Kolossi'en 2:2 - Fulfulde Bible

² ngam haa ɓerɗe maɓɓe cemmbiɗa, ɓe kawta nder yiide e nder anndal gooŋgawal fuu, ɓe paama sirri Allah, waato Almasiihu.

Fulfulde DC Bible

² ngam haa ɓerɗe maɓɓe cemmbiɗa, ɓe kawta nder yiide e nder anndal gooŋgawal fuu, ɓe paama sirri Allah, waato Almasiihu.

Kolossi'en 2:2 Iomraidhean Croise

1 Laamiiɓe 3:28

Isra'iila fuu nani haala kiita ka laamiiɗo ta'i. Ɓe kuli laamiiɗo, ngam ɓe ngi'i hikma Allah ɗon nder maako haa o waɗa kiita ngooŋɗuka.

Jabuura 133:1

Yimre Daawuda ngam jahaaŋgal haa Urusaliima. To deerɗiraaɓe njooɗodake hawtaade, ɗum booɗɗum, ɗum belɗum masin!

Esaaya 32:17

Adilaaku waddan salaaman e de'ere e hoolaare ngam foroy.

Esaaya 40:1

“Nde'itine ummaatoore am, nde'itine nde”, non Allah mooɗon wi'i.

Esaaya 53:11

Daliila torraaji ɗi o yari, o heɓan seyo fahin, o anndan o torraaki meere. Kaŋko woni suka am adiliijo. O roondi aybeeji ɗuuɗɓe, bana nii o adilinan ɓe.

Yeremiya 9:24

Jawmiraawo wi'i: “Saa'i ɗon wara haa mi hiito koo ɓeye juulnaaɓe fuu haa ɓalli muuɗum'en,

Matta 11:25

Saa'i man Yeesu wi'i: “Yaa Baabiraawo, Jawmu asama e lesdi, mi yetti ma ngam a waŋginani ɓikkoy pamaroy kuuje ɗe'e ammaa a suuɗi ɗe hikma'en e marɓe faamu.

Matta 11:27

Nden o wi'i: “Baabiraawo am halfini yam kuuje fuu. Walaa annduɗo Ɓiɗɗo sonaa Baabiraawo, walaa annduɗo Baabiraawo boo sonaa Ɓiɗɗo e mo Ɓiɗɗo yiɗi waŋginango mo fuu.

Matta 13:11

O jaabi ɓe: “Onon, Allah anndini on sirriiji laamu mum, ammaa kamɓe ɓe anndinaaka.

Luka 1:1

Yaa Teyofilus tedduɗo: Yimɓe ɗuuɗɓe kaɓdi winndugo kubaruwol kuuje laatiiɗe caka meeɗen.

Yuhanna 10:30

Min e Baabiraawo, min gootum.”

Yuhanna 10:38

Ammaa to ɗum kuuɗe maako fakat, koo to on nuɗɗinaay yam min, nuɗɗine kuuɗe ɗe'e, ngam haa on annda e on paama Baabiraawo ɗon nder am, min boo mi ɗon nder Baabiraawo.”

Yuhanna 16:15

Ko Baabiraawo mari fuu, min mari ɗum. Ngam maajum mbi'mi: Ruuhu yeccan on ko o nani haa am.”

Yuhanna 17:3

Ndaa ko woni ngeendam nduumiiɗam: Ɓe annda an woni Allah gooto, gooŋgaajo, ɓe annda boo Yeesu Almasiihu, nelaaɗo ma.

Yuhanna 5:17

Ammaa Yeesu jaabi ɓe: “Baabiraawo am ɗon huuwa foroy, min boo mi huuwan.”

Yuhanna 5:23

ngam haa yimɓe fuu teddina Ɓiɗɗo bana ɓe teddinirta Baabiraawo nelɗo mo. Koo moy sali teddingo Ɓiɗɗo, teddintaa Baabiraawo nelɗo mo.

