Ibraniŋke'en 6:11 - Fulfulde Bible

¹¹ Min ngiɗi koo moy mooɗon tokko waɗugo ɗum bee tiinaare bana naane haa timmoode, ngam haa on keɓa ko on tammoto.

Fulfulde DC Bible

¹¹ Min ngiɗi koo moy mooɗon tokko waɗugo ɗum bee tiinaare bana naane haa timmoode, ngam haa on keɓa ko on tammoto.

Ibraniŋke'en 6:11 Iomraidhean Croise

Esaaya 32:17

Adilaaku waddan salaaman e de'ere e hoolaare ngam foroy.

Matta 24:13

Ammaa mo munyi haa timmoode, hisan.

Luka 1:1

Yaa Teyofilus tedduɗo: Yimɓe ɗuuɗɓe kaɓdi winndugo kubaruwol kuuje laatiiɗe caka meeɗen.

Roma'en 12:8

Mo heɓi dokkal de'itingo woɗɓe, sey o de'itina ɓe. Mo yiɗi senndugo risku mum bee woɗɓe, sey waɗa ɗum bee caahaaki. Mo heɓi kaliifaaku, sey o huuwa bee tiinaare. Mo woonanta woɗɓe, sey o waɗa ɗum bee seyo.

Roma'en 15:13

Mi ɗon toro Allah, tabitinɗo tammunde men, haa o hebbina ɓerɗe mon bee seyo e jam fuu ngam daliila nuɗɗinki mon, ngam haa on keewa tammunde bee baawɗe Ruuhu Ceniiɗo.

1 Korintu'en 13:13

Jonta kam, ndaa kuuje tati ɗon: nuɗɗinki e tammunde e yiide. Ammaa ko ɓuri mawnugo ɗum yiide.

1 Korintu'en 15:58

Ngam maajum, onon deerɗiraaɓe am yiɗaaɓe, laate on tabititɓe ɓe ndimmbataako. Tiine foroy nder kuugal Jawmiraawo, ngam on anndi torra mooɗon ngam Jawmiraawo laatataako meere.

Galaatiya'en 5:5

Minin kam min ɗon tammi Allah adilinan min. Ɗum iwi haa nuɗɗinki, min ɗon ndeena ɗum bee baawɗe Ruuhu.

Galaatiya'en 6:9

Taa comen waɗugo ko fotti, ngam to en tampaay, en codan to wakkati man yottake.

Filippi'en 3:15

Sey en numa bana non to en limi ko'e men nder timmuɓe. Koo to woodi ko paamroton bee laawol feere, Allah laɓɓinanan on ɗum.

Kolossi'en 1:23

Ammaa sey on tabita e on cemmbiɗa nder nuɗɗinki. Taa on acca koo ɗume sottina on dow tammunde nde keɓɗon haa Linjiila ka on nani. Linjiila ka'a waazinaama tagefooji fuu nder duniyaaru. Min Pol, mi gaazoowo ka.

Kolossi'en 1:5

daliila tammunde nde Allah resani on haa asamanji anndinaande on diga naane bee Linjiila, kubaruwol gooŋga.

Kolossi'en 2:2

ngam haa ɓerɗe maɓɓe cemmbiɗa, ɓe kawta nder yiide e nder anndal gooŋgawal fuu, ɓe paama sirri Allah, waato Almasiihu.

1 Tessaloniiki'en 1:5

Saa'i min ngaazini on Linjiila, ɗum laataaki bee bolle tan, ammaa bee baawɗe Allah e ballal Ruuhu Ceniiɗo. Kadiboo min kolli on fakat ka koolniika. On anndi no min kuuwri caka mooɗon ngam hayru mooɗon boo.

1 Tessaloniiki'en 4:10

Kanjum ngaɗoton heedi deerɗiraaɓe fuu nder lesdi Makedoniya. Ammaa min ɗon tiɗɗina on ɓesdaago yeeso yeeso.

2 Tessaloniiki'en 3:13

E onon kam deerɗiraaɓe, taa come huuwugo ko wooɗi.

Ibraniŋke'en 10:22

Ngam maajum en ɓadito Allah kadi bee ɓerɗe gooŋgaaje, bee nuɗɗinki cemmbiɗki, bee numo ɓerɗe laɓɓinaaɗe, ɓalli boo giiwaaɗi bee ndiyam laaɓɗam.

Ibraniŋke'en 3:14

Ngam en laati kawtiɗiraaɓe Almasiihu, to en tabiti, en ndimmbaaki, en njogi hoolaare meeɗen diga fuɗɗam haa timmoode.

Ibraniŋke'en 3:6

Ammaa Almasiihu, o Ɓiɗɗo nder saare maako. Enen ngoni saare maako, to en tabiti nder cuusal meeɗen e tammunde meeɗen nde en maŋgtorto.

Yosuwa 7:3

Nden ɓe ngarti haa Yosuwa, ɓe mbi'i mo: “Walaa haaje ummaatoore fuu yaha, sey worɓe baakin ujine ɗiɗo malla tato njaha, kona Ayu. Taa suklu ummaatoore fuu, ngam yimɓe Ayu ɗuuɗaay.”

1 Piyer 1:21

Ngam barka maako on nuɗɗini Allah mo ummitini mo diga maayde, teddini mo. Bana non nuɗɗinki mooɗon e tammunde mooɗon haa Allah tabitirta.

2 Piyer 1:10

Ngam maajum deerɗam'en, tiine tabitingo ewnaandu e cuɓki mooɗon. To on mbaɗi non, on pergataako sam.

2 Piyer 3:14

Ngam man yiɗaaɓe am, nde nii on ɗon ndeena ɗum, kaɓde jooɗaago on laaɓɓe, bilaa aybe yeeso Allah haa on njooɗo nder salaaman bee maako.

1 Yuhanna 3:14

En anndi en ngurtake diga maayde, en nasti ngeendam, ngam en ngiɗi deerɗiraaɓe men. Ammaa mo walaa yiide, o ɗon jooɗi nder maayde tawon.

1 Yuhanna 3:19

Bee maajum anndirten en ɗon tokki gooŋga. Kanjum waɗi ɓerɗe meeɗen nde'ititto yeeso Allah.

Wahayu Yuhanna 2:26

Jaaliiɗo, baɗɗo muuyo am haa timmoode, mi hokkan mo baawɗe dow ummaatooje,