Kolossi'en 2:18 - Fulfulde Bible

¹⁸ Woodi seyortooɓe yaŋkinaare muuɗum'en e sujidanooɓe malaa'ika'en, wolwanɓe haala kaayeefiiji ɗi ɓe ngi'i. Taa acce ɓe itta mbarjaari mon bee haalaaji maɓɓe meereeji, ɓe mawnitiiɓe bee numooji maɓɓe iwɗi haa suunooji neɗɗo.

Fulfulde DC Bible

¹⁸ Woodi seyortooɓe yaŋkinaare muuɗum'en e sujidanooɓe malaa'ika'en, wolwanɓe haala kaayeefiiji ɗi ɓe ngi'i. Taa acce ɓe itta mbarjaari mon bee haalaaji maɓɓe meereeji, ɓe mawnitiiɓe bee numooji maɓɓe iwɗi haa suunooji neɗɗo.

Kolossi'en 2:18 Iomraidhean Croise

Laataanooji 3:13

Allah Jawmiraawo wi'i debbo: “Ngam ɗume mbaɗɗaa ɗum?” Debbo jaabi: “Mboodi esti yam, mi nyaami.”

Ayuba 38:2

An a moy haa a hallina anniyaaji am bee bolle paataaɗe?

Esaaya 57:9

On ɗon nguja ɓalli mon bee nebbam e uurle ngam yahugo sujidango lawru wi'eteendu Laamiiɗo. On ɗon nela nelaaɓe mon daayiiɗum, on njippi haa joonde maayɓe.

Ezekiyel 13:3

Ndaa nii Allah Jawmiraawo wi'i: Bone laatanto annabi'en faataaɓe. Ɓe ɗon tokko numooji maɓɓe, walaa ko ɓe ngi'i sam.

Daniyel 11:38

Ammaa o teddinan ɗowanteeɗo aynoowo berniiji cemmbiɗɗi. O lii'oto kaŋŋeeri e cardi e kaa'e marɗe saman e dokke goɗɗe haa ɗowanteeɗo mo kaakiraaɓe maako anndaano.

Limle 25:18

Ngam ɓe laati konne'en mooɗon, ɓe nastini on estooji, ɓe zammbi on bee haala Pe'or, non boo bee haala Kojobi, ɓii hooreejo Mediyan, banndiraawo maɓɓe debbo mbaraaɗo nyalaade masiibo ngam daliila Pe'or.”

Matta 24:24

Ngam fewooɓe wi'anɓe ɓe almasiihu'en malla ɓe annabi'en mbaŋgan, ɓe mbaɗan alaamaaji e kaayeefiiji mawɗi ngam majjingo koo suɓaaɓe Allah, to ɗum heɓoto.

Roma'en 1:25

Ɓe ngayliti gooŋga Allah bee fewre, ɓe cujidani e ɓe ndewi tagle, ɓe acci tagɗo mo haandi yetteego haa foroy. Aamiina!

Roma'en 16:18

Irin maɓɓe kuuwantaa Almasiihu, Jawmiraawo men, sey deeɗi maɓɓe tan. Ɓe ɗon majjina sooyɓe anndal bee bolle ne'iiɗe e haalaaji belɗi.

1 Korintu'en 13:4

Marɗo yiide munyanan woɗɓe, o woonanan ɓe. O haajataa, o jurataako, o mawnitittaako.

1 Korintu'en 3:3

ngam on ɗon tokko ɗabiya yimɓe duniyaaru. Ngam to on ɗon kaajindira, on ɗon njokkira, on ngonaay nder ɗabiya yimɓe duniyaaru na? Naa on ɗon mbaɗa ko yimɓe woɗɓe mbaɗata na?

1 Korintu'en 4:18

Woɗɓe mooɗon mawniti ngam ɓe tammi mi lorataako haa mooɗon.

1 Korintu'en 4:6

Deerɗiraaɓe am, mi huuwtiniri misaaluuji ɗi'i dow Apollos e dow am ngam daliila mooɗon. Mi yiɗi on tokko misaalu amin “bilaa ƴaɓɓaago keerol jo'inaaŋgol fodde ko winnda.” Ngam taa goɗɗo mooɗon tokko oo, yawo oya.

1 Korintu'en 8:1

Dow ko laarani kusel dabbaaji kirsanaaɗi labbi, fakat: “En fuu en ngoodi anndal.” Ammaa anndal waddan mawnitaare. Yiide tan semmbiɗinta goɗɗo.

1 Korintu'en 9:24

On anndi haa daldal ɗuuɗɓe ndoggan nder daɗa-daɗa, ammaa gooto maɓɓe tan heɓata keɓal daɗki. Ndoggire non haa keɓon keɓal daɗki.

