Ibraniŋke'en 9:26 - Fulfulde Bible

²⁶ To o waɗino non, diga fuɗɗam tageeki duniyaaru o torrotono nde ɗuuɗɗum. Ammaa o waŋgi jonta haa timmoode zamanuuji fuu, o waŋgi nde woore tan ngam foroy, ngam haa o itta hakkeeji bee lii'anaago Allah yoŋki maako.

Fulfulde DC Bible

²⁶ To o waɗino non, diga fuɗɗam tageeki duniyaaru o torrotono nde ɗuuɗɗum. Ammaa o waŋgi jonta haa timmoode zamanuuji fuu, o waŋgi nde woore tan ngam foroy, ngam haa o itta hakkeeji bee lii'anaago Allah yoŋki maako.

Ibraniŋke'en 9:26 Iomraidhean Croise

2 Samuyila 12:13

Daawuda wi'i Natan: “Mi waɗi aybe haa Jawmiraawo.” Natan jaabi mo: “Jawmiraawo yaafi aybe ma, a maayataa.

2 Samuyila 24:10

Nde Daawuda timmini limugo yimɓe, ɓernde muuɗum ta'i, o annditi o waɗi hakke. O tori Jawmiraawo, o wi'i: “Mi waɗi hakke masin bee waɗugo ɗum. Ammaa jonta, yaa Jawmiraawo, yaafa aybe maccuɗo ma, ngam mi waɗi faataare mawnde.”

Ayuba 7:21

A sali yaafaago aybeeji am. Ngam ɗume a ittataa hakke am? Neeɓataa mi waaloto nder lesdi boo. A ɗaɓɓatam, ammaa mi tawataake fahin.

Jabuura 103:12

Bana fuunaaŋge daayori hiirnaaŋge, bana non o daaynirta hakkeeji men e tuurtolji men.

Esaaya 2:2

Haa nyalɗe ragareeje, Jawmiraawo tabitinan hooseere haykaliiru mum, nde towtan dow geereeje kooseeje, nde ɓaŋgoto dow towndiije. Nden jama'aaje fuu tokkoto wargo haa maare.

Daniyel 10:14

Mi wari jonta ngam faamtingo ma ko heɓata ummaatoore ma yeeso ɗo ngam woodi boo wahayu ngam nyalɗe garanɗe ɗe'e.”

Daniyel 9:24

Allah ta'ani ummaatoore ma e berniwol ma ceniiŋgol duuɓi cappanɗe joweeɗiɗi nde joweeɗiɗi, haa o haɗa tuurtol, o itta hakke, o hefa aybe, o tabitina adilaaku nduumiiŋgu, o waɗa lammba dow wahayu e annabaaku, o moyta ɓurɗo senaago.

Mika 4:1

Haa nyalɗe ragareeje, Jawmiraawo tabitinan hooseere haykaliiru mum, nde towtan dow geereeje kooseeje, nde ɓaŋgoto dow towndiije. Nden ummaatooje fuu tokkoto wargo haa maare.

Matta 13:39

Ganyo mo saaki ɗe boo, ɗum Sayɗaanu, saa'i codol ɗum timmuki duniyaaru, sodooɓe boo ɗum malaa'ika'en.

Matta 13:40

Bana ɓe mooɓtirta geene, ɓe ngula ɗe bee yiite, bana non ɗum laatoto haa timmuki duniyaaru boo.

Matta 25:34

Nden laamiiɗo wi'an wonɓe haa nyaamo muuɗum: Ngare, onon barkiɗinaaɓe Baabiraawo am, ndone laamu taaskitinaaŋgu ngam mooɗon diga tageeki duniyaaru.

Yuhanna 1:29

Jaŋngo man Yuhanna yi'i Yeesu ɗon wara haa maako, o wi'i: “Ndaa jawgel Allah ittanŋgel hakkeeji duniyaaru.

Yuhanna 17:24

Yaa Baabiraawo, yimɓe ɓe a hokki yam, mi yiɗi ɓe ngonda bee am haa ngonanmi, ngam haa ɓe ngi'a tedduŋgal am ngal a hokki yam, ngam a yiɗi yam diga duniyaaru tagaakano tawon.

1 Korintu'en 10:11

Masiibooji ɗi'i fuu ngarani ɓe ngam faamtingo woɗɓe. Ɗi mbinndaama ngam reentingo en enen yeeɗanɓe haa timmoode zamanuuji.

Galaatiya'en 4:1

Ndaa ko ngiɗmi wi'go: Yaake donoowo o ɓiŋngel tawon, walaa ko feerotirta mo bee maccuɗo, koo to o jawmu kuuje fuu.

Efesu'en 1:10

haa o hiɓɓina ɗum nder saa'iire fottannde, o hawta kuuje gonɗe nder asama e dow lesdi fuu dow ardaaŋgal Almasiihu.

Efesu'en 5:2

Ngeeɗe nder yiide bana no Almasiihu yiɗiri en, o hokki yoŋki maako ngam meeɗen. O lii'ani ki Allah bana kirsaaɗum, bana dokkal marŋgal uureeŋgol belŋgol.

