Kolossi'en 1:5 - Fulfulde Bible

⁵ daliila tammunde nde Allah resani on haa asamanji anndinaande on diga naane bee Linjiila, kubaruwol gooŋga.

Fulfulde DC Bible

⁵ daliila tammunde nde Allah resani on haa asamanji anndinaande on diga naane bee Linjiila, kubaruwol gooŋga.

Kolossi'en 1:5 Iomraidhean Croise

Jabuura 31:19

Muukɗin fewooɓe ɓe'e, hallinanɓe adiliijo bee elewre e meeriɗinaare!

Luka 12:33

Coorre ko marɗon, caahe ɗum talaka'en, mbaɗane ko'e mooɗon boorooji sigaago ceede ɗi mbonnataako e jawdi ndi re'ataa haa asama: Haa ton gujjo ɓadataako, gilɗi boo mbonnataa ɗum.

Kuuɗe Nelaaɓe 10:36

Allah neldi Isra'iila'en wolde mum, waazini ɓe Linjiila ngaddanka salaaman bee Yeesu Almasiihu, Jawmiraawo yimɓe fuu.

Kuuɗe Nelaaɓe 13:26

Yaa deerɗiraaɓe am, danygol Ibrahiima e yimɓe woɗɓe hulɓe Allah, haa meeɗen Allah neldi habaru kisndam ɗa'am!

Kuuɗe Nelaaɓe 23:6

Nde Pol anndi woɗɓe maɓɓe ɓe Saduki'en, woɗɓe boo Farisa'en, o wolwi nder dawriinde bee sawtu, o wi'i: “Deerɗiraaɓe am! Min mi Farisaajo, ɓii Farisaajo. Ɓe ngulli yam haa ɗo ngam mi woodi tammunde maayɓe ummititto diga maayde!”

Kuuɗe Nelaaɓe 24:15

Min ɗon bee tammunde no Allah ummitinan adili'en e halluɓe fuu diga maayde bana kamɓe boo ɓe ɗon tammoro ɗum.

Roma'en 10:8

Ɗume wolde nde'e wi'i kadi? Ndaa ko nde wi'i: “Wolde Allah ɗon ɓadi ma, nde ɗon nder hunnduko ma e nder ɓernde ma.” Kanjum woni kubaruwol nuɗɗinki ngol min ngaazinta,

1 Korintu'en 13:13

Jonta kam, ndaa kuuje tati ɗon: nuɗɗinki e tammunde e yiide. Ammaa ko ɓuri mawnugo ɗum yiide.

1 Korintu'en 15:19

To nii en tammorake Almasiihu ngam ngeendam jontaajam tan, nden kam en ɓurdan yimɓe fuu yurmaago.

2 Korintu'en 5:19

Ɗum Allah bee hoore muuɗum sulhindiri yimɓe nder duniyaaru bee maako daliila Almasiihu bilaa limango ɓe aybeeji maɓɓe. O halfinani min yeeynugo kubar sulhu man!

2 Korintu'en 6:7

bee waazu gooŋga e bee baawɗe Allah. Min njogi gooŋgaaku bana balmol amin ngam fiyugo konne'en e faddaago ko'e amin.

Galaatiya'en 2:14

Nde ngi'mi ɓe ɗon cela gooŋga Linjiila, mi wi'i Kefas yeeso yimɓe fuu: “An Yahuuduujo maa, a ɗon yeeɗa bana yimɓe ummaatooje ngeeɗirta naa bana Yahuudu'en, koni a yiɗi doolugo yimɓe ummaatooje haa ɓe ngeeɗa bana Yahuudu'en?”

Galaatiya'en 2:5

Ammaa min ɗowtanaaki ɓe sam, ngam haa gooŋga Linjiila tabitana on.

Galaatiya'en 5:5

Minin kam min ɗon tammi Allah adilinan min. Ɗum iwi haa nuɗɗinki, min ɗon ndeena ɗum bee baawɗe Ruuhu.

Efesu'en 1:13

Non boo on nani wolde gooŋga, waato Linjiila kisndam mon, on nuɗɗini mo, Allah boo waɗi on lammba Ruuhu Ceniiɗo mum mo o iinani on.

Efesu'en 4:21

Ɗum Yeesu nanɗon e ɗum ekkitinol maako njaɓɗon, ngam gooŋga ɗon haa maako:

Kolossi'en 1:23

Ammaa sey on tabita e on cemmbiɗa nder nuɗɗinki. Taa on acca koo ɗume sottina on dow tammunde nde keɓɗon haa Linjiila ka on nani. Linjiila ka'a waazinaama tagefooji fuu nder duniyaaru. Min Pol, mi gaazoowo ka.

Kolossi'en 1:27

Ngam o waɗi anniya waŋgingo jeynitaare tedduŋgal sirri man haa yimɓe ummaatooje goɗɗe. Sirri man, ɗum Almasiihu gonɗo nder mooɗon, kaŋko hokki on tammunde heɓugo tedduŋgal haa Allah.

Kolossi'en 3:16

Acce wolde Almasiihu jooɗo nder ɓerɗe mooɗon bee risku maare fuu. Ngaajindire bee hikma fuu, ndeentindire. Ngimane Allah bee yettoore nder ɓerɗe mon. Ngimane mo maŋgtooje e gime ɗe Ruuhu maako hokkata.

1 Tessaloniiki'en 2:13

Min ɗon ngetta Allah tum fahin dow huunde woore: Ngam saa'i min ngaazini on wolde maako, on njaɓaay nde bana wolde neɗɗo, ammaa fakat bana nde Allah. Kayre nden huuwata nder mooɗon, onon nuɗɗinɓe.

2 Tessaloniiki'en 2:16

Jawmiraawo meeɗen Yeesu Almasiihu bee hoore mum e Allah Baabiraawo meeɗen, mo yiɗi en, mo hokki en de'ere duumiinde e tammunde woonde bee mo'ere mum,

1 Timote 1:15

Ndaa wolde hoolniinde, he'iinde jaɓeego bilaa seko: Yeesu Almasiihu wari nder duniyaaru ngam hisnugo hakke'en. Min woni tulluɗo ɓe,

2 Timote 4:8

Jonta keɓal daɗki ɗon reenammi. Jawmiraawo, kiitoowo adiliijo hokkatam woronnde adilaaku nyalaade darŋgal, naa haa am tan, ammaa haa yenwanɓe baŋguki maako fuu.

Titus 1:2

bee tammunde ngeendam nduumiiɗam, mi ɗon winndane Titus, ɓiŋngel am nder nuɗɗinki kawtuki en: Allah Baabiraawo e Yeesu Almasiihu, Kisnoowo men ndokke mo'ere e salaaman. Diga zamanuuji ɓooymaaji Allah mo fewataa iini hokkugo en ngeendam ɗa'am. Nder saa'iire ta'aande boo, Allah Kisnoowo meeɗen waŋgini wolde muuɗum, halfini yam kuugal waazaago nde fodde umroore muuɗum.

Ibraniŋke'en 7:19

Ngam tawreeta Muusa waawaay timmidingo koo ɗume. Jonta en keɓi tammunde ɓurnde mawnugo, kayre ɓadinta en bee Allah.

1 Piyer 2:2

Bana no ɓikkoy keccoy ngiɗiri kosam tum, onon boo ngiɗe wolde Allah gooŋgaare bana non, haa on mawna bee maare, on keɓa kisndam.

1 Piyer 3:15

Ammaa teddine Almasiihu nder ɓerɗe mooɗon ngam o Ceniiɗo, o Jawmiraawo mooɗon. Laate taaskiiɓe koo ndey haa on mbaawa jaabaago koo moy to ƴami on haala tammunde mooɗon.

2 Piyer 1:12

Ngam maajum, tum mi ɗon siftinora on kuuje ɗe'e. Koo to on anndi ɗe, koo to on ndari bee semmbe nder gooŋga ka on njaɓi,

1 Yuhanna 3:3

Koo moy tammake ɗum, laɓɓinan hoore mum bana Yeesu Almasiihu o laaɓɗo.