Kolossi'en 1:16 - Fulfulde Bible

¹⁶ Ngam bee maako Allah tagri kuuje fuu haa asama e dow lesdi, ko yi'ete e ko yi'ataake boo, baawɗeeji e jawmiraaɓe e mawɓe asama e marɓe laamu. Allah tagri kuuje fuu bee Almasiihu, o tagi ɗe boo ngam maako.

Fulfulde DC Bible

¹⁶ Ngam bee maako Allah tagri kuuje fuu haa asama e dow lesdi, ko yi'ete e ko yi'ataake boo, baawɗeeji e jawmiraaɓe e mawɓe asama e marɓe laamu. Allah tagri kuuje fuu bee Almasiihu, o tagi ɗe boo ngam maako.

Kolossi'en 1:16 Iomraidhean Croise

1 Habaruuji Nyalaaɗe 29:11

Yaa Jawmiraawo, an mari maŋngu e baawɗe e tedduŋgal e daraja e ɗelko, ngam an mari ko woni nder asama e lesdi fuu. Yaa Jawmiraawo, an mari laamu, a ɓaŋiiɗo dow koo ɗume fuu.

Nehemiya 9:6

An feere ma woni Jawmiraawo. An waɗi asama, asamaawu ɓurŋgu towugo bee jama'aare maagu fuu. A waɗi lesdi e ko woni dow maari, non boo beeli e ko woni nder maaji. An hokki tagle fuu yoŋki, jama'aare asama ɗon sujidane.

Balndi 16:4

Jawmiraawo ɗon waɗa koo ɗume fuu dow daliila, o waɗi kalluɗo boo ngam nyalaade sarru.

Esaaya 43:21

Ummaatoore nde mbaɗmi ɗum ngam hoore am anndinan maŋgtoore am.

Esaaya 44:24

Ndaa nii Jawmiraawo, coottoowo ma, tagɗo ma nder reedu daada ma wi'i: “Min woni Jawmiraawo, baɗoowo koo ɗume fuu. Min feere am mi we'iti asamanji. Saa'i mi we'iti lesdi, moy wonduno bee am?

Yuhanna 1:10

Wolde man ɗonno nder duniyaaru, Allah tagri duniyaaru bee maare, ammaa duniyaaru annditaay nde.

Yuhanna 1:3

Allah tagri koo ɗume fuu bee maare, walaa ko taga bilaa maare.

Roma'en 11:36

Allah tagi kuuje fuu. Haa maako ɗe iwi, ɗe ɗon ngam maako. Tedduŋgal laatano mo haa foroy. Aamiina!

Roma'en 8:38

Ngam mi anndi fakat, walaa ko senndata en bee yiide maako, koo maayde, koo ngeendam, koo malaa'ika'en, koo baawɗeeji goɗɗi, koo jontaajum, koo garanɗum, koo baawɗe

Roma'en 9:5

Ɓe danygol kaakiraaɓe aartuɓe, koo Almasiihu boo iwi diga asŋgol maɓɓe, o Allah gonɗo dow koo ɗume fuu boo. Yettoore laatano mo haa foroy. Aamiina!

1 Korintu'en 8:6

Bee non fuu, ngam meeɗen kam woodi Allah gooto tan, Baabiraawo, mo tagi kuuje fuu, daliila maako boo ngeeɗeten. Non boo Jawmiraawo gooto tan, Yeesu Almasiihu. Diga maako kuuje fuu iwi, enen boo, diga maako iwɗen.

Efesu'en 1:10

haa o hiɓɓina ɗum nder saa'iire fottannde, o hawta kuuje gonɗe nder asama e dow lesdi fuu dow ardaaŋgal Almasiihu.

Efesu'en 6:12

Ngam en kaɓataa bee yimɓe, ammaa bee mawɓe asama e marɓe laamu, bee marɓe baawɗe dow duniyaaru nyiɓɓundu ndu'u, bee ruuhuuji kalluɗi gonɗi nder asamanji.

Tooktaaki Tawreeta 4:39

Anndite hannde! Taa ngejjite ɗu'um: Jawmiraawo woni Allah haa asama e dow lesdi. Walaa Allah feere sam.

Filippi'en 2:10

Nden kam bee innde Yeesu koo moy nder asama e dow lesdi e les lesdi koofo yeeso maako

Kolossi'en 1:15

Kaŋko woni jaati Allah mo yi'ataake, o ɓurduɗo tagle fuu.

Kolossi'en 1:20

haa o sulhindira tagefooji dow lesdi e haa asama bee maako ɓaawo tabitinki salaaman bee ƴiiƴam Ɓiɗɗo maako ndufaaɗam dow leggal gaafaaŋgal.

Kolossi'en 2:10

To on kawti bee Almasiihu, ko woni nder maako fuu ɗon nder mooɗon boo. O hooreejo dow mawɓe asama e marɓe laamu fuu.

Kolossi'en 2:15

Bee maagal, o ɓortiri mawɓe asama e marɓe laamu fuu, o semtini ɓe yeeso yimɓe fuu, o yahri ɓe, ɓe haɓɓaaɓe nder juulde jaalorgal maako.

Ibraniŋke'en 1:2

Ammaa nder balɗe ragareeje ɗe'e, o wolwani en bee hunnduko Ɓiɗɗomuuɗum. Bee maako Allah tagri koo ɗume fuu, o waɗi mo donoowo kuuje fuu.

Ibraniŋke'en 2:10

Allah woni Jawmiraawo kuuje fuu. Bilaa maako, walaa ko daroto. Ngam maajum ɗum fottani mo o laatina Yeesu timmididɗo bee yarugo bone ngam o yahra ɓiɓɓe ɗuuɗɓe haa tedduŋgal maako. Ngam Yeesu yahrata ɓe haa kisndam.

1 Piyer 3:22

mo eeŋgi haa asama, jooɗi haa nyaamo Allah. O ɗon laamano malaa'ika'en e marɓe laamu e marɓe baawɗe.