Kolossi'en 2:19 - Fulfulde Bible

¹⁹ Ɓe acci ɗakkotirgo bee Almasiihu, mo laati hoore ɓanndu muuɗum, waato jama'aare nuɗɗinɓe mo. Ngam daliila hoore man, ɓanndu fuu ɗon heɓa ko ndu mari haaje, ɗon hawti bee jokke e ɗaɗi, ɗon mawna bana Allah muuyi.

Fulfulde DC Bible

¹⁹ Ɓe acci ɗakkotirgo bee Almasiihu, mo laati hoore ɓanndu muuɗum, waato jama'aare nuɗɗinɓe mo. Ngam daliila hoore man, ɓanndu fuu ɗon heɓa ko ndu mari haaje, ɗon hawti bee jokke e ɗaɗi, ɗon mawna bana Allah muuyi.

Kolossi'en 2:19 Iomraidhean Croise

Luka 5:38

Ammaa sey ɓe loowa inaboojam kesam nder kanyakanyaaji kesi.

Yuhanna 17:21

ngam haa ɓe fuu ɓe laato gootum. Bana an, Baabiraawo, a ɗon nder kawtal bee am, min boo mi ɗon nder kawtal bee maaɗa. Kamɓe boo ɓe ngona nder kawtal bee meeɗen, ngam haa duniyaaru nuɗɗina an neli yam.

Kuuɗe Nelaaɓe 4:32

Jama'aare nuɗɗinɓe hawti ɓernde woore e hakkiilo wooto. Walaa bi'ɗo: “Jawdi am, min feere am jeyi”, ammaa ɓe kawti ko ɓe mari fuu.

Roma'en 11:17

Isra'iila nanndi bee jaytunhi jarne. Lice goɗɗe ta'aama haa maaki. Onon on nastinaaɓe haa pellel maaje bana lice kese iwɗe jaytunhi laddeehi. On kawti bee lice luttuɗe, on ɗon keɓa semmbe diga ɗaɗol jaytunhi jarne.

1 Korintu'en 1:10

Deerɗiraaɓe am, mi ɗon suusɗina on bee innde Jawmiraawo meeɗen Yeesu Almasiihu: Njooɗe on narruɓe! Taa cenndol wona caka mooɗon. Laate narruɓe dow hakkiilo wooto e anniya ngoota.

1 Korintu'en 11:3

Ammaa woodi ko ngiɗmi faamtingo on: Almasiihu woni hooreejo gorko fuu, gorko woni hooreejo debbo mum, Allah boo woni hooreejo Almasiihu.

1 Korintu'en 3:6

Min mi jubi, Apollos yarni, ammaa Allah mawnini ɗum.

Efesu'en 1:22

Allah wallini koo ɗume les kosɗe maako, waɗi mo dow koo ɗume, laatini mo hooreejo jama'aare nuɗɗinɓe.

Efesu'en 1:23

Kayre woni ɓanndu Almasiihu. Nder maare Almasiihu ɗon bee hoore mum, kaŋko ɗon hebbina koo ɗume fuu, koo toy.

Efesu'en 2:21

Nder maako geɓe nyiɓaalo man fuu ɗon pottotira, haa ngol mawna, ngol laatano Jawmiraawo haykaliiru seniindu.

Efesu'en 4:3

Tiine aynugo ngootaaku Ruuhu nder joonde salaaman hawtunde on:

Efesu'en 5:29

Fakat, walaa mo wanyata ɓanndu mum, ammaa o nyaamnan ndu, o aynan ndu bana Almasiihu ɗon waɗana jama'aare nuɗɗinɓe,

Filippi'en 1:27

Tan nii ngeeɗe fodde ko haandani Linjiila Almasiihu. Koo mi heɓan wargo haa mooɗon, mi yi'a on, koo mi heɓataa boo, sey mi tawa, on ɗon tabiti dow hakkiilo wooto, on ɗon kaɓda hawtaade ngam gooŋga Linjiila bee ɓernde woore.

Kolossi'en 1:10

Nden kam on mbaawan yeeɗugo ngeendam pottananɗam Jawmiraawo tum, kuuɗe mon booɗɗe fuu mbaŋginan nafuuda, on ɓesdoto anndugo Allah boo,

Kolossi'en 1:18

Kaŋko woni hoore jama'aare nuɗɗinɓe laatiinde ɓanndu maako. O fuɗɗoode, o arano caka ummitinaaɓe diga maayde, haa o laato ɓurduɗo nder koo ɗume fuu.

Kolossi'en 2:2

ngam haa ɓerɗe maɓɓe cemmbiɗa, ɓe kawta nder yiide e nder anndal gooŋgawal fuu, ɓe paama sirri Allah, waato Almasiihu.

1 Tessaloniiki'en 3:12

Jawmiraawo mawnina yiide wonnde hakkunde mooɗon, non boo heedi yimɓe fuu, haa nde nannda bee nde min ngiɗiri on bee muuɗum.

1 Tessaloniiki'en 4:10

Kanjum ngaɗoton heedi deerɗiraaɓe fuu nder lesdi Makedoniya. Ammaa min ɗon tiɗɗina on ɓesdaago yeeso yeeso.

2 Tessaloniiki'en 1:3

Onon deerɗiraaɓe, sey min ngetta Allah foroy ngam daliila mooɗon. Ɗum pottuɗum, ngam nuɗɗinki mooɗon ɗon mawna masin, yiide nde marɗon hakkunde mooɗon boo ɗon ɓesdo yeeso yeeso.

1 Piyer 3:8

Dow ko mi wolwi fuu, mi ɗon wi'a fahin: Sey on fuu on mara numo wooto, njurmindire, ngiɗindire bana deerɗiraaɓe, enɗindire, laate yaŋkiniiɓe.

2 Piyer 3:18

Ammaa mawne nder mo'ere e anndal Jawmiraawo e Kisnoowo meeɗen Yeesu Almasiihu. Tedduŋgal laatano mo diga jonta haa foroy. Aamiina!