2 Korintu'en 11:3

Ammaa ciftore no mboodi estiri Hawwa bee ƴoyre mum. Nden mi ɗon hula ngam taa hakkiilooji mooɗon mbonno bana non, on acca yiɗugo Almasiihu bee laaɓeeŋga e ɓernde woore.

2 Korintu'en 12:20

Mi ɗon hula, saa'i ngaranmi haa mooɗon mi tawrataa on bana no ngiɗmi, onon boo on tawrataa yam bana no ngiɗɗon. Mi ɗon hula mi tawan jokkirli e ɓernuki e hallingo woɗɓe e bolle kalluɗe e tufle e mawnitaare e fitinaaji haa mooɗon.

Efesu'en 4:17

Ndaa ko mbi'anmi, mi ɗon tiɗɗina on bee innde Jawmiraawo: Taa tokke yeeɗugo bana heefeerɓe ngeeɗirta. Kamɓe, numooji maɓɓe ɗon majjina ɓe.

Efesu'en 5:6

Taa acce goɗɗo esta on bee haalaaji meereeji. Ngam daliila kuuje ɗe'e tikkere Allah ɗon ukkano tuurtanɓe dow maako.

Filippi'en 3:14

mi ɗon haɓda yottaago keerol daɗa-daɗa, haa mi heɓa keɓal ewnaandu ndu Allah ewnori yam nder Yeesu Almasiihu.

Kolossi'en 2:23

Umrooje ɗe'e, bana ɗe hikmaaje ngam ɗe ɗon ekkitina haala dewal ngal goɗɗo waɗanta hoore mum e yaŋkinaare e elto ɓanndu bee caatal. Ammaa ɗe ngalaa saman ngam ɗe ɗon kebbitina suunooji ɓanndu tan.

Kolossi'en 2:4

Mi ɗon wi'a ɗum ngam taa goɗɗo esta on bee bolle ƴoyɗe.

Kolossi'en 2:8

Kakkile ngam taa goɗɗo naŋnga on nder tuuforgol bee bolle estooje, cooke iwɗe haa ruuhuuji laamaniiɗi duniyaaru, ɗi iwaay haa Almasiihu.

1 Timote 1:7

Ɓe ngiɗi laataago jaŋnginooɓe umrooje Allah, ammaa ɓe paamataa ko ɓe mbi'ata malla ko ɓe tabitinta bee semmbe.

1 Timote 4:1

Ruuhu Allah wi'i laaɓɗum, nder nyalɗe ragareeje yimɓe woɗɓe accan nuɗɗinki, tokkoto ruuhuuji pewooji e ekkitinolji ginnaaji,

2 Piyer 2:14

Ɓe ɗon keewi suuno to ɓe ngi'i rewɓe fuu, ɓe comataa waɗugo hakke sam. Ɓe ɗon esta tampuɓe. Ɓerɗe maɓɓe keewi suuno, ɓe naalaaɓe!

1 Yuhanna 2:26

Mi winndani on ɗu'um dow ɗaɓɓanɓe selnugo on.

Wahayu Yuhanna 12:9

Kuuŋga maapinndiiwa, waato mboodi nayeeri, nga ɓe mbi'ata Iblisa malla Sayɗaanu, zammboowo jooɗiiɓe haa duniyaaru fuu, sakkinaama haa lesdi, kaŋga e malaa'ika'en maaga fuu.

Wahayu Yuhanna 13:14

Nga zammbi jooɗiiɓe haa duniyaaru fuu bee waɗugo alaamaaji ɗi nga heɓi baawɗe waɗugo yeeso ndabbaawa aartuŋga go. Nga yecci jooɗiiɓe haa duniyaaru ɓe mbaɗa suura ndabbaawa naawnaaŋga bee kaafahi e yamɗiti go.

Wahayu Yuhanna 13:8

Jooɗiiɓe haa duniyaaru fuu cujidanan nga, waato koo moy mo innde muuɗum winndaaka nder deftere ngeendam diga fuɗɗam duniyaaru. Jawgel kirsaaŋgel go mari deftere nde'e.

Wahayu Yuhanna 19:10

Mi hofi yeeso maako haa mi sujidana mo, ammaa o wi'i yam: “Taa waɗ ɗum! Min mi maccuɗo Allah bana maaɗa e bana deerɗiraaɓe ma heɓɓe seedamku Yeesu. Sujidan Allah!” Ngam seedamku ngu Yeesu seedi, ɗum Ruuhu baɗanɗo annabaaku.

Wahayu Yuhanna 3:11

Mi ɓadake wargo. Joga ko marɗa, ngam taa koo moy jaɓta woronnde jaalorgal ma.