo yiɗi yam, hokki yoŋki muuɗum ngam am.

Galaatiya'en 5:6

Ngam to goɗɗo ɗon nder kawtal bee Almasiihu, juulnol malla saadoniiku walaa saman. Nuɗɗinki baŋginanki yiide tan mari saman.

Efesu'en 1:23

Kayre woni ɓanndu Almasiihu. Nder maare Almasiihu ɗon bee hoore mum, kaŋko ɗon hebbina koo ɗume fuu, koo toy.

Efesu'en 2:14

Ngam kaŋko woni salaaman meeɗen, o wartiri Yahuudu'en e ɓen laataakino Yahuudu'en fuu ummaatoore woore. Bee maayde maako o yibbiniri mahol cennduŋgol caka meeɗen e o timmini konnaagu caka meeɗen.

Efesu'en 2:15

O wili tawreeta bee umrooje mum e farillaaji mum, haa o hawta asliiji ɗiɗi ɗi'i, o laatina ɗi goɗɗo keso gooto nder maako, o tabitina salaaman,

Efesu'en 3:17

haa Almasiihu jooɗo nder ɓerɗe mon daliila nuɗɗinki mon, on tabita dow yiide, on cemmbiɗa nder maare,

Efesu'en 3:6

Ndaa sirri oo: Daliila Linjiila, yimɓe ummaatooje goɗɗe boo laatoto ronooɓe, ɓe laatoto terɗe haa ɓanndu Almasiihu, ɓe keɓan boo ko Allah iinani Isra'iila nder Yeesu Almasiihu.

Efesu'en 6:8

On anndi, kuuɗe booɗɗe ɗe goɗɗo huuwata fuu, koo o maccuɗo koo o dimo, Jawmiraawo warjoto mo.

Kolossi'en 2:10

To on kawti bee Almasiihu, ko woni nder maako fuu ɗon nder mooɗon boo. O hooreejo dow mawɓe asama e marɓe laamu fuu.

1 Yuhanna 5:20

En anndi boo Ɓiɗɗo Allah wari, hokki en faamu ngam anndugo Allah gooŋgaajo. En ɗon nder kawtal bee Allah gooŋgaajo e bee Ɓiɗɗo mum Yeesu Almasiihu. Kaŋko woni Allah gooŋgaajo e ngeendam nduumiiɗam.

2 Yuhanna 1:9

Mo jogaaki ekkitinol Almasiihu, luuti ngol, o walaa kawtal bee Allah. Ammaa mo jogi ekkitinol ngo'ol, o ɗon nder kawtal bee Baabiraawo e Ɓiɗɗo.