Ibraniŋke'en 13:7 - Fulfulde Bible

⁷ Ciftore ardiiɓe on, wolwanɓe on wolde Allah. Ndaare timmoode ngeendam maɓɓe, tokke misaalu nuɗɗinki maɓɓe.

Fulfulde DC Bible

⁷ Ciftore ardiiɓe on, wolwanɓe on wolde Allah. Ndaare timmoode ngeendam maɓɓe, tokke misaalu nuɗɗinki maɓɓe.

Ibraniŋke'en 13:7 Iomraidhean Croise

Yimre Suleymaanu 1:8

To a anndaa nokkuure man sam, an boo, an mo ɓuri rewɓe fuu wooɗugo, nden kam tokka batte dammooji non, mbe'oy maaɗa ndehoy, a yahra koy durugo ton, haa nokkuure waynaaɓe fuu njooɗoto.

Matta 24:45

“Kadi, moy woni kuuwoowo koolaaɗo, kakkilɗo mo jaagorɗo mum halfini ɗum huuwooɓe saare mum, haa o hokka ɓe nyaamdu to saa'i man yottake?

Luka 12:42

Jawmiraawo jaabi: “Moy woni kaliifaajo koolaaɗo, kakkilɗo, mo jaagorɗo mum tammi darnugo dow huuwooɓe mum, ngam o hokka ɓe geɗal nyaamdu maɓɓe nder wakkati man?

Luka 5:1

Nyannde feere Yeesu ɗon dari dow fomoonde weendu Genesaret, yimɓe boo ɗon ɓiɗɗotira ngam nanugo wolde Allah.

Luka 8:11

“Ndaa ko balndol ngo'ol yiɗi wi'go: Aawdi ɗum wolde Allah.

Kuuɗe Nelaaɓe 13:46

Ammaa Pol e Barnabas mbolwi bee dartaare, ɓe mbi'i: “Doole min aarta wolwango on wolde Allah. Ammaa nde nii on cali jaɓugo ɗum, on kiiti ko'e mon on ke'aay heɓugo ngeendam nduumiiɗam, min accan on, min njahan haa ummaatooje goɗɗe!

Kuuɗe Nelaaɓe 14:23

Haa jama'aaje nuɗɗinɓe fuu ɓe cuɓani ɓe ndotti'en. Ɓe mbaɗi do'a, ɓe cuumi, ɓe kalfini ɓe haa Jawmiraawo mo ɓe nuɗɗini.

Kuuɗe Nelaaɓe 4:31

Nde ɓe timmini waɗgo do'a, nokkuure haa ɓe ɗonno kawti dimmbi. Ɓe fuu ɓe kebbinaama Ruuhu Ceniiɗo, ɓe ngaazi wolde Allah bee dartaare.

Roma'en 10:17

Bana non nuɗɗinki iwi haa nanugo waazu, waazu boo ɗon iwa haa wolde Almasiihu.

1 Korintu'en 10:13

Jarribooje keɓɗe on fuu, kanje keɓata woɗɓe. Ammaa Allah o koolniiɗo, o accataa on njarribe haa ɓura semmbe mooɗon. Yaake jarribeeki warani on, o hokkan on dabare hisugo, ngam haa on keɓa semmbe munyango ɗum.

1 Korintu'en 11:1

Tokke misaalu am, bana min mi tokkori misaalu Almasiihu.

1 Korintu'en 4:16

Ngam man mi ɗon toro on: Tokke misaalu am.

Filippi'en 3:17

Mbaɗe ko mi waɗata, onon deerɗam'en, cute tokkiiɓe misaaluwol ngol keɓɗon haa amin.

1 Tessaloniiki'en 1:6

Onon boo, on tokki misaalu amin e misaalu Jawmiraawo. Koo nde on ɓilliiɓe masin, on njaɓi kubar maako bee seyo ngo Ruuhu Allah hokki on.

1 Tessaloniiki'en 2:13

Min ɗon ngetta Allah tum fahin dow huunde woore: Ngam saa'i min ngaazini on wolde maako, on njaɓaay nde bana wolde neɗɗo, ammaa fakat bana nde Allah. Kayre nden huuwata nder mooɗon, onon nuɗɗinɓe.

2 Tessaloniiki'en 3:7

On anndi booɗɗum haani on tokko misaalu amin. Min njooɗaaki bana mbaateendam'en caka mooɗon,

2 Tessaloniiki'en 3:9

Fakat, min ke'anno jaɓugo nguure haa mooɗon. Ammaa min ngiɗi on tokko misaalu amin.

1 Timote 3:5

Ngam to goɗɗo anndaa ɗowugo saare mum, noy o waawrata aynugo jama'aare nuɗɗinɓe Allah?

Ibraniŋke'en 13:17

Ɗowtane ardiiɓe on, leestane ɓe. Ngam ɓe ɗon ayna yoŋkiiji mooɗon tum, ngam ɓe njaaboto Allah dow kuuɗe maɓɓe. To on mbaɗi non, ɓe kuuwan bee seyo. To naa non, ɓe kuuwan bee mone, kanjum boo ɗum nafataa on.

Ibraniŋke'en 13:24

Koofne ardiiɓe on fuu, koofne senaaɓe Allah fuu. Deerɗiraaɓe haa Italiya koofni on.

Ibraniŋke'en 6:12

Taa on laato mbaateendam'en, ammaa on tokko misaalu aartuɓe on nuɗɗingo bee munyal, heɓɓe ndonŋgu ngu Allah iinani ɓe.

1 Piyer 4:11

Mo waazata, sey o waazo wolde Allah. Mo huuwanta goɗɗo, sey o huuwana mo bee semmbe ɗe Allah hokkata mo. Nder ko en mbaɗata fuu, sey en teddina Allah bee Yeesu Almasiihu. Kaŋko mari tedduŋgal e baawɗe haa foroy! Aamiina.

Wahayu Yuhanna 1:9

Min Yuhanna, deerɗiraawo mooɗon, kawtuɗo bee mooɗon nder torra e laamu Allah e tiiɗal nder Yeesu, mi ɗonno haa duunde wi'eteende Patmos ngam daliila wolde Allah e seedamku Yeesu.

Wahayu Yuhanna 20:4

Nden mi yi'i leese laamu. Jooɗiiɓe dow maaje keɓi baawɗe hiitaago. Mi yi'i yoŋkiiji ta'aaɓe ko'e daliila seedamku Yeesu e ngam wolde Allah. Mi yi'i boo yimɓe ɓe cujidanaayno ndabbaawa malla suura maaga, ɓe njaɓaayno maandorde ndabbaawa haa tiinde malla haa juŋngo. Ɓe ɗon ngeeɗi bee Almasiihu, ɓe ɗon laamo bee maako duuɓi ujineere.

Wahayu Yuhanna 6:9

Nde jawgel takkiti takkannde jowaɓre, mi yi'i les hirsirde, yoŋkiiji mbaraaɓe ngam daliila wolde Allah e seedamku ngu ɓe ceedi.