Ibraniŋke'en 9:2 - Fulfulde Bible

² Suudu laymaaru ndu deeɗi ɗiɗi waɗaama, aranndu ewnaama nokkuure seniinde. Nder maaru woodi jo'inirɗum pittirlaaji e taabal bee tamseeje jo'inaaɗe yeeso Allah.

Fulfulde DC Bible

² Suudu laymaaru ndu deeɗi ɗiɗi waɗaama, aranndu ewnaama nokkuure seniinde. Nder maaru woodi jo'inirɗum pittirlaaji e taabal bee tamseeje jo'inaaɗe yeeso Allah.

Ibraniŋke'en 9:2 Iomraidhean Croise

Gurtaaki 25:23

“A waɗa taabal leggal gawaral, njuutirka maagal meetir gootel, njaajirka maagal reeta meetir, towirka maagal boo meetir gootel reetita walaa.

Gurtaaki 25:30

Dow taabal man mballinta foroy tamseeje jo'inteeɗe yeeso am.”

Gurtaaki 25:31

“A waɗa jo'inirɗum pittirlaaji joweeɗiɗi bee kaŋŋeeri tappaandi laaɓndi. Ɗum laato kuuwaaɗum gootum bee dubbeere e taasahoy e morle e pinndi haa maajum fuu.

Gurtaaki 26:1

“A waɗa jooɗorde senaande bee godooje sappo ɗe gaaraaji leŋ ɗigguɗi baalaaɗi e carwinaaɗi e boɗeeji seɗɗa e boɗeeji coy. A waɗa ɗe bee suuraaji keruba'en ɗi tuppitoowo baawɗo waɗata.

Gurtaaki 26:33

A ɓila wiirndallo les ɓilduɗe. A nastina sundukru seedamku ton ɓaawo wiirndallo. Wiirndallo laatanto on senndorde hakkunde nokkuure seniinde e nokkuure ɓurnde senaago.

Gurtaaki 26:35

A jo'ina taabal yeeso wiirndallo, non boo jo'inirɗum pittirlaaji haa tiitotira bee taabal, haa wuttudu jooɗorde senaande fombina. Taabal boo, a jo'ina ɗum haa wuttudu woyla.

Gurtaaki 29:1

“Ndaa ko a waɗata ngam a sena liman'en haa ɓe kuuwanammi kuugal limanku: Hoo'u ngaari kalhaldi e jawɗi baali ɗiɗi ɗi ngalaa aybe

Gurtaaki 29:35

A waɗana Haruna e ɓikkoy mum fodde ko mi umri ma fuu. Waɗ juulde kalfitinki kuugal maɓɓe nyalɗe joweeɗiɗi.

Gurtaaki 40:2

“Nyannde go'oore nder lewru aranndu, sey a darna jooɗorde laymaaru fottirde.

Gurtaaki 40:4

Nastin taabal, taaskitin ko woni dow maagal. Nastin boo jo'inirɗum pittirlaaji, jamnu pittirlaaji maajum.

Matta 12:4

Ɓe nasti suudu Allah, ɓe nyaami tamseeje jo'inaaɗe yeeso Allah, koo nde ɓe ngalaa duŋayeere nyaamugo ɗe, sey liman'en tan?

Matta 5:15

Ɓe njamnataa boo pittirla ngam suuɗugo nga les bokoti. Ammaa ɓe njo'ina nga dow jo'inirɗum pittirla, haa nga yaynana wonɓe nder suudu man fuu.

Ibraniŋke'en 9:25

Hooreejo liman'en haa Yahuudu'en ɗon nasta nokkuure seniinde hitaande fuu bee ƴiiƴam ndabbaawa. Ammaa Almasiihu nastaay nde ɗuuɗɗum ngam hokkugo yoŋki maako.