Ibraniŋke'en 2:3 - Fulfulde Bible

³ Kadi bana noy en kisrata to en ɗon ngeebi kisndam mawɗam ɗa'am? Jawmiraawo bee hoore muuɗum aarti anndingo en kisndam ɗa'am, nden nanɓe mo tabitinani en ɗam.

Fulfulde DC Bible

³ Kadi bana noy en kisrata to en ɗon ngeebi kisndam mawɗam ɗa'am? Jawmiraawo bee hoore muuɗum aarti anndingo en kisndam ɗa'am, nden nanɓe mo tabitinani en ɗam.

Ibraniŋke'en 2:3 Iomraidhean Croise

Esaaya 12:2

Allah woni kisndam am, mi ɗon hoolo mo, mi diwnataa. Jawmiraawo woni semmbe am e yimre am, kaŋko laati kisndam am.”

Esaaya 20:6

Nyalaade man, jooɗiiɓe haa fomoonde mbeela nde'e mbi'an: Ndaa, bana nii tammunde men, hisrude walloore en wa'i ngam haa kisen juŋngo laamiiɗo Assuura. Noy ndaɗirten kadi?”

Esaaya 51:5

Adilaaku am ɓadake, kisndam am waŋgan, juuɗe am kiitoto ummaatooje. Duuɗe tammorto yam, ɗe ngeloto juŋngo am.

Esaaya 51:8

Ngam gilɗi nyaaman ɓe bana limce, somre nyaaman ɓe bana gaasa baali. Ammaa adilaaku am duumoto haa foroy, kisndam am tabitan diga yidere haa yidere.”

Esaaya 62:11

Ndaa, Jawmiraawo ɗon yeeyna haa yotti keeri duniyaaru: “Mbi'e Siyona: Kisndam ma ɗon wara. Mbarjaari maako ɗon bee maako, ngeenaari maako ɗon ardo mo.

Ezekiyel 17:15

Ammaa laamiiɗo Yahuuda tuurtani mo, neli nelaaɓe haa Misra ngam heɓa pucci e jama'aare konu ɗuuɗnde. O heɓan jaalorgal na? Kuuwɗo irin ɗu'um daɗan na? Ayye, o fiisti alkawal nii, o hisa kiita!”

Ezekiyel 17:18

O yawi hunayeere, o fiisti alkawal ngal ɓe kaɓɓuno bee dokkindirki juuɗe. O huuwi kuuɗe ɗe'e fuu. Ngam maajum o hisataa.”

Matta 23:33

Onon boɗɗe, ɓiɓɓe poosokje! Noy on mbaawrata hisugo kiita jahannama?

Matta 4:17

Diga saa'i man Yeesu fuɗɗi waazugo. O wi'i: “Tuube, ngam laamu asamanji ɓaditake!”

Markus 1:14

Ɓaawo naŋngeeki Yuhanna, Yeesu wari haa lesdi Galiili, o waazi Linjiila Allah,

Luka 1:2

Ɓe mbinndi ko min nani haa yi'ɓe kuuje ɗe'e bee gite muuɗum'en diga fuɗɗam, halfitinaaɓe kuugal anndingo kubaruwol man.

Luka 1:69

O darnani en kisnoowo cemmbiɗɗo, nder danygol Daawuda, jaggiiɗo maako.

Luka 24:19

O ƴami ɓe: “Ɗume laati?” Ɓe njaabi mo: “Ko laati dow Yeesu, mo Nasaratu, annabiijo baawɗo nder kuuɗe e bolle yeeso Allah e yeeso ummaatoore fuu,

Yuhanna 15:27

Onon boo on ceedanto yam, ngam on ngondi bee am diga fuɗɗam.

Kuuɗe Nelaaɓe 1:22

diga nyannde nde Yuhanna waɗani mo baptisma haa nyannde nde o eeŋga haa asama, ceediiɗo ummitineeki maako bee amin, foti hawtana min.

Kuuɗe Nelaaɓe 2:22

Onon Isra'iila'en, nananeeɗam: Yeesu mo Nasaratu, o gerdaaɗo Allah yeeso mooɗon. On anndi ɗum, ngam bee maako Allah waari kaayeefiiji e alaamaaji caka mooɗon.

