Ibraniŋke'en 12:2 - Fulfulde Bible

² Taa en acca sutugo Yeesu ngam nuɗɗinki meeɗen ɗon dari dow maako diga fuɗɗoode haa timmoode. Nde ɓe mbari mo haa leggal gaafaaŋgal, o munyi ɗum. O numaay dow mbustu maayde nde'e, ngam daliila seyo ngo Allah sigani mo. Jonta o ɗon jooɗi dow leeso laamu haa nyaamo Allah.

Fulfulde DC Bible

² Taa en acca sutugo Yeesu ngam nuɗɗinki meeɗen ɗon dari dow maako diga fuɗɗoode haa timmoode. Nde ɓe mbari mo haa leggal gaafaaŋgal, o munyi ɗum. O numaay dow mbustu maayde nde'e, ngam daliila seyo ngo Allah sigani mo. Jonta o ɗon jooɗi dow leeso laamu haa nyaamo Allah.

Ibraniŋke'en 12:2 Iomraidhean Croise

Jabuura 110:1

Yimre Daawuda. Jawmiraawo wolwani jawmam: “Jooɗa haa nyaamo am, haa to mi laatini konne'en ma jaaɓruɗum kosɗe ma.”

Jabuura 138:8

A timminan haala am jam, yaa Jawmiraawo, mbooɗeeŋga ma ɗon tabiti haa foroy. Taa wudin tagaaɓe maaɗa!

Esaaya 31:1

Bone laatanto yahanɓe haa Misra ngam ɗaɓɓititgo ballal. Ɓe ɗon tuugo dow pucci, ɓe ɗon koolo mootaaji pucci Misra ngam ɗi ɗuuɗɗi e wa'iiɓe pucci ɓe'e ɓe semmbiɗɓe. Ammaa ɓe tijjataako heedi Ceniiɗo Isra'iila, ɓe ƴamataa Jawmiraawo.

Esaaya 45:22

“Kadi ngaylite haa am, kise, onon yimɓe haa keeri duniyaaru fuu! Ngam min woni Allah, walaa goɗɗo feere sam.

Esaaya 53:3

Yimɓe njawi mo, ngudini mo. O woowri bee naaworlaaji e bone, koo moy wiirni yeeso mum ngam taa yi'a mo. En njawi mo, en paalaay mo.

Esaaya 8:17

Mi ɗon heɗito Jawmiraawo mo wiirnani danygol Yaakubu yeeso muuɗum. Kaŋko mi tammori.

Mika 7:7

Ammaa min, gal Jawmiraawo mi tiitoto, mi ɗon tammoro Allah mo hisnatam, Allah am nanatam.

Zekariya 12:10

Ammaa dow saare Daawuda e jooɗiiɓe nder Urusaliima mbaannjanmi ruuhu mbooɗeeŋga e do'a. Ɓe tijjoto yam ngam daliila am, min mo ɓe njuwi. Ɓe mboyatam bana no ɓe mboyrata ɓiɗɗo bajjo. Ɓe mboyatam masin, bana goɗɗo woyrata to afo mum maayi.

Limle 21:9

Muusa waɗi mboodi njamndi mboɗeeri, o ɓili ndi dow leggal. Koo moy ŋataaɗo, laari mboodi njamndi, hisi maayugo.

Matta 16:21

Diga saa'i man Yeesu fuɗɗi faamtingo pukara'en muuɗum, o wi'i: “Doole mi yaha Urusaliima, mi yara bone ɗuuɗɗum diga ndotti'en e mawɓe liman'en e moodiɓɓe tawreeta, ɓe mbarammi, ammaa mi ummito diga maayde nyalaade tataɓre.”

Matta 20:28

Ngam Ɓii-neɗɗo boo waraay ngam yimɓe kuuwana mo, ammaa ngam o huuwana yimɓe, o hokka yoŋki maako ngam soottugo ɗuuɗɓe.”

Markus 14:36

O wi'i: “Yaa Baabiraawo am, an a waawi waɗugo koo ɗume fuu. Ittanam jardugel torra nge'el. Ammaa waɗ ko ngiɗɗa, naa ko ngiɗmi.”

Markus 15:28

[Bana nii ko deftere wi'i gooŋɗiri, nde wi'i: “Ɓe limi mo nder huuwooɓe zunuuba.”]

Markus 16:19

Ɓaawo nde Jawmiraawo timmini wolwango pukara'en muuɗum, o eeŋgti haa asama, o jooɗi haa nyaamo Allah.

