Kolossi'en 1:9 - Fulfulde Bible

⁹ Ngam maajum minin boo, min accaay toraago Allah ngam mooɗon diga min nani kubar mon. Min ɗon toro mo haa on keɓa hikma e faamu fuu haa Ruuhu maako, on paama muuyo maako.

Fulfulde DC Bible

⁹ Ngam maajum minin boo, min accaay toraago Allah ngam mooɗon diga min nani kubar mon. Min ɗon toro mo haa on keɓa hikma e faamu fuu haa Ruuhu maako, on paama muuyo maako.

Kolossi'en 1:9 Iomraidhean Croise

Jabuura 119:99

Mi heɓi hakkiilo ko ɓuri ekkitinooɓe yam fuu, ngam mi ɗon numta seedamkuuji ma.

Jabuura 143:10

An woni Allah am, ekkitinam waɗugo muuyo ma, Ruuhu ma woonanammi, ɗowammi dow laawol darnuŋgol!

Yuhanna 7:17

To goɗɗo yiɗi waɗugo muuyo Allah, o anndan to ekkitinol am iwi haa Allah malla to mi ɗon wolwa ngiɗa am.

Kuuɗe Nelaaɓe 12:5

Nii non ɓe ayniri Piyer nder fursina, ammaa jama'aare nuɗɗinɓe ɗon toro Allah ngam maako bee tiinaare.

Roma'en 12:2

Taa tokke ko yimɓe zamanuuru ndu'u mbaɗata, ammaa acce Allah wayla ɓerɗe mon, hesɗitina hakkiilooji mon. Nden kam on anndan muuyo Allah, waato ko wooɗi e ko fottanta mo e ko woni timmuɗum.

1 Korintu'en 1:5

Nder kawtal bee Almasiihu, Allah hebbini on bee barkaaji fuu. Wolde e anndal fanti haa mooɗon.

Efesu'en 1:8

Allah ɗuuɗɗinani en nde, hokki en hikma e hakkiilo fuu.

Efesu'en 5:10

Tiine heɓtugo ko fottanta Jawmiraawo.

Efesu'en 5:17

Ngam maajum, taa laate faataaɓe, ammaa paame ko woni muuyo Jawmiraawo.

Efesu'en 6:6

Ɗowtane ɓe, naa gite maɓɓe tan haa on ngerdano ɓe, ammaa bana jeyaaɓe Almasiihu, kuuwe muuyo Allah bee ɓerɗe mon fuu.

Filippi'en 1:4

tum mi ɗon do'ano on fuu bee seyo nder do'aaje am fuu,

Kolossi'en 1:6

Kubaruwol ngo'ol yottake haa mooɗon. Ngol ɗon waŋgina nafuuda e ɗon yaaja haa duniyaaru fuu, bana non boo ɗum laati haa mooɗon diga nyannde on nani kubaruwol gooŋga, on paami mo'ere Allah.

Kolossi'en 3:16

Acce wolde Almasiihu jooɗo nder ɓerɗe mooɗon bee risku maare fuu. Ngaajindire bee hikma fuu, ndeentindire. Ngimane Allah bee yettoore nder ɓerɗe mon. Ngimane mo maŋgtooje e gime ɗe Ruuhu maako hokkata.

Kolossi'en 4:12

Epafras hoofni on. Kaŋko boo mo mooɗon, o jaggiiɗo Yeesu Almasiihu. O ɗon torano on tum bee tiinaare, haa on ndaro booɗɗum, on laato timmuɓe, muuyo Allah boo laamano on fakat.

Kolossi'en 4:5

Ngeeɗe nder hikma caka yimɓe ɓe nuɗɗinaay. Naftore wakkati.

1 Tessaloniiki'en 1:3

Min ɗon ciftora no on kuuwrata bee nuɗɗinki, no on tiinori nder yiide e no tammunde mooɗon nder Jawmiraawo meeɗen Yeesu Almasiihu tabitiri.

1 Tessaloniiki'en 5:17

Mbaɗe do'a wakkati fuu.

2 Tessaloniiki'en 1:11

Ngam man min ɗon torano on foroy, ngam haa Allah meeɗen tawa on heƴiiɓe ngam ewnaandu ndu o ewnori on. Bee baawɗe maako, o walla on hebbitingo anniyaaji mooɗon booɗɗi fuu, o timmitina kuugal nuɗɗinki mooɗon fuu boo.

Filemon 1:4

Deerɗam Filemon, koo ndey mi toroto Allah, mi ɗon siftore, mi ɗon yetta mo,

Filemon 1:6

Mi ɗon toro Allah, haa kawtal meeɗen nder nuɗɗinki laatina en nafooɓe bee waɗugo mbooɗeeŋga ngam daliila Almasiihu.

Ibraniŋke'en 10:36

On mari haaje munyal ngam haa on mbaɗa muuyo Allah, on keɓa ko o iinani on.

Ibraniŋke'en 13:21

Allah waawna on waɗugo ko wooɗi fuu ngam haa on mbaɗa muuyo maako. O waɗa nder meeɗen ko fottanta mo, o waɗa ɗum bee Yeesu Almasiihu. Tedduŋgal laatano Almasiihu haa abada abadin. Aamiina!

Yaakuba 1:5

To hikma ŋakkani gooto caka mooɗon, sey o toro Allah dokkanɗo koo moy bee caahaaki e bilaa feloore, o hokkan mo ka.

Yaakuba 3:17

Ammaa hikma iwka diga dow, aran, ka laaɓi saray. Nden ka ɗon wadda jam e sulhu e neɗɗaaku, ka ɗon heewi enɗam, ka ɗon huuwa kuuɗe booɗɗe, ka senndindirtaa yimɓe, ka walaa naafikaare.

1 Piyer 2:15

Ngam ndaa ko woni muuyo Allah: Bee kuuɗe booɗɗe ɗe on kuuwata, on nje'ina faataaɓe wolwanɓe bolle meereeje.

1 Piyer 4:2

Diga jonta, haa luttuɗum balɗe mooɗon haa duniyaaru, sey on njooɗo nder muuyo Allah, naa nder suunooji neɗɗo.

1 Yuhanna 2:17

Duniyaaru bee ko suunete nder maaru fuu caaloto. Ammaa ɗowtantooɗo muuyo Allah yeeɗan haa foroy.

1 Yuhanna 5:20

En anndi boo Ɓiɗɗo Allah wari, hokki en faamu ngam anndugo Allah gooŋgaajo. En ɗon nder kawtal bee Allah gooŋgaajo e bee Ɓiɗɗo mum Yeesu Almasiihu. Kaŋko woni Allah gooŋgaajo e ngeendam nduumiiɗam.

1 Samuyila 12:23

Min boo, taa mi waɗa aybe dow Jawmiraawo, mi acca do'anaago on. Koo yeeso boo mi anndinan on ko foti, ko wooɗi.