Ibraniŋke'en 5:7 - Fulfulde Bible

⁷ Yaake Yeesu ɗonno haa duniyaaru, o waɗi do'a, o tori Allah mo waawi hisnugo mo diga maayde bee bojji naawɗi e gonɗi. Allah boo nani tornde maako ngam o kulɗo Allah.

Fulfulde DC Bible

⁷ Yaake Yeesu ɗonno haa duniyaaru, o waɗi do'a, o tori Allah mo waawi hisnugo mo diga maayde bee bojji naawɗi e gonɗi. Allah boo nani tornde maako ngam o kulɗo Allah.

Ibraniŋke'en 5:7 Iomraidhean Croise

Jabuura 22:24

Onon hulɓe Jawmiraawo, maŋgte mo! Onon danygol Yaakubu fuu, teddine mo! Onon danygol Isra'iila fuu, ndiwne yeeso maako!

Jabuura 69:1

Ngam kaliifaajo gime fodde daande “gurguli”. Yimre Daawuda.

Jabuura 88:1

Yimre nde ɓiɓɓe Koora, fodde daande “mahalat le'annot”. Ngam kaliifaajo gime. Yimre Heman Esrahiijo ekkitinoore.

Esaaya 49:8

Ndaa nii Jawmiraawo wi'i: “Wakkati mo'ere mi jaɓi tornde ma, nyalaade kisndam mi walli ma. Mi ɗon ayne haa laatoɗa alkawal ummaatoore, haa mbo'itina lesdi, cenndana yimɓe maral maɓɓe bonniiŋgal jonta,

Esaaya 53:11

Daliila torraaji ɗi o yari, o heɓan seyo fahin, o anndan o torraaki meere. Kaŋko woni suka am adiliijo. O roondi aybeeji ɗuuɗɓe, bana nii o adilinan ɓe.

Esaaya 53:3

Yimɓe njawi mo, ngudini mo. O woowri bee naaworlaaji e bone, koo moy wiirni yeeso mum ngam taa yi'a mo. En njawi mo, en paalaay mo.

Farillaaji Lewi'en 2:2

Nden o yahra ɗum haa liman'en danygol Haruna. Limanjo hoo'a kuroori ɗiggundi deydey tamndande e nebbam, o hoo'a boo uurle man fuu, o wula ɗum dow hirsirde, ɗum geɗal ciftinorgal. Uureeŋgol dokkal man belŋgol fottanan Jawmiraawo.

Matta 27:46

Deydey saa'a tati Yeesu hooli bee sawtu, wi'i: “Eli, Eli, lema sabaktani?” Bana wi'go: “Yaa Allah am, yaa Allah am, ngam ɗume a wudini yam?”

Matta 27:50

Yeesu hooli bee sawtu fahin, nden o maayi.

Markus 15:34

Saa'a tati Yeesu hooli bee sawtu: “Elohi, Elohi, lema sabaktani?” Bana wi'go: “Yaa Allah am, yaa Allah am, ngam ɗume a wudini yam?”

Markus 15:37

Ammaa Yeesu hooli bee semmbe, o maayi.

Luka 23:46

Yeesu towni sawtu bee semmbe, wi'i: “Yaa Baabiraawo, mi ɗon halfina ruuhu am nder juŋngo maaɗa.” Ɓaawo nde o wolwi bolle ɗe'e, o maayi.

Yuhanna 1:14

Wolde go laati neɗɗo marɗo ɓanndu, o jooɗi caka meeɗen. O keewɗo mo'ere e gooŋga. Min ngi'i tedduŋgal maako, ɗum tedduŋgal Ɓiɗɗo bajjo mo Baabiraawo.

Yuhanna 11:35

Yeesu ilni gonɗi.

Yuhanna 11:42

Min kam, mi anndi a ɗon nanammi foroy, ammaa mi wi'i ɗum ngam mooɓre yimɓe dariiɓe haa ɗo, ngam haa ɓe nuɗɗina an neli yam.”

Yuhanna 17:1

Nde Yeesu timmini bolle ɗe'e fuu, o tijji asama, o wi'i: “Yaa Baabiraawo, saa'i am waɗi. Waŋgin tedduŋgal am, min Ɓiɗɗo maaɗa, ngam haa Ɓiɗɗo boo waŋgina tedduŋgal maaɗa.

Roma'en 8:3

Allah bee hoore mum huuwi ko tawreeta waawaay huuwugo ngam en tampuɓe. O neli Ɓiɗɗo maako marɗo ɓanndu bana ndu neɗɗo, maatuɗo esto hakke bana yimɓe fuu. O hiiti hakke nder ɓanndu neɗɗo oo. Bana nii o ittiri hakke,

Galaatiya'en 4:4

Ammaa nde wakkati waɗi, Allah neli Ɓiɗɗo mum. Kaŋko o danyaama e debbo, o yeeɗi les tawreeta,

1 Timote 3:16

Fakat, baŋginki sirri nuɗɗinki meeɗen mawni: O waŋgi bee ɓanndu neɗɗo, Ruuhu gooŋɗini mo. Malaa'ika'en ngi'i mo. Ummaatooje ngaazinaama kubar maako. Yimɓe duniyaaru nuɗɗini mo, o eeŋginaama nder tedduŋgal haa asama.

Ibraniŋke'en 10:10

Yeesu waɗi muuyo Allah, ngam maajum en laɓɓinaama diga hakkeeji ngam Yeesu Almasiihu lii'ani Allah ɓanndu mum, o waɗi nde woore, ɗum he'i haa foroy.

Ibraniŋke'en 10:5

Ngam maajum, nde Almasiihu ɓadake wargo nder duniyaaru, o wi'i Allah: “A yiɗaa kirsaaɗi e dokke, ammaa a waɗani yam ɓanndu.

Ibraniŋke'en 11:7

Bee nuɗɗinki, Nuuhu nani deentinki Allah dow ko tammi wargo koo nde o yi'aay ɗum tawon. O huli Allah, o waɗi koommbowal ngam hisnugo yimɓe saare maako. Daliila nuɗɗinki man, yimɓe duniyaaru kiitaama, o laati donoowo adilaaku, o heɓi ɗum bee nuɗɗinki maako.

Ibraniŋke'en 12:28

Ngam maajum, nde en keɓan laamu ngu dimmbataako, en ngetta Allah, en njaggano mo bana ɗum fottanta mo, bee leestinaare e kulol boo,

Ibraniŋke'en 13:20

Allah jawmu salaaman ummitini Jawmiraawo meeɗen Yeesu diga maayde – kaŋko o laati gaynaako baali mawɗo, o tabitini alkawal duumiiŋgal bee ƴiiƴam maako –

Ibraniŋke'en 2:14

Nde nii ɓiɓɓe ɓe'e ngoodi ɓanndu e ƴiiƴam, Yeesu boo waɗi hoore mum bana maɓɓe, o hoo'i ɓanndu bana ndu maɓɓe, ngam bee maayde maako, o halka marɗo baawɗe dow maayde, waato Iblisa,

1 Yuhanna 4:3

Ammaa to o yeddi Yeesu, nden kam ruuhu maako iwaay haa Allah, ɗum ruuhu konneejo Almasiihu. On nani ngu waran, ndaa jonta ngu ɗon nder duniyaaru.

2 Yuhanna 1:7

Ngam fewooɓe ɗuuɗɓe ɗon caŋkiti nder duniyaaru. Ɓe njaɓataa wi'go Yeesu Almasiihu laati neɗɗo fakat. Irin yimɓe ɓe'e, ɓe fewooɓe e konne'en Almasiihu.