Ibraniŋke'en 12:15 - Fulfulde Bible

¹⁵ Kakkile ngam taa koo gooto mooɗon loro ɓaawo, acca mo'ere Allah. Kakkile taa koo moy mooɗon laato bana haako haaɗko, ko ɗon mawna, ko ɗon tampina yimɓe ɗuuɗɓe bee tooke maako.

Fulfulde DC Bible

¹⁵ Kakkile ngam taa koo gooto mooɗon loro ɓaawo, acca mo'ere Allah. Kakkile taa koo moy mooɗon laato bana haako haaɗko, ko ɗon mawna, ko ɗon tampina yimɓe ɗuuɗɓe bee tooke maako.

Ibraniŋke'en 12:15 Iomraidhean Croise

1 Laamiiɓe 14:16

O wudinan Isra'iila'en ngam daliila hakkeeji Yerobo'am ɗi o waɗi bee hoore maako e ɗi o huuwni Isra'iila'en boo.”

Gurtaaki 32:21

Muusa ƴami Haruna: “Ɗume ummaatoore nde'e waɗi ma haa ngadduɗa hakkewol maŋngol ngo'ol dow maɓɓe?”

Balndi 4:23

Hakkilan ko a numata, ngam ngeendam ma laatoto bana numooji ma.

Esaaya 5:4

Koni ka rimaay ɓiɓɓe belɗe, sey lammuɗe? Ko ngejjititmi huuwugo ka? Mbi'e ko lutti!

Esaaya 5:7

Isra'iila woni ngesa inabooje Jawmiraawo honooɓe asama, worɓe Yahuuda ɗum lekkon maako cuɓaakon kon o jubi. O ɗaɓɓiti kiita ngooŋɗuka, sooynde adilaaku o tawi, o ɗaɓɓi adilaaku, hoolo tampuɓe o tawi.

Yeremiya 2:21

Mi jubi on bana inabohi cuɓaaki, bana fuɗŋgo wooɗŋgo. Ko waɗi mi ɗon yi'a jonta on ngayli, on laati inabohi bonniiki, jananhi?

Luka 22:32

Ammaa mi torake ngam maaɗa, ngam taa nuɗɗinki ma tampa. An, to a tuubi, semmbiɗin deerɗiraaɓe ma.”

1 Korintu'en 10:12

Ngam maajum, tammiiɗo o ɗon dari fuu, sey o hakkila ngam taa o do'o.

1 Korintu'en 13:8

Yiide duumoto haa foroy. Bolle annabaaku njinnan, wolwugo bee ɗemɗe ɗe anndaaka timman, anndal boo majjan.

1 Korintu'en 15:33

Taa este ko'e mooɗon! “Tokkotirgo bee kalluɗo wonnan gikku mbooɗŋgu.”

1 Korintu'en 5:6

Juro mooɗon yahaay sam! On anndaa ufnirɗum seɗɗa ufnan kullu fuu na?

2 Korintu'en 13:5

Linye ko'e mooɗon kadi. Annde to on ɗon tabiti nder nuɗɗinki. Sey on keɓta ɗum bee ko'e mooɗon. On anndi fakat Yeesu Almasiihu ɗon wondi bee mooɗon na? To naa non, on ndo'ake.

2 Korintu'en 6:1

Nde nii min huuwdooɓe bee Allah, min ɗon toro on: Taa lasbine mo'ere Allah nde keɓɗon.

Galaatiya'en 2:13

Deerɗiraaɓe Yahuudu'en woɗɓe boo mbaɗi naafikaare man, haa Barnabas maa nasti nder naafikaare maɓɓe man.

Galaatiya'en 5:4

To on ɗon ɗaɓɓita adilaaku Allah dow laawol tawreeta, nden kam on cenndiri bee Almasiihu, on ngalaa geɗal haa mo'ere Allah boo.

Efesu'en 5:3

Bana no ɗum haandani senaaɓe, taa haala daakaareeku e coɓki koo kiye e suuno wolwe caka mooɗon.

Tooktaaki Tawreeta 29:18

Taa goɗɗo, nanɗo bolle hunayeere ɗe'e sarga hoore mum bee numugo nder ɓernde mum: Mi heɓan salaaman, koo to mi saatini hoore am, to mi waɗi ko ɓernde am yiɗi, nden o nastina woɗɓe nder dewki labbi.

Tooktaaki Tawreeta 32:32

Ngam kamɓe ɓe nanndi bee yimɓe Sodoma e Gomorra, ɓe nanndi bee inabooje bonniiɗe, dimooje ɓenndalooje keewɗe tooke e kaaɗeeŋga,

Tooktaaki Tawreeta 4:9

Ammaa ndeente! Kakkilane ko'e mon booɗɗum, taa ngejjite ko ngi'ɗon bee gite mon, njoge ɗum balɗe mooɗon fuu. Ngecce ɓikkoy mon e taaniraaɓe mon

Kolossi'en 3:5

Sey on mbara kuuje duniyaaru gonɗe nder terɗe mooɗon, bana daakaareeku e coɓki e yiide kuuje cemtiniiɗe e kalluɗe e suuno, suuno ɗum rewugo lawru.

Titus 1:15

Haa laaɓa-ɓerɗe'en, koo ɗume fuu laaɓi. Ammaa haa soɓɓe e sooyɓe nuɗɗinki, walaa ko laaɓi, ngam hakkiilooji maɓɓe e numo ɓerɗe maɓɓe coɓi.

Ibraniŋke'en 3:12

Deerɗiraaɓe am, kakkile, taa ɓernde koo moy mooɗon halla, taa o laato sooya nuɗɗinkiijo haa o waylito, o acca Allah geeto.

Ibraniŋke'en 4:1

Allah accani en laawol nastugo siwtaare muuɗum ngam iinawol mum ɗon tabiti. Ngam maajum sey en kula, ngam taa gooto mooɗon sooya nastugo siwtaare man.

Ibraniŋke'en 4:11

Ngam maajum sey en tiino nastugo siwtaare nde'e, ngam taa koo gooto meeɗen do'o bee waɗugo sooynde ɗowtaare bana kaakiraaɓe meeɗen.

Ibraniŋke'en 6:11

Min ngiɗi koo moy mooɗon tokko waɗugo ɗum bee tiinaare bana naane haa timmoode, ngam haa on keɓa ko on tammoto.

Yosuwa 6:18

Ammaa kakkile! Ndeente ko'e mon, taa koo'e koo ɗume nder kuuje kaɗaaɗe ngam ɗum harmi, ammaa nattine ɗe ngam taa on pooɗana Isra'iila sarru e nattere.

2 Piyer 1:10

Ngam maajum deerɗam'en, tiine tabitingo ewnaandu e cuɓki mooɗon. To on mbaɗi non, on pergataako sam.

2 Piyer 2:18

Bee bolle meereeje, elewɗe masin e bee suunooji cemtiniiɗi, ɓe ɗon esta daɗɓe yeeɗanɓe nder majjere bee daker.

2 Piyer 3:11

Nde nii kuuje ɗe'e fuu kalkan bana non, on anndi haani on njooɗo nder senaare e nder kulol Allah,

2 Piyer 3:14

Ngam man yiɗaaɓe am, nde nii on ɗon ndeena ɗum, kaɓde jooɗaago on laaɓɓe, bilaa aybe yeeso Allah haa on njooɗo nder salaaman bee maako.

2 Yuhanna 1:8

Kakkilane ko'e mooɗon, ngam taa on majjina nafuuda kuugal amin ngam mooɗon, ammaa haa on keɓa mbarjaari mooɗon fuu.