Ibraniŋke'en 6:4 - Fulfulde Bible

^4-6 To yimɓe ɓe meeɗi jooɗaago nder annoora Allah, metti dokkal iwŋgal diga asama, njaɓi Ruuhu Ceniiɗo, metti belɗum wolde Allah e baawɗe ɗe zamanuuru waranndu, nden ɓe lori ɓaawo, caɗɗum goɗɗo wartira ɓe haa ɓe tuuba fahin. Ngam kamɓe bee ko'e maɓɓe ɓe ɗon ɓila Ɓiɗɗo Allah haa leggal gaafaaŋgal fahin e ɓe ɗon lasbina mo yeeso yimɓe fuu.

Fulfulde DC Bible

^4-6 To yimɓe ɓe meeɗi jooɗaago nder annoora Allah, metti dokkal iwŋgal diga asama, njaɓi Ruuhu Ceniiɗo, metti belɗum wolde Allah e baawɗe ɗe zamanuuru waranndu, nden ɓe lori ɓaawo, caɗɗum goɗɗo wartira ɓe haa ɓe tuuba fahin. Ngam kamɓe bee ko'e maɓɓe ɓe ɗon ɓila Ɓiɗɗo Allah haa leggal gaafaaŋgal fahin e ɓe ɗon lasbina mo yeeso yimɓe fuu.

Ibraniŋke'en 6:4 Iomraidhean Croise

Farillaaji Lewi'en 13:55

Ɓaawo man o laara nde kadiboo. To noonde puunol waylake, koo to nde ɓesdaay yaajugo boo, huunde man soɓi. Sey nde wule bee yiite. Teema puunol waɗi haa wakeere nde'e malla haa wakeere ndeya, ɗum gootum.

Farillaaji Lewi'en 14:43

To cidol fuɗɗiti haa maaru ɓaawo wurtingo kaa'e e ittugo loope e ɓakkol kesol,

Limle 24:3

o waɗi annabaaku, o wi'i: “Ndaa koŋngol Balaama ɓii Be'or, gi'oowo,

Matta 12:45

nden ngol yaha, ngol wadda ruuhuuji goɗɗi joweeɗiɗi, ɓuranɗi ngol hallugo, ɗi nastan suudu man, ɗi njooɗoto nder maaru. Joonde goɗɗo oo hallan ko ɓuri naane. Bana nii ɗum laatanto yimɓe halluɓe nder zamanuuru ndu'u!”

Matta 5:13

“Onon ngoni mannda ngam duniyaaru: Ammaa to lammeeŋga mannda ittake, noy ɗam heɓtirta lammeeŋga maajam fahin? Mannda man nafataa sam, sey wudingo ɗam yaasi tan, yimɓe njaaɓan ɗam.

Yuhanna 15:6

To goɗɗo tabitaay nder kawtal bee am, o wudinteeɗo yaasi bana lisal ta'aaŋgal, ngal yooran, nden ɓe koocan ngal ɓe ngudina ngal nder yiite, ngal wula.

Yuhanna 3:27

Yuhanna jaabi ɓe: “Walaa mo heɓata koo ɗume sonaa to Allah hokki mo ɗum.

Yuhanna 4:10

Yeesu jaabi mo: “To a anndino dokkal Allah, to a anndino boo moy ƴami ma ndiyam yarugo, a ƴamanno mo, o hokke ndiyam ndokkanɗam ngeendam.”

Yuhanna 6:32

Yeesu wi'i ɓe: “Gooŋga mi wi'ata on, naa ɗum Muusa hokki on nyaamdu iwndu diga asama, ammaa Baabiraawo am hokkan on ko woni nyaamdu fakat, iwndu diga asama.

Kuuɗe Nelaaɓe 10:45

Yahuudu'en nuɗɗinɓe warduɓe bee Piyer kayɗini ngam koo yimɓe ummaatooje boo, Allah waanji ɓe Ruuhu Ceniiɗo!

Kuuɗe Nelaaɓe 11:17

Nde nii Allah hokki ɓe Ruuhu Ceniiɗo bana o hokkirno en ɗum, yaake en nuɗɗini Jawmiraawo men Yeesu Almasiihu, Kadi min mi moy haa mi dartano Allah?”

