Ibraniŋke'en 13:13 - Fulfulde Bible

¹³ Sey en ngurto, en njaha haa maako haa yaasi saŋngeere ngam haa en munyana yawaare nde o munyani.

Fulfulde DC Bible

¹³ Sey en ngurto, en njaha haa maako haa yaasi saŋngeere ngam haa en munyana yawaare nde o munyani.

Ibraniŋke'en 13:13 Iomraidhean Croise

Matta 16:24

Nden Yeesu wi'i pukara'en muuɗum: “To goɗɗo yiɗi tokkaago yam, sey o acca muuyo maako, o roondo gaafaaŋgal maako, o tokko yam.

Matta 27:32

Nde ɓe ɗon ngurto, ɓe potti bee goɗɗo Sirene, innde maako Simon. Ɓe ndooli mo roondaago gaafaaŋgal Yeesu.

Matta 5:11

Barka laatanto on, to yimɓe kuɗi on malla toonyi on malla mbaɗi tufle feere feere dow mooɗon daliila am.

Luka 6:22

Barka laatanto on, to yimɓe nganyi on, ngurtini on caka maɓɓe, kuɗi on, mbolwi kalluka dow mooɗon daliila Ɓii-neɗɗo.

Luka 9:23

O wi'i yimɓe fuu fahin: “To goɗɗo yiɗi tokkaago yam, sey o acca muuyo maako, o roondo gaafaaŋgal maako nyalaade fuu e o tokko yam.

Kuuɗe Nelaaɓe 5:41

Nelaaɓe ummi caka dawrooɓe, ngurti, ndilli. Ɓe seyiiɓe masin ngam Allah heyni ɓe torreego ngam daliila innde Yeesu.

2 Korintu'en 12:10

Ngam maajum mi ɗon seyoro tampe am, mi ɗon seyoro kuudi yimɓe, cakle, toonyaaŋgeeji e ɓillaaje ngam daliila Almasiihu. Ngam yaake mi tampuɗo, yaake man nden mi cemmbiɗɗo.

Ibraniŋke'en 11:26

Yaweego bana Almasiihu ɓuri ndesaaji Misra fuu saman ngam maako, ngam numooji maako ɗon tiiti mbarjaari nder garanɗum.

Ibraniŋke'en 12:2

Taa en acca sutugo Yeesu ngam nuɗɗinki meeɗen ɗon dari dow maako diga fuɗɗoode haa timmoode. Nde ɓe mbari mo haa leggal gaafaaŋgal, o munyi ɗum. O numaay dow mbustu maayde nde'e, ngam daliila seyo ngo Allah sigani mo. Jonta o ɗon jooɗi dow leeso laamu haa nyaamo Allah.

Ibraniŋke'en 12:3

Nume dow goɗɗo mo munyani tuurtol hakke'en! Kanjum ɗum wallan on ngam taa on tampa.

Ibraniŋke'en 12:4

Ngam nder haɓre mooɗon bee hakke on kaɓaay haa yotti maayde tawon.

1 Piyer 4:4

Jonta heefeerɓe ɓe'e ɗon kayɗina ngam on kawtataa bee maɓɓe nder joonde maɓɓe hallunde e pijirle maɓɓe kalluɗe. Ngam man ɓe nasti huɗugo on.