Yuhanna 6:69

Minin, min nuɗɗini, min anndi an woni Ceniiɗo iwɗo haa Allah.”

Kuuɗe Nelaaɓe 4:32

Jama'aare nuɗɗinɓe hawti ɓernde woore e hakkiilo wooto. Walaa bi'ɗo: “Jawdi am, min feere am jeyi”, ammaa ɓe kawti ko ɓe mari fuu.

Roma'en 15:13

Mi ɗon toro Allah, tabitinɗo tammunde men, haa o hebbina ɓerɗe mon bee seyo e jam fuu ngam daliila nuɗɗinki mon, ngam haa on keewa tammunde bee baawɗe Ruuhu Ceniiɗo.

Roma'en 16:25

Tedduŋgal laatano Allah! Kaŋko o woodi baawɗe semmbiɗingo on fodde Linjiila ka ngaazinanmi. Linjiila ɗon anndina haala Yeesu Almasiihu, ka ɗon waŋgina gooŋga Allah sirriiha. Gooŋga man ɗonno suuɗi diga ɓooyma,

Roma'en 2:4

Malla a ɗon yawo jeynitaaje mbooɗeeŋga maako ɗuuɗŋga e munyal maako? A anndaa no mbooɗeeŋga Allah ɗon ɗowe haa tuubu na?

1 Korintu'en 14:31

On fuu on mbaawan waɗugo annabaaku, ammaa sey ɗum laato bee tokkindirki, ngam haa yimɓe fuu paama, ɓe keɓa cuusɗinki.

1 Korintu'en 2:12

Ngam enen kam, en keɓaay ruuhu iwŋgu haa duniyaaru ndu'u, ammaa Ruuhu iwɗo haa Allah keɓɗen, ngam anndugo ko Allah mo'ani en.

Galaatiya'en 3:28

Ngam maajum walaa ko feerotirta Yahuuduujo bee mo laataaki Yahuuduujo malla maccuɗo bee dimo malla gorko bee debbo. Ngam on fuu on laati gootum nder kawtal bee Yeesu Almasiihu.

Efesu'en 1:7

Ngam daliila ƴiiƴam Almasiihu ndufaaɗam keɓɗen coottaari e yaafuye hakkeeji men fodde mo'ere Allah ɗuuɗnde.

Efesu'en 3:16

Mi ɗon toro Allah fodde jeynitaare tedduŋgal mum, haa o semmbiɗina ɓerɗe mooɗon bee baawɗe Ruuhu maako,

Efesu'en 3:3

Bee wahayu o waŋginani yam anniya maako sirriiha, bana ko aartumi winndango on bee bolle seɗɗa.

Efesu'en 6:22

Mi neli mo haa mooɗon bee anniya haa o anndina on joonde amin e o de'itina ɓerɗe mon.

Filippi'en 2:1

Almasiihu semmbiɗini on na? Yiide maako suusɗini on na? Ruuhu maako hawti on na? On ɗon ngiɗindira na? On ɗon enɗindira na?

Filippi'en 3:8

Naa kuuje ɗe'e tan, ammaa mi ɗon laara koo ɗume fuu bana asar, ngam mi heɓi ko ɓuri ɗum fuu: Ɗum anndugo Yeesu Almasiihu, Jawmiraawo am. Ngam daliila maako ngudinmi koo ɗume fuu. Mi ɗon laara ɗum bana mbuuwri meere, ngam haa mi heɓa Almasiihu,

Kolossi'en 1:26

Wolde nde'e, diga ɓooyma e haa gide fuu, Allah suuɗino sirri man. Ammaa jonta o waŋginani ɗum senaaɓe maako.

Kolossi'en 1:27

Ngam o waɗi anniya waŋgingo jeynitaare tedduŋgal sirri man haa yimɓe ummaatooje goɗɗe. Sirri man, ɗum Almasiihu gonɗo nder mooɗon, kaŋko hokki on tammunde heɓugo tedduŋgal haa Allah.