Kuuɗe Nelaaɓe 15:8

Allah, annduɗo ɓerɗe yimɓe fuu, seedanake ɓe nde o hokki ɓe Ruuhu Ceniiɗo bana no o hokkiri en ɗum.

Kuuɗe Nelaaɓe 8:20

Ammaa Piyer jaabi mo: “Allah halkide bee ceede maaɗa fuu, ngam a numi soodugo dokkal Allah bee ceede!

Roma'en 1:11

Mi yenwi on masin, mi yiɗi yi'ugo on ngam mi sennda bee mooɗon dokkal ngal Ruuhu Allah hokki yam ngam semmbiɗingo on.

2 Korintu'en 4:4

Ɓe nuɗɗintaa, ngam Sayɗaanu, ɗowanteeɗo duniyaaru ndu'u wumni hakkiilooji maɓɓe. O haɗi ɓe yi'ugo jayŋgol Linjiila baŋginanŋgol tedduŋgal Almasiihu, mo laati jaati Allah.

2 Korintu'en 4:6

Ngam Allah mo wi'no: “Sey annoora yayna nder nyiɓre”, acci annoora mum yayna nder ɓerɗe amin boo, ngam haa min annda tedduŋgal maako jaynanŋgal dow yeeso Almasiihu.

Galaatiya'en 3:2

Njaabeeɗam ƴamol gootol tan: On keɓi Ruuhu Allah ngam on ɗowtani tawreeta naa malla ngam on nani Linjiila, on nuɗɗini ka?

Galaatiya'en 3:5

Allah hokki on Ruuhu mum, ɗon waɗa kaayeefiiji caka mooɗon boo. O ɗon waɗa ɗum ngam on ɗowtani tawreeta na? Malla ngam on nani Linjiila, on nuɗɗini ka?

Efesu'en 1:18

Allah yaynana hakkilooji mon bee jayŋgol mum, haa on paama no tammunde iwnde diga ewnaandu maako wa'i, non boo jeynitaare tedduŋgal ndonŋgu ngu o sigani senaaɓe maako.

Efesu'en 2:8

Ngam bee mo'ere maako keɓruɗon kisndam ngam on nuɗɗini. Ɗum iwaay haa mooɗon, ɗum dokkal Allah.

Efesu'en 3:7

Allah mo'ani yam, waɗi yam jaggiiɗo mum. Bana nii o waari ɗum nder am bee baawɗe maako,

Efesu'en 4:7

Koo moy meeɗen heɓi mo'ere deydey geɗal ngal Almasiihu hokki mo.

1 Timote 4:14

Taa yeeba dokkal Ruuhu Allah gonŋgal nder maaɗa, ngal keɓɗa nder annabaaku nde ndotti'en mballini juuɗe muuɗum'en dow maaɗa.

2 Timote 2:25

sey o elta dartanooɓe gooŋga bee yaŋkinaare. Teema Allah hokkan ɓe laawol haa ɓe tuuba, ɓe paama gooŋga,

2 Timote 4:14

Aleksandire kilaajo waɗi yam halleende ɗuuɗnde. Jawmiraawo hiitoto mo deydey kuuɗe maako.

Ibraniŋke'en 10:32

Ciftore no on njooɗori naane nder balɗe caaliiɗe, ɓaawo Allah yaynani on bee annoora muuɗum, on munyani boneeji naawɗi ɗuuɗɗi, ammaa ɗi ɓuraay on semmbe.

Ibraniŋke'en 2:4

Allah boo semmbiɗini seedamku maɓɓe bee alaamaaji e kaayeefiiji feere feere e bee senndango yimɓe maako dokke Ruuhu Ceniiɗo fodde muuyo maako.

1 Yuhanna 5:16

To goɗɗo yi'i deerɗum ɗon waɗa hakkewol ngol yahrataa mo haa maayde, sey o tora Allah, Allah boo hokkan mo ngeendam. Haala ka'a laarani waɗooɓe hakkewol ngol yahrataa ɓe haa maayde. Ammaa woodi hakkewol jahranŋgol goɗɗo haa maayde. Mi wi'aay on toro Allah ngam maagol.