Kuuɗe Nelaaɓe 4:12

Haa maako tan keɓeten kisndam, ngam walaa goɗɗo feere haa duniyaaru sam, mo Allah hokki baawɗe haa en keɓa hisrugo bee muuɗum.”

Roma'en 11:14

Mi tammi bee maagal mi heɓata ummingo kaajal yimɓe lenyol am, haa mi hisna woɗɓe maɓɓe.

Roma'en 2:3

Kadi, an kiitanɗo woɗɓe, ammaa a ɗon waɗa ko a hiitoto haa maɓɓe, a tammi a hisan kiita Allah na?

1 Korintu'en 1:21

Ngam nde nii duniyaaru bee hikma mum anndaa Allah ngam ndu annditaay hikma maako, Allah ɗon seyori hisnugo nuɗɗinɓe bee waazingo ko hikma'en duniyaaru mbi'ata faataare.

1 Tessaloniiki'en 5:3

Wakkati yimɓe mbi'ata: “Salaaman ɗon! Hoolɗinaare ɗon!” Nden halkere ukkanto ɓe bana luuwe ngaranta ɓesnanɗo. Ɓe ndaɗataa sam.

1 Timote 1:15

Ndaa wolde hoolniinde, he'iinde jaɓeego bilaa seko: Yeesu Almasiihu wari nder duniyaaru ngam hisnugo hakke'en. Min woni tulluɗo ɓe,

Titus 2:11

Ngam Allah waŋgini mo'ere mum laatiinde seeɓoore kisndam ngam yimɓe fuu.

Ibraniŋke'en 1:1

Ɓooyma, bee kunnduɗe annabi'en, Allah wolwani kaakiraaɓe meeɗen nde ɗuuɗɗum bee laabi feere feere.

Ibraniŋke'en 1:14

Ɓeye ngoni malaa'ika'en? Ɓe ruuhuuji, ɓe ɗon kuuwana Allah. Allah ɗon nela ɓe ngam haa ɓe mballa heɓanɓe kisndam.

Ibraniŋke'en 1:2

Ammaa nder balɗe ragareeje ɗe'e, o wolwani en bee hunnduko Ɓiɗɗomuuɗum. Bee maako Allah tagri koo ɗume fuu, o waɗi mo donoowo kuuje fuu.

Ibraniŋke'en 12:25

Kakkile, taa cale nanugo bolwanɗo jonta. Saliiɓe nanugo bolwuɗo haala Allah haa duniyaaru ngam reentingo ɓe, kisaay. Kadi noy enen en mbaawrata hisugo to en calake bolwanɗo diga asama!

Ibraniŋke'en 4:1

Allah accani en laawol nastugo siwtaare muuɗum ngam iinawol mum ɗon tabiti. Ngam maajum sey en kula, ngam taa gooto mooɗon sooya nastugo siwtaare man.

Ibraniŋke'en 4:11

Ngam maajum sey en tiino nastugo siwtaare nde'e, ngam taa koo gooto meeɗen do'o bee waɗugo sooynde ɗowtaare bana kaakiraaɓe meeɗen.

Ibraniŋke'en 5:9

Nde o laati timmididɗo, o laati jawmu kisndam nduumiiɗam ngam koo moy ɗowtani mo fuu.

Ibraniŋke'en 9:28

Bana non Almasiihu boo hokki yoŋki muuɗum nde woore ngam o itta hakkeeji ɗuuɗɓe. O waŋgan ɗiɗawre, naa ngam o itta hakkeeji, ammaa ngam o hisna reenɓe mo.

1 Yuhanna 1:1

Min ɗon mbinndana on dow Wolde hokkannde ngeendam, wonnoonde diga fuɗɗam, ko min nani, ko min ngi'i bee gite amin, ko min ndaari e ko min meemi bee juuɗe amin.

Yahuuda 1:17

Ammaa onon, soobiraaɓe am yiɗaaɓe, ciftore ko nelaaɓe Jawmiraawo meeɗen Yeesu Almasiihu ngeccuno on diga ɓooyma.

Wahayu Yuhanna 7:10

Ɓe fuu ɓe ngooki bee sawtu, ɓe mbi'i: “Kisndam iwi haa Allah amin, jooɗiiɗo dow leeso laamu e haa jawgel!”