Ibraniŋke'en 7:27 - Fulfulde Bible

²⁷ O walaa haaje hokkugo kirseteeɗi balɗe fuu bana hoore'en liman'en, aran ngam hakkeeji maako, nden ngam hakkeeji yimɓe. Ammaa o waɗi ɗum nde woore tan bee lii'ugo hoore maako, ɗum he'i haa foroy.

Fulfulde DC Bible

²⁷ O walaa haaje hokkugo kirseteeɗi balɗe fuu bana hoore'en liman'en, aran ngam hakkeeji maako, nden ngam hakkeeji yimɓe. Ammaa o waɗi ɗum nde woore tan bee lii'ugo hoore maako, ɗum he'i haa foroy.

Ibraniŋke'en 7:27 Iomraidhean Croise

Ezekiyel 43:19

Liman'en iwɓe lenyol Lewi, danygol Cadok, kamɓe ɓe ɓadito yam ngam kuugal. Min Allah Jawmiraawo umri ɗum. A hokka ɓe ngaari kalhaldi, ndi kirseteendi ngam ittuki hakke.

Farillaaji Lewi'en 16:11

Saa'i Haruna ɗon lii'o ngaari kalhaldi kirseteendi ngam ittuki hakkeeji maako e hakkeeji saare maako,

Farillaaji Lewi'en 16:15

Nden o hirsa njawdiri mbeewa ngam ittuki hakkeeji ummaatoore, o nastina ƴiiƴam maari nder nokkuure ɓurnde senaago gaɗa wiirndallo. O wicca ɗam dow jooɗorde ngam kefergal, non boo yeeso sundukru alkawal, bana o waaruno bee ƴiiƴam ngaari go.

Farillaaji Lewi'en 16:6

Sey o lii'o ngaari kalhaldi kirseteendi ngam ittuki hakke maako e hakkeeji saare maako.

Roma'en 6:10

Nde woore o maayi heedi hakke, jonta nde o geeto, o ɗon yeeɗa ngam Allah.

Efesu'en 2:22

Nder kawtal bee maako onon boo on ɗon mahe hawtaade bee maɓɓe ngam haa nyiɓaalo ngo'o laato jooɗorde nde Ruuhu Allah jooɗoto haa muuɗum.

Efesu'en 5:2

Ngeeɗe nder yiide bana no Almasiihu yiɗiri en, o hokki yoŋki maako ngam meeɗen. O lii'ani ki Allah bana kirsaaɗum, bana dokkal marŋgal uureeŋgol belŋgol.

Titus 2:14

Kaŋko o hokki yoŋki maako ngam meeɗen ngam haa o sootta en diga halleende fuu, o laɓɓini en haa en laato ummaatoore maako suɓaande, tiinotooɓe huuwugo kuuɗe booɗɗe.

Ibraniŋke'en 5:1

Hooreejo liman'en fuu laati cuɓaaɗo caka yimɓe, o jo'inaama nder njaggu Allah ngam maɓɓe haa o lii'o dokke e kirsaaɗi ngam ittugo hakkeeji.

Ibraniŋke'en 5:3

Ngam daliila tampere nde'e, sey o lii'o kirseteeɗi ngam ittugo hakkeeji ummaatoore e ngam hakkeeji ɗi o waɗi bee hoore maako boo.

Ibraniŋke'en 8:4

To o ɗonno haa duniyaaru, o laatataakono limanjo sam, ngam woodi liman'en lii'otooɓeno dokke fodde tawreeta.

Ibraniŋke'en 9:12

Almasiihu nasti nde woore nder laymaaru, ɗum he'i haa foroy. O nastaay bee ƴiiƴam jawɗi be'i e ga'i, ammaa bee ƴiiƴam maako. Bana nii o heɓrani en coottaari duumiindi.

Ibraniŋke'en 9:14

nde non kam, ƴiiƴam Almasiihu ɓuran nafugo piw. Bee baawɗe Ruuhu duumiiɗo o hokkiri yoŋki maako haa Allah bana njawdiri ndi walaa aybe koo seɗɗa. Ƴiiƴam maako laɓɓinan numo-ɓerɗe meeɗen, wilan kuuɗe ɗe njahrata en haa maayde, ngam en njaggano Allah geeto.

Ibraniŋke'en 9:25

Hooreejo liman'en haa Yahuudu'en ɗon nasta nokkuure seniinde hitaande fuu bee ƴiiƴam ndabbaawa. Ammaa Almasiihu nastaay nde ɗuuɗɗum ngam hokkugo yoŋki maako.

Ibraniŋke'en 9:26

To o waɗino non, diga fuɗɗam tageeki duniyaaru o torrotono nde ɗuuɗɗum. Ammaa o waŋgi jonta haa timmoode zamanuuji fuu, o waŋgi nde woore tan ngam foroy, ngam haa o itta hakkeeji bee lii'anaago Allah yoŋki maako.

Ibraniŋke'en 9:28

Bana non Almasiihu boo hokki yoŋki muuɗum nde woore ngam o itta hakkeeji ɗuuɗɓe. O waŋgan ɗiɗawre, naa ngam o itta hakkeeji, ammaa ngam o hisna reenɓe mo.

Ibraniŋke'en 9:7

Ammaa suudu ɗiɗawru nder laymaaru, sey hooreejo liman'en tan nastata ton, kaŋko boo hitaande fuu nde woore. O ɗon nasta bee ƴiiƴam ɗam o lii'anto Allah ngam hoore maako e ngam hakkeeji ɗi ummaatoore waɗi bilaa anniya.