Ibraniŋke'en 11:37 - Fulfulde Bible

³⁷ ɓe piɗaama bee kaa'e haa ɓe maayi, ɓalli maɓɓe ta'aama geɓe ɗiɗi, ɓe mbaraama bee kaafahi. Ɓe ngiili ɓe ɗon ɓorni lare be'i e baali, ɓe talkiɗi, ɓe torraama, ɓe toonyaama.

Fulfulde DC Bible

³⁷ ɓe piɗaama bee kaa'e haa ɓe maayi, ɓalli maɓɓe ta'aama geɓe ɗiɗi, ɓe mbaraama bee kaafahi. Ɓe ngiili ɓe ɗon ɓorni lare be'i e baali, ɓe talkiɗi, ɓe torraama, ɓe toonyaama.

Ibraniŋke'en 11:37 Iomraidhean Croise

2 Samuyila 12:31

O wurtini boo yimɓe wonɓe nder maagol. O dooli ɓe huuwugo bee ceekruɗe e tufirɗe njamndi e pe'irɗe njamndi, non boo haa kaatane birikje. Bana non Daawuda waari berniiji Ammooni'en fuu. Nden o hooti Urusaliima bee jama'aare konu maako fuu.

1 Laamiiɓe 18:13

Malla ɓe anndinaay jaagorɗo am ko mi waɗi nde Izabel mbari annabi'en Jawmiraawo na? No mi nyukkiniri teemerre nder annabi'en Jawmiraawo, cappanɗe njowo cappanɗe njowo nder lowol? No mi wuurniri ɓe bee nyaamdu e ndiyam?

1 Laamiiɓe 18:4

Naane, nde Izabel nattinino annabi'en Jawmiraawo, saa'i maajum Obadiya nyukkinino annabi'en teemerre, cappanɗe njowo cappanɗe njowo nder lowol, o wuurni ɓe bee nyaamdu e ndiyam.

1 Laamiiɓe 19:1

Akab anndini Izabel ko Eliya waɗi fuu, no o mbardi mooɓgal annabi'en bee kaafahi.

1 Laamiiɓe 19:10

O jaabi: “Yaa Allah Jawmiraawo honooɓe asama, bee tiinaare e ɓernde am fuu kuuwananmaami. Ngam Isra'iila'en piisti alkawal ma, ɓe ngibbini kirsirɗe ma, ɓe mbari annabi'en ma bee kaafahi. Min feere am lutti, ammaa ɓe ngiɗi mbarugo yam.”

1 Laamiiɓe 19:13

Nde Eliya nani ɗum, o suddi yeeso maako bee alkibbaare maako, o wurti, o dari haa hunnduko lowol. Nden sawtu wi'i mo: “Ko mbaɗata ɗo, Eliya?”

1 Laamiiɓe 19:14

O jaabi: “Mi huuwani ma an Allah Jawmiraawo honooɓe asama bee tiinaare e ɓernde am fuu. Isra'iila'en kam piisti alkawal ma, ɓe ngibbini kirsirɗe ma, ɓe mbari annabi'en ma bee kaafahi. Min feere am lutti, ammaa ɓe ngiɗi mbarugo yam.”

1 Laamiiɓe 19:19

Nden Eliya dilli, tawi Elisa ɓii Safat, ɗon rema bee ga'i demooji ɗiɗi ɗiɗi haa sappo e ɗiɗi yeeso muuɗum. O ɗon wondi bee sappo e ɗiɗaɓi. Eliya yehi haa maako, yoofti alkibbaare mum dow maako.

1 Laamiiɓe 21:10

Njo'ine worɓe meere'en ɗiɗo boo yeeso maako, haa ɓe ceedo dow maako, ɓe mbi'a: A wolwi kalluka dow Allah e dow laamiiɗo. Nden ngurtine mo, piɗe mo bee kaa'e haa o maaya.”

2 Laamiiɓe 1:8

Ɓe njaabi mo: “O ɓorniiɗo limce gaasa, o taadiiɗo bee taadorgol laral haa keeci maako.” Laamiiɗo wi'i: “Ɗum Eliya Tisbeejo.”

2 Laamiiɓe 2:13

Nden Elisa hooci alkibbaare do'iinde diga balbe Eliya, o lorti haa fomoonde Urdun.

2 Laamiiɓe 2:8

Eliya hoo'i alkibbaare muuɗum, taggi nde, fiyi ndiyam bee maare. Ɗam senndi geɓe ɗiɗi. Ɓe eeri dow joorɗum.

