Kolossi'en 1:10 - Fulfulde Bible

¹⁰ Nden kam on mbaawan yeeɗugo ngeendam pottananɗam Jawmiraawo tum, kuuɗe mon booɗɗe fuu mbaŋginan nafuuda, on ɓesdoto anndugo Allah boo,

Fulfulde DC Bible

¹⁰ Nden kam on mbaawan yeeɗugo ngeendam pottananɗam Jawmiraawo tum, kuuɗe mon booɗɗe fuu mbaŋginan nafuuda, on ɓesdoto anndugo Allah boo,

Kolossi'en 1:10 Iomraidhean Croise

Balndi 16:7

To laabi goɗɗo pottani Jawmiraawo, o sulhindiran mo koo bee konne'en maako.

Esaaya 53:11

Daliila torraaji ɗi o yari, o heɓan seyo fahin, o anndan o torraaki meere. Kaŋko woni suka am adiliijo. O roondi aybeeji ɗuuɗɓe, bana nii o adilinan ɓe.

Daniyel 12:4

Daniyel, taa yeccu koo moy bolle ɗe'e, takku deftere nde'e haa wakkati timmoode wara. Ɗuuɗɓe ɗaɓɓan faamugo ko laatoto e faamu ɓesdoto.”

Mika 4:5

Ummaatoore koo ndeye fuu ɗon tokko ɗowanteeɗo muuɗum. Ammaa enen, en tokkoto Jawmiraawo Allah meeɗen haa abada abadin!

Habakuk 2:14

Ngam duniyaaru heewan anndal tedduŋgal Jawmiraawo, bana ndiyam heewri mbeela.

Yuhanna 15:16

Naa onon cuɓi yam, ammaa min suɓi on. Mi suɓi on, mi yowani on kuugal, ngam haa on njaha, on mbaɗa nafuuda, nafuuda mooɗon boo tabita, ngam haa ko on ƴamata haa Baabiraawo bee innde am fuu, o hokka on ɗum.

Yuhanna 15:8

Ndaa ko teddinta Baabiraawo am: On mbaɗa nafuuda ɗuuɗka, on laato pukara'en am.

Yuhanna 17:3

Ndaa ko woni ngeendam nduumiiɗam: Ɓe annda an woni Allah gooto, gooŋgaajo, ɓe annda boo Yeesu Almasiihu, nelaaɗo ma.

Roma'en 1:13

Deerɗiraaɓe am, annde mi waɗi anniya nde ɗuuɗɗum yahugo haa mooɗon ammaa haa jonta mi heɓaay yahugo tawon. Mi ɗon yelo nii kuugal am waɗa nafuuda caka mooɗon boo, bana ko laati haa ummaatooje goɗɗe nder duniyaaru.

Roma'en 4:12

O laati baaba juulniiɓe fuu. Ammaa naa juulniiɓe fuu ngoni ɓiɓɓe Ibrahiima, sey tokkiiɓe nuɗɗinki maako diga o juulnaakino.

Roma'en 6:4

Nder baptisma en uwdaama bee maako. Nden bana kaŋko o ummiti diga maayde bee baawɗe Allah tedduɗe, bana non enen boo ngeeɗirten ngeendam kesam.

2 Korintu'en 2:14

Yettoore laatano Allah, ngam barka Almasiihu o ɗon yahra min foroy nder jahaaŋgal jaaliiɗo. O ɗon huuwtinira min ngam anndingo kubar maako koo toy, bana uurdi ndi uureeŋgol mum ɗon saŋkito koo toy.

2 Korintu'en 4:6

Ngam Allah mo wi'no: “Sey annoora yayna nder nyiɓre”, acci annoora mum yayna nder ɓerɗe amin boo, ngam haa min annda tedduŋgal maako jaynanŋgal dow yeeso Almasiihu.

2 Korintu'en 5:9

Ammaa ko min ɓuri yiɗugo kam, koo to min ɗon nder ɓalli ɗi'i malla koo to min acci ɗi, min pottana mo.

2 Korintu'en 9:8

Allah waawan ɗuɗɗinango on mo'e fuu. On maran ko hiɓɓinta haaje mooɗon tum. Bana nii on keɓan huuwugo kuuɗe booɗɗe koo ɗeye,

Efesu'en 1:17

mi ɗon toro Allah, mo Yeesu Almasiihu Jawmiraawo men, Baaba tedduŋgal, hokka on hikma e waŋginana on gooŋga bee Ruuhu mum haa anndon mo.

Efesu'en 2:10

Ngam Allah bee hoore mum tagi en. O tagi en nder Yeesu Almasiihu haa en kuuwa kuuɗe booɗɗe. Kanje boo, Allah aarti taaskitini ɗe haa en kuuwa ɗe.

Efesu'en 4:1

Mi ɗon wasa on, min, kaɓɓaaɗo ngam daliila Jawmiraawo: Ngeeɗe fodde ko fottanta ewnaandu ndu Allah ewnori on.

Efesu'en 4:13

haa to en fuu en kawriti bee nuɗɗinki gooti e anndal Ɓiɗɗo Allah gootal, en mawni bana goɗɗo mawɗo, en njotto darnde Almasiihu timmunde,

Efesu'en 5:10

Tiine heɓtugo ko fottanta Jawmiraawo.

Efesu'en 5:15

Ngam maajum kakkilane yahdu mon booɗɗum, ngam taa on laato faataaɓe, ammaa hikma'en.

