Kolossi'en 3:10 - Fulfulde Bible

¹⁰ on ɓorni neɗɗo keso mo ɗon hesɗito fodde jaati tagoowo mo, haa o yotto anndal timmuŋgal.

Fulfulde DC Bible

¹⁰ on ɓorni neɗɗo keso mo ɗon hesɗito fodde jaati tagoowo mo, haa o yotto anndal timmuŋgal.

Kolossi'en 3:10 Iomraidhean Croise

Laataanooji 5:1

Ndaa deftere danygol Aadamu: Saa'i Allah tagi neɗɗo dow jaati muuɗum, o tagi mo dow nanndal maako.

Ayuba 29:14

Mi ɓornino adilaaku bana limce am, meetaleewol e jaage, non gooŋgaaku am.

Jabuura 51:10

Accu mi nana hoolo seyo e welwelo, haa mi maata seyo fahin, ɓaawo a hiiti yam kiita naawka.

Esaaya 52:1

Fin, fin! Ɓorna baawɗe ma, an Siyona, ɓorna jaage ma, an Urusaliima, berniwol ceniiŋgol! Ngam saadooniijo malla coɓɗo nastataa haa ma fahin.

Esaaya 59:17

O ɓorni adilaaku bana sulke, o waɗi kisndam dow hoore maako bana hufneere njamndi. O ɓorni anniya baatuki bana limce e tikkere haajunde bana alkibbaare.

Ezekiyel 11:19

Mi hokkan ɓe ɓerɗe laaɓɗe e ruuhuuji kesi, mi wurtinan ɓerɗe tuurtanɗe diga ɓalli maɓɓe, mi hokkan ɓe ɓerɗe ɗowtiiɗe.

Ezekiyel 18:31

Acce tuurtolji mon fuu, kesɗitine ɓerɗe mon e ruuhuuji mon. Malla on ngiɗi maayugo na, onon Isra'iila'en?

Ezekiyel 36:26

Mi hokkan on ɓerɗe kese e ruuhuuji kesi. Mi wurtinan ɓerɗe tuurtanɗe nder mon, mi hokka on ɓerɗe ɗowtiiɗe.

Yuhanna 17:3

Ndaa ko woni ngeendam nduumiiɗam: Ɓe annda an woni Allah gooto, gooŋgaajo, ɓe annda boo Yeesu Almasiihu, nelaaɗo ma.

Roma'en 12:2

Taa tokke ko yimɓe zamanuuru ndu'u mbaɗata, ammaa acce Allah wayla ɓerɗe mon, hesɗitina hakkiilooji mon. Nden kam on anndan muuyo Allah, waato ko wooɗi e ko fottanta mo e ko woni timmuɗum.

Roma'en 13:12

Jemma jeŋngi masin, nyalawma ɓadake. Ngam maajum sey en acca huuwugo kuuɗe nyiɓre, en ɓorno balmi annoora.

Roma'en 13:14

Acce Jawmiraawo Yeesu Almasiihu laamano ngeendam mon fuu. Taa cuklane suunooji mon, ngam taa ɗi njaalo on.

Roma'en 6:4

Nder baptisma en uwdaama bee maako. Nden bana kaŋko o ummiti diga maayde bee baawɗe Allah tedduɗe, bana non enen boo ngeeɗirten ngeendam kesam.

Roma'en 8:29

Ngam diga ɓooyma Allah anndi ɓe, suɓi ɓe ngam haa ɓe ngona bana Ɓiɗɗo maako, Almasiihu boo laato afo caka deerɗiraaɓe ɗuuɗɓe.

2 Korintu'en 3:18

Enen fuu en ɗon ndaara tedduŋgal bee geese cudditaaɗe, en ɗon mbaŋgina ngal bana daarorgal. Bana nii en ngaylorto haa en nannda bee Jawmiraawo, haa tedduŋgal maako ɓesdo waŋgugo nder meeɗen tum. Kanjum woni kuugal Ruuhu Jawmiraawo nder meeɗen.

2 Korintu'en 4:16

Ngam daliila man min tampataa sam. Koo to ɓalli amin ɗon tampa, ɓerɗe amin ɗon kesɗita nyalɗe fuu.

2 Korintu'en 4:6

Ngam Allah mo wi'no: “Sey annoora yayna nder nyiɓre”, acci annoora mum yayna nder ɓerɗe amin boo, ngam haa min annda tedduŋgal maako jaynanŋgal dow yeeso Almasiihu.

2 Korintu'en 5:17

Ngam maajum to goɗɗo hawti bee Almasiihu, o laatake neɗɗo keso. Ko laatino ɓooyma saalake, koo ɗume fuu laatake kesum.

Galaatiya'en 3:27

Ngam saa'i on njaɓi baptisma bee innde Almasiihu, on ɓornake Almasiihu.

Galaatiya'en 6:15

Ngam maajum juulnol malla saadooniiku fuu walaa saman. To goɗɗo laatake neɗɗo keso, kanjum tan mari saman.

Efesu'en 2:10

Ngam Allah bee hoore mum tagi en. O tagi en nder Yeesu Almasiihu haa en kuuwa kuuɗe booɗɗe. Kanje boo, Allah aarti taaskitini ɗe haa en kuuwa ɗe.

Efesu'en 2:15

O wili tawreeta bee umrooje mum e farillaaji mum, haa o hawta asliiji ɗiɗi ɗi'i, o laatina ɗi goɗɗo keso gooto nder maako, o tabitina salaaman,

Kolossi'en 3:12

Onon laatiiɓe suɓaaɓe Allah, senaaɓe e yiɗaaɓe, mare enɗam, mbaɗe mbooɗeeŋga, laate yaŋkiniiɓe, ɗelma-gikku'en e munyɓe.

Kolossi'en 3:14

Dow ɗum fuu, ɓesde yiide, ngam kayre tabitinta kawtal timmuŋgal.

Filemon 1:6

Mi ɗon toro Allah, haa kawtal meeɗen nder nuɗɗinki laatina en nafooɓe bee waɗugo mbooɗeeŋga ngam daliila Almasiihu.

1 Yuhanna 2:3

To en ɗowtanake umrooje Allah, nden kam en paami en anndi mo fakat.

1 Yuhanna 2:5

Ammaa ɗowtantooɗo wolde Allah, fakat yiide Allah timmunde ɗon nder muuɗum. Bana nii anndirten en ɗon nder kawtal bee Allah.

Wahayu Yuhanna 21:5

Nden jooɗiiɗo dow leeso laamu go wi'i: “Ndaa mi ɗon hesɗitina koo ɗume fuu!” O wi'i yam: “Winndu ɗum, ngam bolle ɗe'e, ɗe gooŋgaaje, ɗe koolniiɗe.”