Markus 9:12

O jaabi ɓe: “Gooŋga Eliya aartan wargo, o mo'itina kuuje fuu. Kadi ngam ɗume Deftere wi'ata doole Ɓii-neɗɗo yara bone ɗuuɗɗe, yimɓe boo meeriɗina mo?

Markus 9:24

Law baaba ɓiŋngel hooli: “Mi nuɗɗini, ammaa ɗum caɗɗum haa am, wallam!”

Luka 17:5

Nelaaɓe mbi'i Jawmiraawo: “Ɓesdan min nuɗɗinki!”

Luka 23:11

Hirudus e sooje'en muuɗum njanci mo e ɓe njawi mo. Ɓe ɓorni mo mojaare ɗelkannde, ɓe lorni mo haa Pilaatu.

Luka 24:26

Naa doole Almasiihu torroro kuuje ɗe'e fuu hiddeko o nasta tedduŋgal maako na?”

Yuhanna 1:29

Jaŋngo man Yuhanna yi'i Yeesu ɗon wara haa maako, o wi'i: “Ndaa jawgel Allah ittanŋgel hakkeeji duniyaaru.

Yuhanna 12:24

Gooŋga mi wi'ata on: To wabbere alkamaari uwaaka nder lesdi, to nde waataay, nde jooɗoto feere maare. Ammaa to nde waati, nde riman gabbe ɗuuɗɗe.

Yuhanna 12:32

Min, to mi ɓaŋgtaama diga lesdi, mi fooɗan yimɓe fuu haa am.”

Yuhanna 13:3

Yeesu anndi, o wari diga Allah, o loroto haa Allah, o anndi boo Allah hokki mo baawɗe dow koo ɗume fuu.

Yuhanna 6:40

Ndaa ko Baabiraawo am yiɗi: Koo moy yi'i Ɓiɗɗo, nuɗɗini mo, heɓi ngeendam nduumiiɗam, mi ummitinan mo diga maayde, nyalaade darŋgal.”

Yuhanna 8:56

Ibrahiima kaaka mooɗon seyori yi'ugo nyalaade am, o yi'i nde, o seyi.”

Kuuɗe Nelaaɓe 2:36

Ngam maajum sey Isra'iila'en fuu paama fakat, Yeesu oo, mo on ɓili dow leggal gaafaaŋgal, Allah laatini mo Jawmiraawo e Almasiihu!”

Kuuɗe Nelaaɓe 3:15

Non on mbari jawmu ngeendam, ammaa Allah ummitini mo diga maayde. Minin boo min seedooɓe haala ka'a.

Kuuɗe Nelaaɓe 5:31

Allah boo ɓaŋgti mo, jo'ini mo haa nyaamo muuɗum, laatini mo laamiiɗo, kisnoowo, ngam haa Isra'iila heɓa tuubu e yaafuye hakkeeji.

Kuuɗe Nelaaɓe 5:41

Nelaaɓe ummi caka dawrooɓe, ngurti, ndilli. Ɓe seyiiɓe masin ngam Allah heyni ɓe torreego ngam daliila innde Yeesu.

1 Korintu'en 1:18

Halkanɓe ɗon ndaara kubar maayde Almasiihu dow leggal gaafaaŋgal bana faataare. Ammaa ngam meeɗen enen hisanɓe kam, en anndi ɗum baawɗe Allah.

1 Korintu'en 1:23

Ammaa enen en ɗon ngeyna kubar Almasiihu ɓilaaɗo haa leggal gaafaaŋgal. Haa Yahuudu'en ɗum laatake daliila fergere maɓɓe, haa ummaatooje goɗɗe boo ɗum laatanake ɓe faataare.

Efesu'en 2:16

o sulhindira asliiji ɗiɗi ɗi'i bee Allah, nder ɓanndu wooru bee maayde maako dow leggal gaafaaŋgal, o itta konnaagu.

Efesu'en 5:2

Ngeeɗe nder yiide bana no Almasiihu yiɗiri en, o hokki yoŋki maako ngam meeɗen. O lii'ani ki Allah bana kirsaaɗum, bana dokkal marŋgal uureeŋgol belŋgol.

Filippi'en 1:6

Mi anndi fakat, Allah puɗɗuɗo kuugal booɗŋgal nder mooɗon timminan ngal boo haa nyalaade nde Yeesu Almasiihu loroyto.

Filippi'en 3:20

Ammaa enen kam, haa asama wuro men woni. Diga ton boo Kisnoowo en, Jawmiraawo Yeesu Almasiihu mo min ndeenata iwoyta.

2 Timote 4:8

Jonta keɓal daɗki ɗon reenammi. Jawmiraawo, kiitoowo adiliijo hokkatam woronnde adilaaku nyalaade darŋgal, naa haa am tan, ammaa haa yenwanɓe baŋguki maako fuu.

