Ibraniŋke'en 8:10 - Fulfulde Bible

¹⁰ “Ammaa ɓaawo nyalɗe ɗe'e, mi haɓɓan alkawal goɗŋgal bee yimɓe Isra'iila. Ndaa nii ngal laatorto: Mi waɗan umrooje am nder hakkiilooji maɓɓe, mi winndan ɗe nder ɓerɗe maɓɓe. Min mi laatoto Allah maɓɓe, kamɓe boo ɓe laatoto ummaatoore am.

Fulfulde DC Bible

¹⁰ “Ammaa ɓaawo nyalɗe ɗe'e, mi haɓɓan alkawal goɗŋgal bee yimɓe Isra'iila. Ndaa nii ngal laatorto: Mi waɗan umrooje am nder hakkiilooji maɓɓe, mi winndan ɗe nder ɓerɗe maɓɓe. Min mi laatoto Allah maɓɓe, kamɓe boo ɓe laatoto ummaatoore am.

Ibraniŋke'en 8:10 Iomraidhean Croise

Gurtaaki 24:4

Muusa winndi ko Jawmiraawo wi'i mo fuu. Jaŋngo man o dawi fajiri cub, o mahi hirsirde haa les hooseere, o darni kaa'e ciftinorɗe sappo e ɗiɗi, fodde le'i Isra'iila sappo e ɗiɗi.

Gurtaaki 24:7

Ɓaawo man o hoo'i deftere alkawal, o jaŋngi nde yeeso ummaatoore. Isra'iila'en mbi'i: “Ko Jawmiraawo wolwi fuu, min mbaɗan ɗum, min ɗowtanto mo.”

Gurtaaki 34:1

Jawmiraawo wi'i Muusa: “Sehu alluhaaje kaa'e ɗiɗi bana aranndeeje go. Mi winndan dow maaje bolle gonnooɗe dow aranndeeje ɗe pusɗa.

Gurtaaki 34:27

Jawmiraawo wi'i Muusa: “Winndu bolle ɗe'e. Ngam dow bolle ɗe'e kaɓɓumi alkawal bee maaɗa e bee ummaatoore Isra'iila.”

Yimre Suleymaanu 2:16

Giɗaaɗo am min jeyi, min boo mo maako, o ɗon dura tokkere maako nder gurguli ladde.

Yeremiya 24:7

Mi hokkan ɓe faamu ngam anndugo min woni Jawmiraawo. Nden ɓe laatoto ummaatoore am, min boo mi laatoto Allah maɓɓe, ngam ɓe lortoto haa am bee ɓernde woore.

Yeremiya 31:1

Jawmiraawo wi'i: “Saa'i maajum mi laatoto Allah ngam ci'e yimɓe Isra'iila fuu, kamɓe boo ɓe laatoto ummaatoore am.

Yeremiya 31:33

Ammaa to saa'i man wari, mi haɓɓan alkawal bee yimɓe Isra'iila bana ni'i: Mi nastinan tawreeta am nder hakkiilooji maɓɓe, mi winndan ka nder ɓerɗe maɓɓe. Min mi laatoto Allah maɓɓe, kamɓe boo ɓe laatoto ummaatoore am.

Yeremiya 32:38

Nden ɓe laatoto ummaatoore am, min boo mi laatoto Allah maɓɓe.

Yeremiya 32:40

Mi haɓɓan alkawal duumiiŋgal bee maɓɓe, mi accataa woonango ɓe. Mi laatinan ɓe hulɓe yam, ngam taa ɓe loro, ɓe ndaayto yam.

Ezekiyel 37:27

Jooɗorde am wondan bee maɓɓe, mi laatoto Allah maɓɓe, kamɓe boo ɓe laatoto ummaatoore am.

Ezekiyel 39:22

Ɓaawo maajum yimɓe Isra'iila paaman min woni Allah Jawmiraawo maɓɓe.

Hose'a 2:23

Jawmiraawo wi'i: “Nyalaade maajum njaabantoomi asamanji. Kanji boo ɗi njaabanto lesdi.

Zekariya 13:9

Mi nastinan luttanɓe bee yoŋki ɓe'e nder yiite ngam laɓɓingo ɓe bana goɗɗo laɓɓinirta cardi. Mi foondan ɓe bana goɗɗo laɓɓinirta kaŋŋeeri. Nden kadi ɓe toroto yam, min boo mi jaɓan tornde maɓɓe. Mi wi'an: Onon, on yimɓe ummaatoore am. Kamɓe boo ɓe mbi'an: Jawmiraawo woni Allah amin.”

Zekariya 8:8

Mi wartiran ɓe, ngam ɓe njooɗo nder Urusaliima. Ɓe laatoto yimɓe ummaatoore am, min boo mi laatoto Allah maɓɓe nder gooŋgaaku e adilaaku.”

Matta 22:32

Min woni Allah Ibrahiima e Allah Isiyaaku e Allah Yaakubu. Mi Allah yeeɗɓe naa mo maayɓe!”

Roma'en 11:27

Kanjum woni alkawal am bee maɓɓe, saa'i ittanmi aybeeji maɓɓe.”

1 Korintu'en 6:16

On anndaa ɗakkotirɗo bee daakaareejo laatake ɓanndu wooru bee maako na? Deftere wi'i: “Ɗiɗo ɓe'e laatoto ɓanndu wooru.”

2 Korintu'en 3:3

Fakat, on laatake bataakewol Almasiihu ngol min ngaddi. Ngol winndaaka bee dawa, ammaa bee Ruuhu Allah geeto. Ngol winndaaka dow alluhaaje kaa'e, ammaa nder ɓerɗe yimɓe.

Tooktaaki Tawreeta 30:6

Jawmiraawo, Allah mooɗon hokkan on, onon e danygol mon ɓerɗe ɗowtiiɗe, on ngiɗan mo bee ɓerɗe mon e yoŋkiiji mon fuu, nden on ngeeɗan.

Titus 2:14

Kaŋko o hokki yoŋki maako ngam meeɗen ngam haa o sootta en diga halleende fuu, o laɓɓini en haa en laato ummaatoore maako suɓaande, tiinotooɓe huuwugo kuuɗe booɗɗe.

Ibraniŋke'en 11:16

Ammaa fakat ɓe ngenwi lesdi ɓurdundi wooɗugo, waato asama. Ngam maajum Allah semtiraay ewneego Allah maɓɓe, ngam o taaskani ɓe berniwol.

Yaakuba 1:18

Nder muuyo maako o hokki en ngeendam bee wolde maako gooŋgaare, ngam haa joonde meeɗen ɓura joole tagle maako fuu.

Yaakuba 1:21

Ngam maajum, ngudine ko soɓi e kuuɗe kalluɗe fuu. Njaɓe bee yaŋkinaare wolde nde Allah aawi nder ɓerɗe mooɗon, ngam nde waawan hisnugo on.

1 Piyer 1:23

On laati danyaaɓe hesɓe bee wolde Allah. Wolde nde'e laataaki bana aawdi nyolanndi, nde yeere, nde nyolataa e nde jinnataa.

1 Piyer 2:9

Ammaa onon ngoni asŋgol cuɓaaŋgol, liman'en laamiiɗo, yimɓe ummaatoore seniinde. Allah wurtini on nyiɓre, yahri on haa annoora maako kayɗiniika. O suɓi on haa on ngaazina kuuɗe maako booɗɗe.