1 Habaruuji Nyalaaɗe 20:3

O wurtini boo yimɓe wonɓe nder maagol. O dooli ɓe huuwugo bee ceekruɗe e tufirɗe njamndi e pe'irɗe njamndi. Bana non Daawuda waari berniiji Ammooni'en fuu. Nden o hooti Urusaliima bee jama'aare konu maako fuu.

2 Habaruuji Nyalaaɗe 24:21

Yimɓe ummaatoore tuurtani Zekariya, ɓe piɗi mo bee kaa'e haa babal haykaliiru Jawmiraawo, bana laamiiɗo umri ɓe.

Yeremiya 2:30

“Mi ɓocci ɓiɓɓe mooɗon, ammaa ɗum nafaay, ɓe njaɓaay elto. Kaafahi mooɗon mbari annabi'en bana mbarooga zammbotoowa.

Yeremiya 26:23

Ɓe ngaddi Uriya diga ton, ɓe njahri mo yeeso laamiiɗo Yooyakim. O mbari mo, o wudini mo nder ngaska ngoota bee mbaraaɓe woɗɓe.

Zekariya 13:4

Saa'i man annabi'en cemtan ngam koyɗi muuɗum'en ɗi ɓe koyɗi saa'i ɓe ɗon mbaɗa annabaakuuji maɓɓe. Ɓe meetataa ɓornugo alkibbaare annabi'en huuwraande bee gaasa ngam zammbaago yimɓe.

Zekariya 13:9

Mi nastinan luttanɓe bee yoŋki ɓe'e nder yiite ngam laɓɓingo ɓe bana goɗɗo laɓɓinirta cardi. Mi foondan ɓe bana goɗɗo laɓɓinirta kaŋŋeeri. Nden kadi ɓe toroto yam, min boo mi jaɓan tornde maɓɓe. Mi wi'an: Onon, on yimɓe ummaatoore am. Kamɓe boo ɓe mbi'an: Jawmiraawo woni Allah amin.”

Matta 21:35

Remooɓe naŋngi nelaaɓe maako, ɓe ɓocci gooto, ɓe mbari gooto, tataɓo boo ɓe piɗi mo bee kaa'e.

Matta 3:4

Yuhanna ɗon ɓorni limce kuuwraaɗe bee gaasa ngeelooba, o ɗon taadi taadorgol laral, baɓɓatti e njumri ladde ngoni nyaamdu maako.

Matta 8:20

Yeesu jaabi mo: “Doldolɗe ngoodi gasɗe, colli boo ngoodi caɓɓe, ammaa Ɓii-neɗɗo walaa haa wallina hoore mum.”

Luka 13:34

Urusaliima! Urusaliima! A mbari annabi'en, a fiɗi nelaaɓe ɓe Allah neli haa ma bee kaa'e. Nde ɗuuɗɗum mi yiɗino mooɓtugo yimɓe ma, bana no gertogal mooɓtirta ɓikkoy mum les bileeji mum, ammaa on cali.

Kuuɗe Nelaaɓe 14:19

Yahuudu'en woɗɓe ngari diga wuro Antakiya nder lesdi Pisidiya e wuro Ikoniya. Ɓe ummini mooɓe, haa ɓe piɗi Pol bee kaa'e, ɓe ndasi mo yaasi wuro, ɓe tammi o maayi.

Kuuɗe Nelaaɓe 7:52

Woodi annabiijo koo gooto mo kaakiraaɓe mooɗon toonyaaki na? Ɓe mbari nelaaɓe Allah, anndinɓe garki Adiliijo. Ndaa, on zammbi mo, on mbari mo.

2 Korintu'en 12:10

Ngam maajum mi ɗon seyoro tampe am, mi ɗon seyoro kuudi yimɓe, cakle, toonyaaŋgeeji e ɓillaaje ngam daliila Almasiihu. Ngam yaake mi tampuɗo, yaake man nden mi cemmbiɗɗo.

Ibraniŋke'en 11:25

O ɓuri yiɗugo o yarda bone bee ummaatoore Allah dow mettaago seyo nder hakkeeji wakkati seɗɗa.

Ibraniŋke'en 13:3

Ciftore haɓɓaaɓe nder fursina bana to on kaɓɓaaɓe hawtaade bee maɓɓe. Ciftore toonyaaɓe, bana to on toonyaaɓe hawtaade bee maɓɓe.

Wahayu Yuhanna 11:3

Mi nelan seedooɓe am ɗiɗo, ɓorniiɓe limce buhuuje, ɓe mbaɗan annabaaku nyalɗe ujineere e teemeɗɗe ɗiɗi e cappanɗe joweego (1.260).”