Ibraniŋke'en 12:27 - Fulfulde Bible

²⁷ Kalimaaji “nde woore fahin” ɗon kolla en laaɓɗum no tagaaɗum fuu dimmboto, ittete ngam haa ko dimmbataako tabita.

Fulfulde DC Bible

²⁷ Kalimaaji “nde woore fahin” ɗon kolla en laaɓɗum no tagaaɗum fuu dimmboto, ittete ngam haa ko dimmbataako tabita.

Ibraniŋke'en 12:27 Iomraidhean Croise

Esaaya 34:4

Jayli asamanji campititto. Asamanji taggoto bana deftere taggaande, jayli asamanji caaman bana haako inabohi e ibbi saamirta.

Esaaya 54:10

Koo to kooseeje cotti, towndiije boo ndimmbake, mbooɗeeŋga am sottantaa on, alkawal salaaman am bee mooɗon dimmbataako.” Non Jawmiraawo enɗoowo on wi'i.

Esaaya 65:17

“Ndaa, mi tagan asamaawu kesu e lesdi kesri. Kuuje ɓooymaaje ciftortaake, ɗe ngartataa haa numo goɗɗo.

Esaaya 66:22

“Mi tagan asamaawu kesu e lesdi kesri, ɗum tabitan yeeso am. Bana non danygol e innde mon tabitirta.

Ezekiyel 21:27

Ndaa, kurol bee innde Urusaliima ɗon haa juŋngo maako nyaamo. Ngol wi'i mo o yaha, o jo'ina kuuje ceekruɗe mahol, o umra mbareeki yimɓe, o wooka wookaandu konu, o nelda kuuje goɗɗe ngam fusugo dammuɗe, o waaga lesdi ɗakki mahol ngam hippaago berniwol ngo'ol.

Haggay 2:21

“Wolwan Zorobaabila, ngomna dow Yahuuda, yeccu mo: Mi dimmban asamanji e lesdi,

Matta 24:35

Asama e lesdi njinnan, ammaa bolle am njinnataa sam.”

Roma'en 8:19

Tagefo fuu ɗon yenwa masin haa Allah waŋgina ɓiɓɓe mum bee tedduŋgal.

Roma'en 8:21

rimɗugo e njeyaaŋgu halkere, ngo hawta bee ɓiɓɓe maako nder ndimu e tedduŋgal.

1 Korintu'en 7:31

Naftortooɓe duniyaaru boo, taa ndaara bana woodi ko ɓe naftori bee gooŋga. Ngam duniyaaru bana ndu wa'i jonta ni'i, ndu jinnan.

Ibraniŋke'en 1:10

Kadiboo o wi'i: “An yaa Jawmiraawo, a tagi duniyaaru diga fuɗɗam, asamanji, ɗum kuugal juuɗe maaɗa,

Ibraniŋke'en 13:14

Ngam en ngalaa joonde tabitnde haa duniyaaru ndu'u, en ɗon ndeena joonde warannde.

Ibraniŋke'en 9:11

Ammaa jonta Almasiihu wari. Kaŋko woni hooreejo liman'en dow kuuje booɗɗe ɗe ngarani en jonta. O saali gal laymaaru ɓurndu ndu naane mawnugo e wooɗugo. Juuɗe yimɓe mbaɗaay ndu, waato ndu iwaay haa duniyaaru ndu'u.

Wahayu Yuhanna 11:15

Nden malaa'ikaajo njoweeɗiɗaɓo fuufi luwal muuɗum. Mi nani sawtuuji cemmbiɗɗi nder asama, ɗi ɗon mbi'a: “Laamu duniyaaru laatanake Jawmiraawo meeɗen e Almasiihu muuɗum, o laamoto haa abada abadin!”

Wahayu Yuhanna 21:1

Nden mi yi'i asamaawu kesu e lesdi kesri. Asamaawu aartuŋgu e lesdi aartundi majji, mbeela boo walaa fahin.

Wahayu Yuhanna 21:4

O woostan gonɗi diga gite maɓɓe fuu. Walaa maayde, walaa suno, walaa bojji, walaa bone fahin. Ngam kuuje ɓooymaaje caalake.”

Wahayu Yuhanna 21:5

Nden jooɗiiɗo dow leeso laamu go wi'i: “Ndaa mi ɗon hesɗitina koo ɗume fuu!” O wi'i yam: “Winndu ɗum, ngam bolle ɗe'e, ɗe gooŋgaaje, ɗe koolniiɗe.”