Ibraniŋke'en 3:1 - Fulfulde Bible

¹ Ngam maajum onon deerɗiraaɓe am senaaɓe, ewnaaɓe Allah mo asama, ndaare Yeesu mo Allah neli haa o laato hooreejo liman'en mo en nuɗɗinta.

Fulfulde DC Bible

¹ Ngam maajum onon deerɗiraaɓe am senaaɓe, ewnaaɓe Allah mo asama, ndaare Yeesu mo Allah neli haa o laato hooreejo liman'en mo en nuɗɗinta.

Ibraniŋke'en 3:1 Iomraidhean Croise

Jabuura 110:4

Jawmiraawo hunake, o mimsitittaako: “An woni limanjo haa foroy bana no Malkisadaka wa'no.”

Esaaya 1:3

Ngaari anndi marɗo ɗum, wamnde boo anndi ngaɓaare haa jawmiire nyaamnata ɗum. Ammaa koo ko Isra'iila anndi, ummaatoore am faamataa sam.”

Esaaya 41:20

ngam haa ɓe ngi'a ɓe annda, ɓe ndaara, ɓe paama ɓe fuu, min Jawmiraawo waɗi ɗum, min Allah Ceniiɗo Isra'iila tagi ɗum.”

Esaaya 5:12

Hoodu e moolooru e mbaggu e ciidal e inaboojam moddinta juulɗe maɓɓe. Ammaa ɓe kakkilantaa kuugal Jawmiraawo, ɓe ngi'ataa kuuɗe ɗe o huuwani ɓe.

Ezekiyel 12:3

An, ɓii-Aadama, haɓɓu kuuje ma bana daheteeɗo. Dillu bee nyalawma gite maɓɓe, bana daheteeɗo. Yah bana daheteeɗo diga nokkuure ma haa nokkuure woɗnde, gite maɓɓe. Teema ɓe ngi'an, ɓe paaman ɓe tuurtooɓe.

Ezekiyel 18:28

To o annditi tuurtolji maako, nden o acci ɗi fuu, o yeeɗan fakat, o maayataa.

Haggay 1:5

Jonta ndaa nii Jawmiraawo honooɓe asama wi'i: Numte kuuɗe mon!

Haggay 2:15

Ammaa jonta, kakkilane ko waɗete diga hannde yahugo yeeso. Hiddeko on mballina hayre dow hayre haa haykaliiru Jawmiraawo,

Yuhanna 17:3

Ndaa ko woni ngeendam nduumiiɗam: Ɓe annda an woni Allah gooto, gooŋgaajo, ɓe annda boo Yeesu Almasiihu, nelaaɗo ma.

Yuhanna 20:21

Yeesu wi'i ɓe fahin: “Salaaman wonda bee mooɗon. Bana no Baabiraawo neli yam, min boo mi ɗon nela on.”

Yuhanna 20:27

Nden o wi'i Tomas: “Waddu hoondu ma haa ɗo, laar juuɗe am, waddu juŋngo ma, nastin ngo nder wuttudu am, accu waabaago, nuɗɗin.”

Kuuɗe Nelaaɓe 1:15

Nyannde feere, nde nuɗɗinɓe baakin teemerre e noogas (120) ɗon kawti, Piyer ummi caka deerɗiraaɓe, wi'i:

Roma'en 11:17

Isra'iila nanndi bee jaytunhi jarne. Lice goɗɗe ta'aama haa maaki. Onon on nastinaaɓe haa pellel maaje bana lice kese iwɗe jaytunhi laddeehi. On kawti bee lice luttuɗe, on ɗon keɓa semmbe diga ɗaɗol jaytunhi jarne.

Roma'en 15:27

Ɓe mbaɗi ɗum bee anniya maɓɓe. Ammaa ɗum laatani ɓe bana doole boo ngam nuɗɗinɓe Urusaliima cenndi hayruuji ɗi Ruuhu Allah hokki ɓe bee ummaatooje goɗɗe. Ngam maajum kamɓe boo sey ɓe mballa ɓe bee jawdi maɓɓe.

Roma'en 15:8

Mi ɗon wi'a on: Almasiihu laati kuuwanoowo Yahuudu'en haa o waŋginana ɓe gooŋgaaku Allah, o tabitina ko Allah iinanino kaakiraaɓe maɓɓe aartuɓe,

Roma'en 9:24

Enen boo en ɗon nder maɓɓe, o ewni en, naa nder Yahuudu'en tan, ammaa nder ummaatooje goɗɗe boo,

1 Korintu'en 1:2

mi ɗon winndana on, onon jama'aare yimɓe Allah wonɓe haa Korintu, senaaɓe nder Almasiihu Yeesu, ewnaaɓe ngam laataago seniiɓe hawtaade bee ewnotooɓe innde Jawmiraawo meeɗen Yeesu Almasiihu haa ɓe ngonata fuu, kaŋko woni Jawmiraawo maɓɓe e mo amin:

1 Korintu'en 10:17

Woodi tamseere woore tan. Ngam maajum, koo to en ɗuuɗɓe, en laati ɓanndu wooru, ngam en fuu en ɗon kawta nyaamugo tamseere woore.

1 Korintu'en 9:23

Ɗum fuu mi ɗon waɗa ɗum ngam Linjiila, haa mi heɓa geɗal am haa barkaaji maaka.

2 Korintu'en 1:7

Min ɗon tammo fakat, ngam min anndi nde nii on ɗon kawta bee amin nder boneeji, on kawtan boo bee amin nder de'itinki boo.

2 Korintu'en 9:13

To dokkal maajum waŋgini gooŋgaaku mon, nden kam ɓe teddinan Allah, ngam on ɗowtani seedamku linjiila Almasiihu, on cenndi hayruuji mon boo bee maɓɓe e bee yimɓe fuu.

Efesu'en 3:6

Ndaa sirri oo: Daliila Linjiila, yimɓe ummaatooje goɗɗe boo laatoto ronooɓe, ɓe laatoto terɗe haa ɓanndu Almasiihu, ɓe keɓan boo ko Allah iinani Isra'iila nder Yeesu Almasiihu.

Efesu'en 4:1

Mi ɗon wasa on, min, kaɓɓaaɗo ngam daliila Jawmiraawo: Ngeeɗe fodde ko fottanta ewnaandu ndu Allah ewnori on.

Efesu'en 4:4

Woodi ɓanndu wooru e Ruuhu gooto non boo tammunde woore daliila ewnaandu ndu Allah ewnori on,

Filippi'en 3:14

mi ɗon haɓda yottaago keerol daɗa-daɗa, haa mi heɓa keɓal ewnaandu ndu Allah ewnori yam nder Yeesu Almasiihu.

Kolossi'en 1:12

on ngetta Baabiraawo, ngam kaŋko waawni on heɓugo ndonŋgu ngu o yeɗani senaaɓe maako nder annoora.

Kolossi'en 1:22

Ammaa jonta, o sulhindiri on bee hoore maako bee maayde Ɓiɗɗo maako mo laati neɗɗo haa o darna on yeeso maako on senaaɓe, on ngalaa aybe, on ngalaa feloore.

Kolossi'en 3:12

Onon laatiiɓe suɓaaɓe Allah, senaaɓe e yiɗaaɓe, mare enɗam, mbaɗe mbooɗeeŋga, laate yaŋkiniiɓe, ɗelma-gikku'en e munyɓe.

1 Tessaloniiki'en 2:12

Min cemmbiɗini on, min tiɗɗini on, min umri on ngam haa on ngeeɗa fodde ngeendam ɗam fottanta Allah, mo ewni on haa on nasta laamu muuɗum e tedduŋgal muuɗum.

1 Tessaloniiki'en 5:27

Mi ɗon toro on bee innde Jawmiraawo: Njaŋngane deerɗiraaɓe fuu bataakewol ngo'ol.

2 Tessaloniiki'en 1:11

Ngam man min ɗon torano on foroy, ngam haa Allah meeɗen tawa on heƴiiɓe ngam ewnaandu ndu o ewnori on. Bee baawɗe maako, o walla on hebbitingo anniyaaji mooɗon booɗɗi fuu, o timmitina kuugal nuɗɗinki mooɗon fuu boo.

2 Tessaloniiki'en 2:14

Allah ewni on bee Linjiila ka min ngaazi on, haa on keɓa geɗal mooɗon haa tedduŋgal Jawmiraawo meeɗen Yeesu Almasiihu.

1 Timote 6:12

Sey a haɓa haɓre nuɗɗinki woonde haa keɓa ngeendam nduumiiɗam. Allah ewni ma haa ngeendam man saa'i mbaɗɗa seedamku nuɗɗinki ma mbooɗŋgu yeeso seedooɓe ɗuuɗɓe.

1 Timote 6:2

Jeyaaɗo goɗɗo Masiihiŋkeejo boo, taa o yawo jawmiiko ngam ɓe laati deerɗiraaɓe. Sey o huuwana mo bee tiinaare fantunde, ngam jawmiiko naftortooɗo kuugal maako, o giɗaaɗo Allah. Sey a ekkitina kuuje ɗe'e, a waso ɗe jama'aare.

2 Timote 1:9

Kaŋko hisni en, ewni en haa en laato yimɓe maako senaaɓe, naa ngam daliila kuuɗe men booɗɗe, ammaa ngam daliila muuyo maako e mo'ere maako nde o mo'ani en nder Yeesu Almasiihu diga zamanuuji ciwaano sam.

2 Timote 2:7

Numtu ko mbi'mi, ngam Jawmiraawo faamtinte koo ɗume fuu.

Ibraniŋke'en 10:19

Onon deerɗiraaɓe, ngam daliila ƴiiƴam Almasiihu ndufaaɗam en anndi fakat en keɓi laawol nastugo suudu ɓurndu senaago.

Ibraniŋke'en 10:21

En ngoodi hooreejo liman'en mawɗo nder saare Allah.

Ibraniŋke'en 10:23

Sey en ceedo tammunde nde'e yeeso yimɓe fuu bilaa tampere, ngam Allah o koolniiɗo, o waɗan ko o iini.

Ibraniŋke'en 13:22

Onon deerɗiraaɓe, mi ɗon toro on: Njaɓe bolle am ɗe'e bee munyal, haa ɗe tiɗɗina ɓerɗe mooɗon. Wasuyeewol am ngo'ol juutaay.

Ibraniŋke'en 2:11

Ngam mo senata yimɓe e ɓe o senata, ɓe fuu ɓe ngoodi Baabiraawo gooto. Ngam maajum o semtaay ewnaago ɓe deerɗiraaɓe maako.

Ibraniŋke'en 2:17

Ngam maajum doole o nannda kal-kal bee deerɗiraaɓe maako nder kuuje fuu, ngam haa o laato hooreejo liman'en marɗo enɗam, koolaaɗo nder njaggu Allah, haa yimɓe ummaatoore keɓa yaafuye hakkeeji muuɗum'en.

Ibraniŋke'en 3:12

Deerɗiraaɓe am, kakkile, taa ɓernde koo moy mooɗon halla, taa o laato sooya nuɗɗinkiijo haa o waylito, o acca Allah geeto.

Ibraniŋke'en 3:14

Ngam en laati kawtiɗiraaɓe Almasiihu, to en tabiti, en ndimmbaaki, en njogi hoolaare meeɗen diga fuɗɗam haa timmoode.

Ibraniŋke'en 6:20

Yeesu aarti en nastugo ton, o nasti ton ngam meeɗen. O laati hooreejo liman'en haa foroy bana Malkisadaka.

Ibraniŋke'en 7:26

Yeesu woni hooreejo liman'en mo haandani en. O ceniiɗo, o walaa aybe koo seɗɗa, o laaɓɗo, o senndaama bee hakke'en, o ɓaŋgtaama dow asamanji.

Ibraniŋke'en 7:28

Tawreeta Muusa darni tampuɓe ngam ɓe laato hoore'en liman'en. Ammaa koŋngol hunayeere Allah warnde ɓaawo tawreeta darni Ɓiɗɗo mo laati timmididɗo haa foroy.

Ibraniŋke'en 9:11

Ammaa jonta Almasiihu wari. Kaŋko woni hooreejo liman'en dow kuuje booɗɗe ɗe ngarani en jonta. O saali gal laymaaru ɓurndu ndu naane mawnugo e wooɗugo. Juuɗe yimɓe mbaɗaay ndu, waato ndu iwaay haa duniyaaru ndu'u.

Ibraniŋke'en 9:15

Ngam maajum Almasiihu woni hakkunndeejo Allah bee yimɓe nder alkawal kesal. O maayi ngam soottugo yimɓe diga aybeeji ɗi ɓe mbaɗno yaake ɓe ɗonno nder alkawal aranal, ngam haa ewnaaɓe Allah njaɓa ndonŋgu nduumiiŋgu ngu Allah iinani ɓe.

1 Piyer 2:9

Ammaa onon ngoni asŋgol cuɓaaŋgol, liman'en laamiiɗo, yimɓe ummaatoore seniinde. Allah wurtini on nyiɓre, yahri on haa annoora maako kayɗiniika. O suɓi on haa on ngaazina kuuɗe maako booɗɗe.

1 Piyer 3:5

Bana nii rewɓe senaaɓe ɓooyma laatiniri ko'e maɓɓe ɓe ŋarniiɓe, ɓe njo'ini tammunde maɓɓe haa Allah, ɓe leestaniiɓe worɓe maɓɓe.

1 Piyer 5:1

Jonta, mi ɗon waso ndotti'en jama'aare nuɗɗinɓe wonɓe caka mooɗon. Min boo mi ndottiijo bana mooɗon, mi seedi boneeji ɗi Almasiihu yari, mi nastan tedduŋgal ngal Allah tammi waŋginango en. Mi ɗon wi'a on:

1 Piyer 5:10

Ammaa to on njari bone wakkati seɗɗa, marɗo mo'ere fuu, waato Allah bee hoore muuɗum laatinan on on timmuɓe, tabitɓe, semmbiɗɓe ɓe ndimmbataako. Kaŋko ewni on nder Yeesu Almasiihu haa keɓon tedduŋgal maako duumiiŋgal.

1 Yuhanna 1:3

Ko min ngi'i e ko min nani, kanjum min anndinta on, onon boo, ngam haa on kawta bee amin nder kawtal amin bee Baabiraawo e bee Ɓiɗɗo mum Yeesu Almasiihu.

Yahuuda 1:1

Min Yahuuda, maccuɗo Yeesu Almasiihu, deerɗiraawo Yaakuba, mi ɗon winndana on onon ewnaaɓe, yiɗaaɓe Allah Baabiraawo e aynaaɓe Yeesu Almasiihu.

Wahayu Yuhanna 17:14

Ɓe kaɓan bee jawgel. Ammaa jawgel jaaloto ɓe, ngam kaŋgel woni Jawmiraawo jawmiraaɓe e Laamiiɗo laamiiɓe. Wonduɓe bee maako, ɓe ewnaaɓe e suɓaaɓe e hoolaaɓe, kamɓe boo ɓe njaaloto bee maako.”

Wahayu Yuhanna 18:20

“An asama, seya ngam halkere maagol! Ceye, onon senaaɓe Allah, nelaaɓe e annabi'en! Ngam Allah waatani on, hiiti ngol.”