Ibraniŋke'en 1:13

Allah meeɗaay wi'go koo moy malaa'ikaajo: “Jooɗa haa nyaamo am, haa to mi laatini konne'en ma jaaɓruɗum kosɗe ma.”

Ibraniŋke'en 1:3

Ɓiɗɗo oo o annoora tedduŋgal Allah, o waŋgini no Allah wa'i fuu, o ɗon jogi kuuje fuu bee wolde maako marnde baawɗe. Ɓaawo nde o laɓɓini yimɓe diga hakkeeji muuɗum'en, o jooɗi haa asama haa nyaamo Allah, marɗo maŋngu fuu.

Ibraniŋke'en 10:14

Ngam o lii'i ɓanndu maako nde woore, o timmidini laɓɓingo yimɓe ɓe o seni haa foroy.

Ibraniŋke'en 10:33

Ndego ɓe kuɗi on, ɓe toonyi on yeeso yimɓe, luttuɓe mooɗon boo tiɗɗini huɗaaɓe go.

Ibraniŋke'en 11:36

Woɗɓe njancaama, ɓoccaama, woɗɓe boo kaɓɓaama, cakkinaama nder fursina,

Ibraniŋke'en 12:3

Nume dow goɗɗo mo munyani tuurtol hakke'en! Kanjum ɗum wallan on ngam taa on tampa.

Ibraniŋke'en 13:13

Sey en ngurto, en njaha haa maako haa yaasi saŋngeere ngam haa en munyana yawaare nde o munyani.

Ibraniŋke'en 5:9

Nde o laati timmididɗo, o laati jawmu kisndam nduumiiɗam ngam koo moy ɗowtani mo fuu.

Ibraniŋke'en 7:19

Ngam tawreeta Muusa waawaay timmidingo koo ɗume. Jonta en keɓi tammunde ɓurnde mawnugo, kayre ɓadinta en bee Allah.

Ibraniŋke'en 8:1

Ndaa haala ɓurka mawnugo nder ko min mbi'ata: En ngoodi hooreejo liman'en, jooɗiiɗo dow leeso laamu haa nyaamo Allah marɗo maŋngu fuu haa asamanji.

Ibraniŋke'en 9:28

Bana non Almasiihu boo hokki yoŋki muuɗum nde woore ngam o itta hakkeeji ɗuuɗɓe. O waŋgan ɗiɗawre, naa ngam o itta hakkeeji, ammaa ngam o hisna reenɓe mo.

Yaakuba 2:1

Deerɗiraaɓe am, nde on nuɗɗinɓe Jawmiraawo meeɗen Yeesu Almasiihu tedduɗo, taa cenndindire yimɓe.

1 Piyer 3:18

Ngam Almasiihu bee hoore muuɗum maayi nde woore ngam hakkeeji yimɓe, nafuuda man jinnataa haa foroy. O walaa hakke, ammaa o maayi ngam marɓe hakke, ngam o yahra on haa Allah. Yimɓe mbari mo, ammaa Ruuhu Ceniiɗo yeeɗitini mo.

1 Piyer 3:22

mo eeŋgi haa asama, jooɗi haa nyaamo Allah. O ɗon laamano malaa'ika'en e marɓe laamu e marɓe baawɗe.

Yahuuda 1:21

tabite nder yiide Allah, nde on ɗon ndeena haa Jawmiraawo meeɗen Yeesu Almasiihu hinno on, hokka on ngeendam nduumiiɗam.

Wahayu Yuhanna 1:11

ɗon wi'a: “Ko ngi'ata, winndu ɗum nder deftere, neldu ɗum haa jama'aaje nuɗɗinɓe joweeɗiɗi gonɗe haa Efesus e Simirna e Pergame e Tiyatira e Sardis e Filadelfiya e Lawdikiya.”

Wahayu Yuhanna 1:17

Nde mi yi'i mo, mi do'i yeeso maako bana maayɗo. O wallini juŋngo maako nyaamo dow hoore am, o wi'i: “Taa hul! Min woni arano e ragareejo.

Wahayu Yuhanna 1:8

Jawmiraawo Allah wi'i: “Min woni Alfa e Omega, mo ɗon e mo ɗonno ɓooyma, mo ɗon wara boo, min woni Baawɗo dow koo ɗume fuu.”

Wahayu Yuhanna 2:8

“Winndan malaa'ikaajo jama'aare nuɗɗinɓe haa Simirna ni'i: Ndaa koŋngol iwŋgol haa bi'eteeɗo arano e ragareejo, mo maayino, ammaa mo yeeɗiti: