Ibraniŋke'en 9:27 - Fulfulde Bible

²⁷ Koo moy fuu maayan nde woore, ɓaawoɗon Allah hiitoto ɗum.

Fulfulde DC Bible

²⁷ Koo moy fuu maayan nde woore, ɓaawoɗon Allah hiitoto ɗum.

Ibraniŋke'en 9:27 Iomraidhean Croise

Laataanooji 3:19

Bee wulweende yeeso maaɗa nyaamrata nyaamdu ma, haa to a lortake haa mbulwuldi, ngam haa maari a hoo'a. An a mbulwuldi, haa mbulwuldi boo lorotoɗa!”

2 Samuyila 14:14

Enen fuu en maayan fakat. En ɗon nanndi bee ndiyam ndufaaɗam haa lesdi, goɗɗo waawataa mooɓtugo ɗam fahin. Ammaa Allah yiɗaa halkugo yoŋki. Ngam maajum o waɗi anniya ngam taa ɓiya daayo e maako haa foroy.

Ayuba 14:5

Ndaa, a ta'ani neɗɗo nyalɗe mum, lebbi maako limaaɗi, an waɗi ɗum, o waawataa ƴaɓɓaago keerol man.

Ayuba 19:25

Mi anndi laaɓɗum, coottoowo yam o geeto, haa timmoode o daroto dow lesdi.

Ayuba 30:23

Mi anndi a ɗon yahrammi haa maayde, haa nokkuure nde marɓe yoŋki fuu mooɓoyto.

Jabuura 89:48

Yaa Jawmiraawo, siftor no balɗe am ndammiri, a tagi ɓiɓɓe Aadama fuu bana huunde meere.

Gaazoowo 11:9

An suka, seyora sukaaku ma. Seynu ɓernde ma wakkati sukaaku ma. Waɗ ko ɓernde ma e gite ma ngiɗi fuu. Ammaa anndu, ngam kuuje ɗe'e fuu Allah hiitete.

Gaazoowo 12:14

ngam Allah hiitoto kuuɗe men fuu, koo booɗɗe koo kalluɗe, koo sirriije fuu boo.

Gaazoowo 12:7

Mbulwuldi loroto haa lesdi haa ndi wonno, poofɗe ngeendam loroto haa Allah mo hokki ɗe.

Gaazoowo 3:2

Saa'iire ngam danyeego e saa'iire ngam maayugo, saa'iire ngam jubaago e saa'iire ngam ɗoofugo ko juba,

Gaazoowo 3:20

Koo ɗume fuu ɗon yaha nokkuure woore. Koo ɗume fuu iwi haa mbulwuldi, koo ɗume fuu ɗon loro haa mbulwuldi boo.

Gaazoowo 9:10

Huuw bee semmbe ko juŋngo ma heɓi huuwugo fuu. Ngam walaa kuugal, koo numo, koo anndal, koo hikma haa joonde maayɓe haa njahata.

Gaazoowo 9:5

Ngam yeeɗɓe anndi ɓe maayan, ammaa maayɓe anndaa koo ɗume. Mbarjaari maɓɓe timmi, yimɓe fuu ngejjiti ɓe.

Luka 20:32

Ragare man boo debbo maayi.

Kuuɗe Nelaaɓe 17:31

Ngam o darni nyannde nde o hiitorto duniyaaru fuu bee adilaaku, bee goɗɗo mo o suɓi. O gooŋɗiniri ɗum yeeso yimɓe fuu bee ummitingo mo diga maayde.”

Roma'en 2:5

Ammaa hoore ma saati, ɓernde ma sali boo tuubugo. Ngam maajum, a ɗon tokko fooɗango hoore ma tikkere Allah ɓurnde saatugo nyalaade darŋgal, nyalaade man Allah waŋginan tikkere mum e kiita mum ngooŋɗuka.

Roma'en 5:12

Hakke nasti duniyaaru daliila neɗɗo gooto. Hakke man waddi maayde. Ngam maajum yimɓe fuu ɗon maaya, ngam ɓe mbaɗi hakke.

1 Korintu'en 4:5

Ngam maajum taa kiite koo ɗume diga saa'i man siwaa. Munye haa Jawmiraawo wara, mo waŋginta nder laaɓɗum ko suuɗi nder nyiɓre. O waŋginan boo nufayeeje nyukkiiɗe nder ɓerɗe yimɓe. Nden kadi koo moy heɓan manoore mum bana no fottanta Allah.

2 Korintu'en 5:10

Ngam fakat en fuu en ndaroyan yeeso leeso kiita Almasiihu. Nden koo moy meeɗen heɓan mbarjaari deydey kuuɗe mum: Koo booɗɗe koo kalluɗe ɗe o huuwi wakkati o ɗon nder ɓanndu ndu'u.

2 Timote 4:1

Mi ɗon hunne yeeso Allah e Yeesu Almasiihu mo hiitoto maayɓe e yeeɗɓe fuu, barka loraaki e laamu muuɗum:

Ibraniŋke'en 10:27

Kiita Allah kulniika e yiite wulanŋge jaw ɗon taaski wulugo dartantooɓe mo!

Ibraniŋke'en 6:2

e ekkitingo baptismaaji e wallingo juuɗe e ummitineeki maayɓe e kiita nduumiika.

1 Yuhanna 4:17

To en ɗon bee yiide timmunde, en keɓan hoolɗinaare nyalaade kiita, bana no o wa'i, non ngoneten nder duniyaaru boo.

Yahuuda 1:15

ngam o hiito yimɓe fuu. O hiitoto hakke'en, yedduɓe Allah fuu fodde kuuɗe maɓɓe kalluɗe fuu, o hiitoto ɓe ngam bolle maɓɓe elewɗe ɗe ɓe mbolwi dow maako fuu!”

Wahayu Yuhanna 20:11

Nden mi yi'i leeso laamu maŋngo raneewo e jooɗiiɗo dow maago. Lesdi e asama ndoggi yeeso maako, meetaay yi'eego.