Kolossi'en 1:9

Ngam maajum minin boo, min accaay toraago Allah ngam mooɗon diga min nani kubar mon. Min ɗon toro mo haa on keɓa hikma e faamu fuu haa Ruuhu maako, on paama muuyo maako.

Kolossi'en 2:19

Ɓe acci ɗakkotirgo bee Almasiihu, mo laati hoore ɓanndu muuɗum, waato jama'aare nuɗɗinɓe mo. Ngam daliila hoore man, ɓanndu fuu ɗon heɓa ko ndu mari haaje, ɗon hawti bee jokke e ɗaɗi, ɗon mawna bana Allah muuyi.

Kolossi'en 3:14

Dow ɗum fuu, ɓesde yiide, ngam kayre tabitinta kawtal timmuŋgal.

Kolossi'en 4:3

Toraneeɗam min boo, ngam haa Allah maɓɓitanammi laawol waazugo wolde muuɗum, haa mi waŋgina sirri Almasiihu. Ngam daliila sirri man mi ɗon haa fursina.

Kolossi'en 4:8

Mi ɗon nela mo haa mooɗon bee anniya ngam haa o anndina on joonde amin, o de'itina ɓerɗe mon.

1 Tessaloniiki'en 1:5

Saa'i min ngaazini on Linjiila, ɗum laataaki bee bolle tan, ammaa bee baawɗe Allah e ballal Ruuhu Ceniiɗo. Kadiboo min kolli on fakat ka koolniika. On anndi no min kuuwri caka mooɗon ngam hayru mooɗon boo.

1 Tessaloniiki'en 3:2

min neli deerɗiraawo meeɗen Timote haa mooɗon, kuuwdiɗɗiraawo Allah ngam waazingo Linjiila Almasiihu, ngam haa o semmbiɗina on, o tabitina nuɗɗinki mooɗon.

1 Tessaloniiki'en 5:14

Deerɗiraaɓe, min ɗon toro on: Ndeentine mbaateendam'en. Tiɗɗine tampa-ɓerɗe'en, mballe tampuɓe, munyane yimɓe fuu.

1 Timote 3:16

Fakat, baŋginki sirri nuɗɗinki meeɗen mawni: O waŋgi bee ɓanndu neɗɗo, Ruuhu gooŋɗini mo. Malaa'ika'en ngi'i mo. Ummaatooje ngaazinaama kubar maako. Yimɓe duniyaaru nuɗɗini mo, o eeŋginaama nder tedduŋgal haa asama.

Ibraniŋke'en 10:22

Ngam maajum en ɓadito Allah kadi bee ɓerɗe gooŋgaaje, bee nuɗɗinki cemmbiɗki, bee numo ɓerɗe laɓɓinaaɗe, ɓalli boo giiwaaɗi bee ndiyam laaɓɗam.

Ibraniŋke'en 6:11

Min ngiɗi koo moy mooɗon tokko waɗugo ɗum bee tiinaare bana naane haa timmoode, ngam haa on keɓa ko on tammoto.

2 Piyer 1:10

Ngam maajum deerɗam'en, tiine tabitingo ewnaandu e cuɓki mooɗon. To on mbaɗi non, on pergataako sam.

2 Piyer 1:3

Allah hokkiri en koo ɗume bee baawɗe mum haa en ngeeɗa nder ngeendam e kulol maako. O hokki en ɗum ngam en anndi ewniiɗo en nder tedduŋgal mum e nder mbooɗeeŋga mum.

2 Piyer 3:18

Ammaa mawne nder mo'ere e anndal Jawmiraawo e Kisnoowo meeɗen Yeesu Almasiihu. Tedduŋgal laatano mo diga jonta haa foroy. Aamiina!

1 Yuhanna 3:19

Bee maajum anndirten en ɗon tokki gooŋga. Kanjum waɗi ɓerɗe meeɗen nde'ititto yeeso Allah.

1 Yuhanna 5:7

Ngam woodi seedamkuuji tati: