Kolossi'en 1:28 - Fulfulde Bible

²⁸ Kaŋko min ngaazata haa yimɓe fuu. Min ɗon ndeentina ɓe, min ɗon ngaazina ɓe bee hikma fuu, ngam haa min ndarna koo moy yeeso Allah o timmuɗo nder kawtal bee Almasiihu.

Fulfulde DC Bible

²⁸ Kaŋko min ngaazata haa yimɓe fuu. Min ɗon ndeentina ɓe, min ɗon ngaazina ɓe bee hikma fuu, ngam haa min ndarna koo moy yeeso Allah o timmuɗo nder kawtal bee Almasiihu.

Kolossi'en 1:28 Iomraidhean Croise

Esira 7:25

An boo, Esira, bee hikma ka Allah hokki ma, jo'in hiitooɓe e alkaali'en ngam hiitanaago yimɓe mooɗon haa lesdi hiirnaaŋge maayo Efratis kiita ngooŋɗuka, waato annduɓe umrooje Allah maaɗa fuu. Mo anndaa ɗe boo, sey on anndina mo.

Balndi 8:5

Njaɓe anndal, onon humaki'en, onon faataaɓe boo, keɓe hakkiilo.

Gaazoowo 12:9

Gaazoowo laataaki hikmaajo tan, ammaa o ekkitini boo yimɓe ko o anndi. O foondi, o linyi e o mo'ini balndi ɗuuɗɗi.

Yeremiya 3:15

Mi hokkan on waynaaɓe fottananɓe yam, ɓe ayna on bee hakkiilo e faamu.”

Yeremiya 6:10

Mi ƴami: “Moy mbolwananmi, moy ceedinanmi haa ɓe nana ɗum? Keefeeraaku maɓɓe haɗi ɓe nanugo. Wolde Jawmiraawo laatani ɓe huunde jalnaare, fottantaa ɓe.

Ezekiyel 7:10

Ndaa nyalaade go! Ndaa, nde yottake! Wakkati halkere waɗi! Toonyaare ɗon ɓesdo, mawnitaare ɗon mawna,

Matta 28:20

Ekkitine ɓe haa ɓe tokko ko mi umri on fuu. Min mi ɗon wondi bee mooɗon nyalɗe fuu haa yotto timmuki duniyaaru.”

Matta 3:7

Nde Yuhanna yi'i Farisa'en e Saduki'en ɗuuɗɓe ɗon ngara haa maako ngam o waɗana ɓe baptisma, o wi'i ɓe: “Ɓiɓɓe poosokje, moy wi'i on on kisan tikkere Allah warannde?

Matta 5:48

Laate on timmuɓe, bana Baabiraawo mooɗon mo asama o timmuɗo.”

Markus 6:34

Nde Yeesu jippi koommbowal, o yi'i mooɓre yimɓe ɗuuɗɓe. O yurmini ɓe, ngam ɓe nanndi bee baali ɗi ngalaa gaynaako. O fuɗɗi ekkitingo ɓe kuuje ɗuuɗɗe.

Luka 21:15

Ngam mi hokkan on wolde e hikma, haa konne'en mooɗon mbaawataa waabaago on e dartanaago on.

Kuuɗe Nelaaɓe 10:36

Allah neldi Isra'iila'en wolde mum, waazini ɓe Linjiila ngaddanka salaaman bee Yeesu Almasiihu, Jawmiraawo yimɓe fuu.

Kuuɗe Nelaaɓe 11:20

Ammaa nuɗɗinɓe woɗɓe iwɓe haa Kiprus e Sirene ndilli Antakiya, ɓe ngaazi yimɓe wolwanɓe Yunaniŋkeere, ɓe ngecci ɓe Linjiila Jawmiraawo Yeesu.

Kuuɗe Nelaaɓe 13:38

Sey anndon deerɗiraaɓe, barka maako yaafuye hakkeeji waazinaama on. Koo nde Tawreeta Muusa waawataa adilingo on,

Kuuɗe Nelaaɓe 17:18

Marɓe annde wi'eteeɓe Epikuri'en e Sitoyki'en woɗɓe boo kujjotiri bee maako. Woɗɓe mbi'i: “Ɗume ɗuuɗa-haalaajo oo yiɗi wi'go?” Woɗɓe boo mbi'i: “Teema o ɗon wolwa haala ɗowanteeɓe jananɓe.” Ɓe mbi'i ɗum ngam Pol ɗon waazina Linjiila Yeesu e ummitineeki maayɓe.

Kuuɗe Nelaaɓe 17:3

O ɗon faamtina, o ɗon holla ɓe bee laaɓɗum ko wolde Allah wi'i dow Almasiihu: Sey o yara bone, o ummito diga maayde. Pol wi'i: “Kaŋko woni Almasiihu Yeesu mo mi waazata on.”

Kuuɗe Nelaaɓe 20:31

Ngam maajum ayne! Ciftore no duuɓi tati, jemma bee naaŋge fuu, mi accaay barraago koo moy mooɗon bee gonɗi.

Kuuɗe Nelaaɓe 3:20

o suusɗina ɓerɗe mon, o neldana on Yeesu Almasiihu mo o suɓani on diga ɓooyma.

Kuuɗe Nelaaɓe 5:42

Nyalaade fuu, ɓe ɗon ekkitina e ɓe ɗon ngaazina yimɓe Linjiila Yeesu Almasiihu nder haykaliiru e haa ci'e.

Kuuɗe Nelaaɓe 8:35

Filip fuɗɗi wolwugo dow aayaaje go, o waazini mo Linjiila Yeesu.

Kuuɗe Nelaaɓe 8:5

Filip yehi haa berniwol Samariya, o waazi yimɓe habaru Almasiihu.

Kuuɗe Nelaaɓe 9:20

Ɓaawoɗon o yehi haa cuuɗi dewal Yahuudu'en, o waazi habaru Yeesu. O wi'i: “Yeesu woni Ɓiɗɗo Allah.”

Roma'en 16:25

Tedduŋgal laatano Allah! Kaŋko o woodi baawɗe semmbiɗingo on fodde Linjiila ka ngaazinanmi. Linjiila ɗon anndina haala Yeesu Almasiihu, ka ɗon waŋgina gooŋga Allah sirriiha. Gooŋga man ɗonno suuɗi diga ɓooyma,

1 Korintu'en 1:23

Ammaa enen en ɗon ngeyna kubar Almasiihu ɓilaaɗo haa leggal gaafaaŋgal. Haa Yahuudu'en ɗum laatake daliila fergere maɓɓe, haa ummaatooje goɗɗe boo ɗum laatanake ɓe faataare.

1 Korintu'en 1:30

Daliila maako, onon on kawti bee Yeesu Almasiihu, laatiiɗo hikma meeɗen iwka haa Allah. Bee maako en keɓi adilaaku e senaare e ndimu.

1 Korintu'en 12:8

Goɗɗo feere Ruuhu ɗon hokka ɗum dokkal wolwugo bee hikma, goɗɗo boo ɗon heɓa diga Ruuhu man dokkal wolwugo bee anndal.

1 Korintu'en 15:12

Min ɗon ngaazina Almasiihu ummitake diga maayde. Noy woɗɓe mooɗon mbi'rata maayɓe ummitittaako?

1 Korintu'en 2:15

Keɓɗo Ruuhu Allah ɗon faama koo ɗume fuu, ammaa kaŋko bee hoore maako, walaa paamanɗo mo.

1 Korintu'en 2:6

Bee non fuu min ɗon ngaazina hikma haa nuɗɗinɓe timmuɓe. Hikma ka'a laataaki ka zamanuuru ndu'u malla ka mawɓe zamanuuru ndu'u, ngam baawɗe maɓɓe tammi nattineego.

1 Korintu'en 4:14

Mi winndani on ɗum naa ngam haa mi semtina on, ammaa ngam mi reentina on ngam on laatake ɓikkoy am ngiɗaakoy.

2 Korintu'en 10:14

Nde min njotti haa mooɗon, min caalaaki keerol ngo'ol. Ngam fakat minin aarti yottaago haa mooɗon bee Linjiila Almasiihu.

2 Korintu'en 11:2

Mi yiɗi on bee yiide haajunde, iwnde haa Allah. Mi haɓɓani on bana paanyo debbo haa gorko gooto tan, waato Almasiihu. Mi yiɗi mi yahra on bana paanyo debbo laaɓɗo yeeso maako.

2 Korintu'en 4:5

Min ngaazintaa haala ko'e amin, ammaa ɗum Jawmiraawo meeɗen Yeesu Almasiihu min ngaazinta. Minin kam min huuwanooɓe on ngam daliila Yeesu.

Efesu'en 3:8

min laatiiɗo ɓaawoojo ɓaawo'en caka senaaɓe fuu. Ammaa Allah mo'ani yam, halfini yam waazu Linjiila haa ummaatooje, haa mi anndina ɗe jeynitaare Almasiihu ɗuuɗnde nde heɓtataake sam,

Efesu'en 5:27

haa o darna jama'aare marnde tedduŋgal nde'e yeeso maako bilaa batte malla nyodi e ko nanndi, ammaa nde seniinde, bilaa aybe.

Tooktaaki Tawreeta 4:5

“Ndaa, mi ekkitini on farillaaji e kiitaaji, fodde ko Jawmiraawo, Allah am umri yam. Ɗowtane ɗi nder lesdi ndi ɓadiiɗon nastugo ngam maron ɗum.

Kolossi'en 1:22

Ammaa jonta, o sulhindiri on bee hoore maako bee maayde Ɓiɗɗo maako mo laati neɗɗo haa o darna on yeeso maako on senaaɓe, on ngalaa aybe, on ngalaa feloore.

Kolossi'en 2:10

To on kawti bee Almasiihu, ko woni nder maako fuu ɗon nder mooɗon boo. O hooreejo dow mawɓe asama e marɓe laamu fuu.

Kolossi'en 2:3

Haa maako hikma e anndal fuu ɗon cuuɗi.

Kolossi'en 3:16

Acce wolde Almasiihu jooɗo nder ɓerɗe mooɗon bee risku maare fuu. Ngaajindire bee hikma fuu, ndeentindire. Ngimane Allah bee yettoore nder ɓerɗe mon. Ngimane mo maŋgtooje e gime ɗe Ruuhu maako hokkata.

Kolossi'en 4:12

Epafras hoofni on. Kaŋko boo mo mooɗon, o jaggiiɗo Yeesu Almasiihu. O ɗon torano on tum bee tiinaare, haa on ndaro booɗɗum, on laato timmuɓe, muuyo Allah boo laamano on fakat.

1 Tessaloniiki'en 4:6

Taa koo moy waɗana deerɗum aybe dow haala ka'a, taa o toskina mo. Min mbi'i on ɗum diga ɓooyma, min ndeentini on boo: Jawmiraawo hiitoto ɗum fuu.

1 Timote 3:16

Fakat, baŋginki sirri nuɗɗinki meeɗen mawni: O waŋgi bee ɓanndu neɗɗo, Ruuhu gooŋɗini mo. Malaa'ika'en ngi'i mo. Ummaatooje ngaazinaama kubar maako. Yimɓe duniyaaru nuɗɗini mo, o eeŋginaama nder tedduŋgal haa asama.

1 Timote 3:2

Ngam maajum, sey ardiiɗo wona goɗɗo mo walaa feloore, marɗo debbo gooto, naŋgtiiɗo, kakkilɗo, ne'iiɗo, beernoowo hoɗɓe, baawɗo ekkitingo.

Ibraniŋke'en 10:14

Ngam o lii'i ɓanndu maako nde woore, o timmidini laɓɓingo yimɓe ɓe o seni haa foroy.

Ibraniŋke'en 13:21

Allah waawna on waɗugo ko wooɗi fuu ngam haa on mbaɗa muuyo maako. O waɗa nder meeɗen ko fottanta mo, o waɗa ɗum bee Yeesu Almasiihu. Tedduŋgal laatano Almasiihu haa abada abadin. Aamiina!

2 Piyer 3:15

Paame no munyal Jawmiraawo meeɗen heɓani on laawol hisugo. Pol, deerɗiraawo meeɗen giɗaaɗo, winndani on haala ka'a fodde hikma ka Allah hokki mo.