Ibraniŋke'en 9:24 - Fulfulde Bible

²⁴ Ngam Almasiihu nastaay haykaliiru ndu yimɓe mahi, kayru kam, ɗum misaalu ngam haykaliiru gooŋgaaru tan. Ammaa o nasti nder asama, ngam haa o seetto en yeeso Allah.

Fulfulde DC Bible

²⁴ Ngam Almasiihu nastaay haykaliiru ndu yimɓe mahi, kayru kam, ɗum misaalu ngam haykaliiru gooŋgaaru tan. Ammaa o nasti nder asama, ngam haa o seetto en yeeso Allah.

Ibraniŋke'en 9:24 Iomraidhean Croise

Jabuura 68:18

Allah ɗon warda bee mootaaji pucci ujineeje ujineeje, Jawmiraawo ɗon caka maɓɓe dow hooseere Sina, haa nokkuure seniinde.

Gurtaaki 28:12

Feɗu kaa'e ɗiɗi ɗe'e dow balbe ɗancikiire, ɗe laato kaa'e ngam siftorgo ɓiɓɓe Isra'iila. Haruna roondo inɗe maɓɓe dow balbe mum ngam ciftorki yeeso Jawmiraawo.

Gurtaaki 28:29

Nde Haruna nastata suudu seniindu fuu, o nastida bee inɗe ɓiɓɓe Isra'iila gonɗe dow jiiba kiitorka ngonka haa ɓernde maako. Ɗum laato ciftorki yeeso Jawmiraawo foroy.

Zekariya 3:1

Nden Jawmiraawo yi'ni yam Yosuwa, hooreejo liman'en. O ɗon dari yeeso malaa'ikaajo Jawmiraawo. Sayɗaanu boo ɗon dari haa nyaamo maako ngam wullaago mo.

Matta 18:10

“Kakkile ngam taa on njawo gooto haa famarɓe ɓe'e. Mi ɗon wi'a on: Malaa'ika'en maɓɓe haa asama ɗon ndari tum yeeso Baabiraawo am mo asama. [

Markus 14:58

“Min nani bee noppi amin o wi'i: Mi yibbinan haykaliiru ndu yimɓe mahi e mi mahitan ndu nder nyalɗe tati, naa bee juuɗe yimɓe.”

Markus 16:19

Ɓaawo nde Jawmiraawo timmini wolwango pukara'en muuɗum, o eeŋgti haa asama, o jooɗi haa nyaamo Allah.

Luka 24:51

Yaake o ɗon barkiɗina ɓe, o senndiri bee maɓɓe, o eeŋgi haa asama.

Yuhanna 16:28

Mi iwi haa Baabiraawo, mi wari nder duniyaaru. Jonta mi accan duniyaaru, mi hootan haa Baabiraawo.”

Yuhanna 6:62

Kadi noy to on ngi'i Ɓii-neɗɗo ɗon eeŋga haa o wonno aran?

Kuuɗe Nelaaɓe 3:21

Doole Yeesu jooɗo haa asama, haa wakkati Allah tammi hesɗitingo kuuje fuu yotto, bana no o wi'i diga ɓooyma bee kunnduɗe annabi'en senaaɓe.

Roma'en 8:33

Moy foti wullaago suɓaaɓe Allah? Ngam Allah bee hoore mum adilini ɓe.

2 Korintu'en 5:1

Min anndi, to cuuɗi meeɗen jontaaji ɗi'i, waato ɓalli lesdiiji ɗi'i ngibbinaama, cuuɗi feere ɗon ngam meeɗen haa asama. Allah bee hoore muuɗum waɗi ɗi, ɗi nduumoto haa foroy.

Kolossi'en 3:2

Tokke numtugo kuuje gonɗe ton, naa kuuje duniyaaru.

Ibraniŋke'en 1:3

Ɓiɗɗo oo o annoora tedduŋgal Allah, o waŋgini no Allah wa'i fuu, o ɗon jogi kuuje fuu bee wolde maako marnde baawɗe. Ɓaawo nde o laɓɓini yimɓe diga hakkeeji muuɗum'en, o jooɗi haa asama haa nyaamo Allah, marɗo maŋngu fuu.

Ibraniŋke'en 12:2

Taa en acca sutugo Yeesu ngam nuɗɗinki meeɗen ɗon dari dow maako diga fuɗɗoode haa timmoode. Nde ɓe mbari mo haa leggal gaafaaŋgal, o munyi ɗum. O numaay dow mbustu maayde nde'e, ngam daliila seyo ngo Allah sigani mo. Jonta o ɗon jooɗi dow leeso laamu haa nyaamo Allah.

Ibraniŋke'en 4:14

Nde en ngoodi hooreejo liman'en mawɗo, Yeesu, Ɓiɗɗo Allah, mo yotti haa joonde Allah fakat, nden kam sey en njoga nuɗɗinki ki en ceedoto.

Ibraniŋke'en 6:20

Yeesu aarti en nastugo ton, o nasti ton ngam meeɗen. O laati hooreejo liman'en haa foroy bana Malkisadaka.

Ibraniŋke'en 8:2

O laati jaggiiɗo hooreejo haa nokkuure seniinde nder laymaaru gooŋgaaru ndu Jawmiraawo waɗi, naa neɗɗo.

Ibraniŋke'en 8:5

Kuugal limanku ngal ɓe kuuwata, laati misaalu ko woni nder asama. Non ɗum laati bee Muusa boo nde o ɓadake waɗugo laymaaru, Allah wi'i mo: “Sey a waɗa ɗum fuu fodde misaalu mo mi holli ma dow hooseere.”

Ibraniŋke'en 9:1

Alkawal aranal, kaŋgal boo ngal woodino farillaaji dow dewal e haykaliiru Allah nder duniyaaru ndu'u.

Ibraniŋke'en 9:23

Kuuje gonɗe haa asama laatiiɗe misaaluuji haa ko woni nder asama ɗe'e, doole ɗe laato cenaaɗe bana non. Ammaa kuuje haa asama mari haaje kirseteeɗi ɓurɗi saman.

Ibraniŋke'en 9:9

Ɗum misaalu ngam wakkatiire jonta. Ɗum yiɗi wi'go: Dokke e kirsaaɗi lii'anaaɗi Allah mbaawataa laɓɓingo numo ɓernde dewanɗo mo.

1 Piyer 3:22

mo eeŋgi haa asama, jooɗi haa nyaamo Allah. O ɗon laamano malaa'ika'en e marɓe laamu e marɓe baawɗe.

Wahayu Yuhanna 8:3

Malaa'ikaajo feere wari, dari kommbi hirsirde, o ɗon jogi taasawo kaŋŋeeri ngam wulugo uurle. Ɓe ndokki mo uurle ɗuuɗɗe haa o wula ɗe hawtaade bee do'aaje senaaɓe fuu dow hirsirde kaŋŋeeri dariinde yeeso leeso laamu.