Efesu'en 5:2

Ngeeɗe nder yiide bana no Almasiihu yiɗiri en, o hokki yoŋki maako ngam meeɗen. O lii'ani ki Allah bana kirsaaɗum, bana dokkal marŋgal uureeŋgol belŋgol.

Filippi'en 1:11

on heewɓe nafuuda kuuɗe adiliije barka Almasiihu ngam teddinki Allah e maŋgtoore mum.

Filippi'en 1:27

Tan nii ngeeɗe fodde ko haandani Linjiila Almasiihu. Koo mi heɓan wargo haa mooɗon, mi yi'a on, koo mi heɓataa boo, sey mi tawa, on ɗon tabiti dow hakkiilo wooto, on ɗon kaɓda hawtaade ngam gooŋga Linjiila bee ɓernde woore.

Filippi'en 4:18

Mi heɓi dokkal ngal nelduɗon bee juŋngo Epafrodit. Mi heɓi ko mi mari haaje fuu, haa ɗum ɓuri haaje am, mi ɗon nder jeynitaare. Ɗum laati bana dokkal uurdi mbelndi, kirsaaɗum ko Allah seyorto, yerdoto.

Kolossi'en 2:19

Ɓe acci ɗakkotirgo bee Almasiihu, mo laati hoore ɓanndu muuɗum, waato jama'aare nuɗɗinɓe mo. Ngam daliila hoore man, ɓanndu fuu ɗon heɓa ko ndu mari haaje, ɗon hawti bee jokke e ɗaɗi, ɗon mawna bana Allah muuyi.

Kolossi'en 2:6

Nde nii on njaɓi Jawmiraawo Yeesu Almasiihu, tokke yeeɗugo nder kawtal bee maako.

Kolossi'en 3:20

Onon ɓikkoy, ɗowtane saaro'en mon nder koo ɗume fuu, ngam ɗum pottuɗum yeeso Jawmiraawo.

Kolossi'en 4:5

Ngeeɗe nder hikma caka yimɓe ɓe nuɗɗinaay. Naftore wakkati.

1 Tessaloniiki'en 2:12

Min cemmbiɗini on, min tiɗɗini on, min umri on ngam haa on ngeeɗa fodde ngeendam ɗam fottanta Allah, mo ewni on haa on nasta laamu muuɗum e tedduŋgal muuɗum.

1 Tessaloniiki'en 4:1

Ko lutti wi'ugo on, onon deerɗiraaɓe, min ɗon toro on, min ɗon tiɗɗina on bee innde Jawmiraawo meeɗen Yeesu: Nde on ekkitake haa amin no on njooɗorto, haa on pottana Allah, bana non mbaɗoton boo, ɓesde waɗugo ɗum yeeso yeeso.

2 Timote 2:4

Walaa soojeejo suklanto kuuje goɗɗe, ngam o yiɗi jaagorɗo maako yerdo mo.

Titus 3:1

Siftinor nuɗɗinɓe ɓe leestana ardiiɓe e marɓe baawɗe, ɓe nanana ɓe, ɓe taaskano kuugal booɗŋgal koo ngale.

Titus 3:14

Yimɓe meeɗen, kamɓe boo sey ɓe ekkito tiinaago huuwugo kuuɗe booɗɗe, ɓe mballa ɓe to haajeeji juhanake ɓe, ngam haa ngeendam maɓɓe waŋgina nafuuda.

Ibraniŋke'en 11:5

Bee nuɗɗinki, Anuhu eeŋginaama, o maayaay. Walaa mo tawi mo, ngam Allah eeŋgini mo. Deftere wi'i, diga o eeŋginaaka, o heɓi yerduye Allah ngam o fottani mo.

Ibraniŋke'en 13:16

Taa ngejjite waɗugo mbooɗeeŋga. Mballindire ngam kanjum woni kirseteeɗum ɗum Allah yerdoto.

Ibraniŋke'en 13:21

Allah waawna on waɗugo ko wooɗi fuu ngam haa on mbaɗa muuyo maako. O waɗa nder meeɗen ko fottanta mo, o waɗa ɗum bee Yeesu Almasiihu. Tedduŋgal laatano Almasiihu haa abada abadin. Aamiina!

2 Piyer 1:8

To kuuje ɗe'e ɗon nder mooɗon, to ɗe ɗon ɓesda, ɗe laatinan on tiiɗɓe haa on njaha yeeso, on ɓesda anndugo Jawmiraawo men Yeesu Almasiihu.

2 Piyer 3:18

Ammaa mawne nder mo'ere e anndal Jawmiraawo e Kisnoowo meeɗen Yeesu Almasiihu. Tedduŋgal laatano mo diga jonta haa foroy. Aamiina!

1 Yuhanna 3:22

en keɓan haa maako ko en toroto mo fuu, ngam en ɗon ɗowtano umrooje maako, en ɗon mbaɗa ko fottani mo.

1 Yuhanna 5:20

En anndi boo Ɓiɗɗo Allah wari, hokki en faamu ngam anndugo Allah gooŋgaajo. En ɗon nder kawtal bee Allah gooŋgaajo e bee Ɓiɗɗo mum Yeesu Almasiihu. Kaŋko woni Allah gooŋgaajo e ngeendam nduumiiɗam.

3 Yuhanna 1:6

Kamɓe ceedi haala yiide maaɗa yeeso jama'aare nuɗɗinɓe. Ɗum wooɗan to a walli ɓe dow haaje jahaaŋgal maɓɓe bana ko fottanta Allah.