Titus 2:14

Kaŋko o hokki yoŋki maako ngam meeɗen ngam haa o sootta en diga halleende fuu, o laɓɓini en haa en laato ummaatoore maako suɓaande, tiinotooɓe huuwugo kuuɗe booɗɗe.

Ibraniŋke'en 1:2

Ammaa nder balɗe ragareeje ɗe'e, o wolwani en bee hunnduko Ɓiɗɗomuuɗum. Bee maako Allah tagri koo ɗume fuu, o waɗi mo donoowo kuuje fuu.

Ibraniŋke'en 10:10

Yeesu waɗi muuyo Allah, ngam maajum en laɓɓinaama diga hakkeeji ngam Yeesu Almasiihu lii'ani Allah ɓanndu mum, o waɗi nde woore, ɗum he'i haa foroy.

Ibraniŋke'en 10:12

Ammaa Almasiihu lii'i ɓanndu mum nde woore ngam hakkeeji, ɗum he'i haa foroy. Ɓaawoɗon o jooɗi haa juŋngo Allah nyaamo ngam foroy.

Ibraniŋke'en 10:26

Ngam to en ɗon mbaɗa hakke bee anniya ɓaawo anndugo gooŋga, walaa kirseteeɗum waawata ittugo hakke meeɗen fahin.

Ibraniŋke'en 10:4

Ngam ƴiiƴam ga'i e jawɗi be'i mbaawataa ittugo hakkeeji.

Ibraniŋke'en 4:3

Ammaa enen en nuɗɗini, ngam maajum en nastan siwtaare Allah, bana ko o wi'i: “Nder ɓernuki am mi huni: Fakat ɓe nastataa siwtaare am sam!” Kuuɗe Allah fuu, o timmini ɗe diga tageeki duniyaaru.

Ibraniŋke'en 7:27

O walaa haaje hokkugo kirseteeɗi balɗe fuu bana hoore'en liman'en, aran ngam hakkeeji maako, nden ngam hakkeeji yimɓe. Ammaa o waɗi ɗum nde woore tan bee lii'ugo hoore maako, ɗum he'i haa foroy.

Ibraniŋke'en 9:12

Almasiihu nasti nde woore nder laymaaru, ɗum he'i haa foroy. O nastaay bee ƴiiƴam jawɗi be'i e ga'i, ammaa bee ƴiiƴam maako. Bana nii o heɓrani en coottaari duumiindi.

Ibraniŋke'en 9:14

nde non kam, ƴiiƴam Almasiihu ɓuran nafugo piw. Bee baawɗe Ruuhu duumiiɗo o hokkiri yoŋki maako haa Allah bana njawdiri ndi walaa aybe koo seɗɗa. Ƴiiƴam maako laɓɓinan numo-ɓerɗe meeɗen, wilan kuuɗe ɗe njahrata en haa maayde, ngam en njaggano Allah geeto.

1 Piyer 1:20

Allah suɓi mo diga duniyaaru tagaaka tawon, o waŋgini mo haa mooɗon nder balɗe ragareeje ɗe'e.

1 Piyer 2:24

Almasiihu bee hoore muuɗum roondi hakkeeji meeɗen haa ɓanndu muuɗum dow leggal, ngam haa en laato maayɓe heedi hakke, ammaa yeeɗɓe heedi adilaaku. Daliila kuuduuje maako en kurgaama.

1 Piyer 3:18

Ngam Almasiihu bee hoore muuɗum maayi nde woore ngam hakkeeji yimɓe, nafuuda man jinnataa haa foroy. O walaa hakke, ammaa o maayi ngam marɓe hakke, ngam o yahra on haa Allah. Yimɓe mbari mo, ammaa Ruuhu Ceniiɗo yeeɗitini mo.

1 Piyer 4:7

Ragare kuuje fuu ɓadake. Kakkile, naŋgte ko'e mooɗon haa on mbaawa waɗugo do'a.

1 Yuhanna 3:5

Ammaa on anndi Almasiihu wari ngam ittugo hakkeeji. Kaŋko, walaa hakke nder maako sam.

1 Yuhanna 3:8

Baɗoowo hakke fuu laatake mo Iblisa, ngam diga fuɗɗam, Iblisa ɗon waɗa hakke. Ngam man Ɓiɗɗo Allah wari ngam nattingo kuuɗe Iblisa.

Wahayu Yuhanna 13:8

Jooɗiiɓe haa duniyaaru fuu cujidanan nga, waato koo moy mo innde muuɗum winndaaka nder deftere ngeendam diga fuɗɗam duniyaaru. Jawgel kirsaaŋgel go mari deftere nde'e.

Wahayu Yuhanna 17:8

Ndabbaawa nga a yi'i, nga ɗonno naane, ammaa jonta nga walaa. Nga tammi wurtaago ngaska lugguka, nga dillan haa halkere. Jooɗiiɓe haa duniyaaru ɓe inɗe muuɗum'en mbinndaaka nder deftere ngeendam diga fuɗɗam duniyaaru kayɗinan to ɓe ngi'i ndabbaawa nga ngam nga ɗonno naane, nga walaa jonta, nga waŋgan fahin.