Ibraniŋke'en 8:8 - Fulfulde Bible

⁸ Ammaa Allah feli yimɓe muuɗum, wi'i: “Nyalɗe ɗon ngara haa mi haɓɓa alkawal kesal bee yimɓe Isra'iila e bee lenyol Yahuuda.” Non Jawmiraawo wi'i.

Fulfulde DC Bible

⁸ Ammaa Allah feli yimɓe muuɗum, wi'i: “Nyalɗe ɗon ngara haa mi haɓɓa alkawal kesal bee yimɓe Isra'iila e bee lenyol Yahuuda.” Non Jawmiraawo wi'i.

Ibraniŋke'en 8:8 Iomraidhean Croise

Esaaya 55:3

Keɗite! Ngare haa am. Nane! Nden on ngeeɗan. Mi haɓɓan alkawal duumiiŋgal bee mooɗon, mi mo'anan on mo'ere nde mi iinani Daawuda.

Yeremiya 23:5

Jawmiraawo wi'i: “Saa'i ɗon wara haa mi suɓa goɗɗo mo danygol Daawuda bi'eteeɗo Fuɗŋgo, o adiliijo. O laatoto laamiiɗo, o laamoto bee faamu, o tabitinan kiita ngooŋɗuka e adilaaku nder lesdi.

Yeremiya 23:7

Jawmiraawo wi'i: “Saa'i ɗon wara nde kunotooɗo meetataa wi'ugo: Fakat bana Jawmiraawo mo wurtini yimɓe Isra'iila e Misra o geeto.

Yeremiya 30:3

Ngam nyalaade mi wartirta joonde yimɓe ummaatoore am Isra'iila e Yahuuda bana naane ɗon wara. Mi hooran ɓe haa lesdi ndi marnumi kaakiraaɓe maɓɓe, ɓe mara ndi fahin.” Non Jawmiraawo wi'i.

Yeremiya 31:27

Jawmiraawo wi'i: “Saa'i ɗon wara haa mi hebbina lesdi Isra'iila e lesdi Yahuuda bee yimɓe e dabbaaji.

Yeremiya 31:38

“Saa'i ɗon wara nde yimɓe nyiɓtoto berniwol ngo'ol, diga suudu Hananiyel towndu haa Dammugal Toldu.” Non Jawmiraawo wi'i.

Yeremiya 32:40

Mi haɓɓan alkawal duumiiŋgal bee maɓɓe, mi accataa woonango ɓe. Mi laatinan ɓe hulɓe yam, ngam taa ɓe loro, ɓe ndaayto yam.

Ezekiyel 37:26

Mi haɓɓan alkawal salaaman bee maɓɓe, ɗum alkawal duumiiŋgal. Mi jo'inan ɓe haa lesdi, mi ɗuɗɗinan ɓe, mi darnan haykaliiru am caka maɓɓe boo, ndu daroto ton haa foroy.

Matta 26:28

ngam ɗum ƴiiƴam am, ndufaaɗam ngam yaafuye hakkeeji yimɓe ɗuuɗɓe, bee maajam Allah tabitiniri alkawal muuɗum.

Markus 14:24

O wi'i ɓe: “Ɗum ƴiiƴam am ndufaaɗam ngam ɗuuɗɓe, bee maajam Allah tabitiniri alkawal muuɗum.

Luka 17:22

O wi'i pukara'en: “Nyalɗe ngaran, on ngelan yi'ugo nyalaade woore nder nyalɗe Ɓii-neɗɗo, ammaa on ngi'ataa nde.

Luka 22:20

Bana non boo, o hoo'i jardugel ɓaawo nyaamdu, o hokki ɓe ngel, o wi'i: “Jardugel nge'el ɗum alkawal kesal. Allah tabitiniri ngal bee ƴiiƴam am ndufaaɗam ngam mooɗon.

Luka 5:38

Ammaa sey ɓe loowa inaboojam kesam nder kanyakanyaaji kesi.

1 Korintu'en 11:25

Ɓaawo nyaamugo maɓɓe, o hoo'i jardugel boo, o wi'i: “Jardugel nge'el woni alkawal kesal ngal Allah tabitiniri bee ƴiiƴam am. Koo ndey njaroton nder maagel fuu, mbaɗe ɗum ngam haa on ciftorammi.”

2 Korintu'en 3:6

Kaŋko waawni min laataago jagganiiɓe alkawal kesal, ngal daraaki dow umrooje binndaaɗe, ammaa dow Ruuhu. Umrooje binndaaɗe ɗon njahra yimɓe haa maayde, ammaa Ruuhu ɗon yahra yimɓe haa ngeendam.

Tooktaaki Tawreeta 29:14

ammaa bee koo moy gonduɗo bee meeɗen hannde dariiɗo haa ɗo yeeso Jawmiraawo Allah meeɗen, non boo bee danygol men ngol danyaaka tawon.

Ibraniŋke'en 12:24

On ngari haa Yeesu, hakkunndeejo ngam alkawal kesal, on ngari haa ƴiiƴam mbiccaaɗam ngaddanɗam habaruwol ɓurŋgol ngol ƴiiƴam Habila wooɗugo.

Ibraniŋke'en 7:22

Ngam maajum en anndi fakat, Yeesu tabitini alkawal ɓurŋgal ngal naane.

Ibraniŋke'en 8:13

Nde o wolwi haala alkawal kesal, Allah hiiɗini aranal, ko hiiɗi man ɓadake jinnugo.

Ibraniŋke'en 8:6

Ammaa jonta Yeesu heɓi kuugal limanku ɓurŋgal ngal maɓɓe. Bana non boo alkawal ngal o haɓɓi hakkunde Allah bee yimɓe, ɓuri ngal naane saman, ngam ngal ɗon tabiti dow iinaaji Allah ɓurɗi wooɗugo.

Ibraniŋke'en 9:15

Ngam maajum Almasiihu woni hakkunndeejo Allah bee yimɓe nder alkawal kesal. O maayi ngam soottugo yimɓe diga aybeeji ɗi ɓe mbaɗno yaake ɓe ɗonno nder alkawal aranal, ngam haa ewnaaɓe Allah njaɓa ndonŋgu nduumiiŋgu ngu Allah iinani ɓe.