Ibraniŋke'en 9:12 - Fulfulde Bible

¹² Almasiihu nasti nde woore nder laymaaru, ɗum he'i haa foroy. O nastaay bee ƴiiƴam jawɗi be'i e ga'i, ammaa bee ƴiiƴam maako. Bana nii o heɓrani en coottaari duumiindi.

Fulfulde DC Bible

¹² Almasiihu nasti nde woore nder laymaaru, ɗum he'i haa foroy. O nastaay bee ƴiiƴam jawɗi be'i e ga'i, ammaa bee ƴiiƴam maako. Bana nii o heɓrani en coottaari duumiindi.

Ibraniŋke'en 9:12 Iomraidhean Croise

Daniyel 9:24

Allah ta'ani ummaatoore ma e berniwol ma ceniiŋgol duuɓi cappanɗe joweeɗiɗi nde joweeɗiɗi, haa o haɗa tuurtol, o itta hakke, o hefa aybe, o tabitina adilaaku nduumiiŋgu, o waɗa lammba dow wahayu e annabaaku, o moyta ɓurɗo senaago.

Farillaaji Lewi'en 16:15

Nden o hirsa njawdiri mbeewa ngam ittuki hakkeeji ummaatoore, o nastina ƴiiƴam maari nder nokkuure ɓurnde senaago gaɗa wiirndallo. O wicca ɗam dow jooɗorde ngam kefergal, non boo yeeso sundukru alkawal, bana o waaruno bee ƴiiƴam ngaari go.

Farillaaji Lewi'en 4:3

To hooreejo liman'en waɗi hakke, hakke man ɗon dow ummaatoore fuu. Sey o wadda ngaari kalhaldi ndi walaa aybe, o lii'ano ndi Jawmiraawo kirseteendi ngam ittuki hakke maako.

Farillaaji Lewi'en 8:2

“Sey a yahra Haruna e ɓiɓɓe mum haa dammugal laymaaru fottirde. Waddu boo limce limanku e nebbam cenirɗam e ngaari kalhaldi kirseteendi ngam ittuki hakkeeji e jawɗi baali ɗiɗi e silaawo bee tamseeje ɗe ufnaaka.

Farillaaji Lewi'en 9:15

Ɓaawo man o lii'i dokkal yimɓe. O hoo'i njawdiri mbeewa kirseteendi ngam ittuki hakkeeji maɓɓe. O hirsi ndi, o lii'i ndi bana kirsaaŋga naane ngam ittuki hakke maako.

Zekariya 3:9

Ndaa hayre nde mi wallinta yeeso Yosuwa. Dow hayre nde'e, woodi gite joweeɗiɗi. Min bee hoore am, mi winndan binndol dow maare. Mi ittan aybeeji lesdi ndi'i nder nyalaade woore. Non Jawmiraawo honooɓe asama wi'i.

Markus 3:29

Ammaa mo wolwi kalluka dow Ruuhu Ceniiɗo, heɓataa yaafuye sam, ngam o waɗi hakkewol duumiiŋgol.”

Luka 1:68

“Yettoore laatano Allah, Jawmiraawo Isra'iila, ngam o hakkilani ummaatoore maako, o rimɗini nde.

Kuuɗe Nelaaɓe 20:28

Ayne ko'e mooɗon! Ayne tokkere nde Ruuhu Ceniiɗo halfini on! Bana waynaaɓe, ayne jama'aare nuɗɗinɓe Allah, nde o heɓri bee ƴiiƴam Ɓiɗɗo maako ndufaaɗam.

Efesu'en 1:7

Ngam daliila ƴiiƴam Almasiihu ndufaaɗam keɓɗen coottaari e yaafuye hakkeeji men fodde mo'ere Allah ɗuuɗnde.

Kolossi'en 1:14

Haa maako en keɓi coottaari e yaafuye hakkeeji.

1 Tessaloniiki'en 1:10

haa ndeenon loraaki Ɓiɗɗo maako diga asama, Yeesu mo o ummitini diga maayde, kisnanɗo en tikkere Allah warannde.

Titus 2:14

Kaŋko o hokki yoŋki maako ngam meeɗen ngam haa o sootta en diga halleende fuu, o laɓɓini en haa en laato ummaatoore maako suɓaande, tiinotooɓe huuwugo kuuɗe booɗɗe.

Ibraniŋke'en 1:3

Ɓiɗɗo oo o annoora tedduŋgal Allah, o waŋgini no Allah wa'i fuu, o ɗon jogi kuuje fuu bee wolde maako marnde baawɗe. Ɓaawo nde o laɓɓini yimɓe diga hakkeeji muuɗum'en, o jooɗi haa asama haa nyaamo Allah, marɗo maŋngu fuu.

Ibraniŋke'en 10:19

Onon deerɗiraaɓe, ngam daliila ƴiiƴam Almasiihu ndufaaɗam en anndi fakat en keɓi laawol nastugo suudu ɓurndu senaago.

Ibraniŋke'en 10:4

Ngam ƴiiƴam ga'i e jawɗi be'i mbaawataa ittugo hakkeeji.

Ibraniŋke'en 13:12

Ngam maajum Yeesu boo maayi yaasi dammugal berniwol, ngam haa o sena ummaatoore bee ƴiiƴam maako.

Ibraniŋke'en 5:9

Nde o laati timmididɗo, o laati jawmu kisndam nduumiiɗam ngam koo moy ɗowtani mo fuu.

Ibraniŋke'en 7:27

O walaa haaje hokkugo kirseteeɗi balɗe fuu bana hoore'en liman'en, aran ngam hakkeeji maako, nden ngam hakkeeji yimɓe. Ammaa o waɗi ɗum nde woore tan bee lii'ugo hoore maako, ɗum he'i haa foroy.

Ibraniŋke'en 9:13

Ƴiiƴam jawɗi be'i e ga'i e ndoondi wiige mbiccaama dow yimɓe soɓɓe, seni ɓe haa laɓɓini ɓalli maɓɓe,

Ibraniŋke'en 9:14

nde non kam, ƴiiƴam Almasiihu ɓuran nafugo piw. Bee baawɗe Ruuhu duumiiɗo o hokkiri yoŋki maako haa Allah bana njawdiri ndi walaa aybe koo seɗɗa. Ƴiiƴam maako laɓɓinan numo-ɓerɗe meeɗen, wilan kuuɗe ɗe njahrata en haa maayde, ngam en njaggano Allah geeto.

Ibraniŋke'en 9:15

Ngam maajum Almasiihu woni hakkunndeejo Allah bee yimɓe nder alkawal kesal. O maayi ngam soottugo yimɓe diga aybeeji ɗi ɓe mbaɗno yaake ɓe ɗonno nder alkawal aranal, ngam haa ewnaaɓe Allah njaɓa ndonŋgu nduumiiŋgu ngu Allah iinani ɓe.

Ibraniŋke'en 9:19

Nde Muusa waŋginani ummaatoore fuu umrooje nder tawreeta, nden o hoo'i ƴiiƴam ga'i e ƴiiƴam jawɗi be'i hawtaade bee ndiyam, non boo gaasa be'i mboɗeeha coy bee haako isop o wicci ɗam dow deftere tawreeta e ummaatoore fuu.

Ibraniŋke'en 9:28

Bana non Almasiihu boo hokki yoŋki muuɗum nde woore ngam o itta hakkeeji ɗuuɗɓe. O waŋgan ɗiɗawre, naa ngam o itta hakkeeji, ammaa ngam o hisna reenɓe mo.

Ibraniŋke'en 9:7

Ammaa suudu ɗiɗawru nder laymaaru, sey hooreejo liman'en tan nastata ton, kaŋko boo hitaande fuu nde woore. O ɗon nasta bee ƴiiƴam ɗam o lii'anto Allah ngam hoore maako e ngam hakkeeji ɗi ummaatoore waɗi bilaa anniya.

Wahayu Yuhanna 1:5

e diga Yeesu Almasiihu, ceedoowo gooŋgaajo, ummitinaaɗo arano nder maayɓe, mawɗo laamlaamɓe duniyaaru boo. Kaŋko o yiɗi en. O rimɗini en diga hakkeeji meeɗen bee ƴiiƴam maako,

Wahayu Yuhanna 5:9

Ɓe ngimi yimre hesre bana ni'i: “An a he'i hoo'ugo deftere nde'e, a takkita takkanɗe maare. Ngam a mbaraama, bee ƴiiƴam maaɗa a soottani Allah yimɓe iwɓe diga asli e ɗemɗe e jama'aaje e ummaatooje fuu.